كرسى الاعتراف

السؤال بيقول علل يعنى (افطن)

هل حصلك موقف فى الكليه بتعتاك واحرجك اوى؟
ويارت لو حصل تقول الموقف

معلش لورد محدش هيعرف علل دى الا واحد بس هو اللى لسه معااك فى الموال دة
احنا خلاص بطلنا عللات

ايووووة هو حصل بس مش معايا

بس حصل قدامى
اول سنة و فى اول سكشن فيزيائيات تقريبا
كنت لسه جديد و صداقاتى جديدة و محدودة
المهم
كان فى واحد صاحبى
شاف بنت زى القمررر و معاها كدة اسكتش وواقفة على باب القاعة بتاعة السكشن
كبرت فى دماغة على الاخر انه يكلمها
راح يتعرف عليها و يكلمها
لقاها بترد عليه بالقطارة
دة لو كانت ردت اصلا
المهم رجع مخنوق منها ع الاخر
و قعد يقول هى شايفة نفسها على ايه و مش عارف ايه
المهم دخل المعيد
و بص الولد لقى البنت دى واقفة جنب المعيد على البورد و بتكلمة
قااال خلاص انها سيحت له و انه راح فى مشكلة
و مرة واحدة
لقينا المعيد بيقوول
اعرفكم بالمهندسه فلانة بنت فلااان عميد الكلية و معيدة فى قسم كهربااا
لك بقى انك تتخيل شكل الولد دة عامل ازاااى

حلى فكرة الادمن بيزوغ فى كل الاجابااااااااااااااات
الحاجة الوحيدة اللى حقيقة ان مكانش لية هندسة ودى فعلا اول حاجة قلتها له اول مادخلت
وبعدين دة كان صابحك اللى عاكس القمر برضة (غمزة خبيثة ) ماعلينا

انا هاسألك فى سؤال ننكن
على ماتقولى ننكن ولا لا
احب اقولك حاجة


وبما انك على الكرسى




فاقول بصراحة بقةةةةةةةةةةةة





بجد





انا كنت كاتبة صفات كتييييييييير ورجعت مسحتها قلت اختصر بلاش رغى
انت بجد اخ عزيز لكل اعضاء المنتدى وكلنا فخورين بيك بجد
وهتكون اب مثالى جدااااااااااااااااااااا ان شاء الله عشان كدة بقولك يا بابتى
ربنا يحميك ويكرمك ويعزك ويفرحنا بيك و بالشهادة الكبيرة وبعديها فيك بقة ونطمن عليك يا بابتى

بتزغرط علشان الفرح

عقبال كل اميرات و فرسان المنتدى
ياسو مش الاولى و لا هتكون الاخيرة ان شاء الله
بس كدة دة كل الموضوع
كدة اظن الاسبوع خلص
خلاص و لا لسه فى حد فى نفسة حاااجة

سيب اوبل في حاله ملكش دعوة بيه
هو مش فاضي لما يخلص اللي هوه فيه يبقه يدخل
ياساتر
ده صاحبك وانته المفروض تخلي عندك حساسة وتقدر الظروف اللي هو فيها ياساتر

خلاااص يا عم
فلت منها اوبل المرة دى
و برضة علشاان ظروفة
يلا ادخل ديسبو يا جاااامد

لالالالالالالالالا
اوبل انته اللي ادمن اختارك يلاشد حيلك وخش واعترف بكل البلاوي
اللي انته عملتها
وانته ياادمن ده كانت دعابة انته علي طول مابتصدق هوه الواحد ميعرفش يهزر معاك شوية
ياساتر ياساتر ياساتر

nooooooo waaaaaaaaaaaaay
يلا ديسبو يا جماعة دلوقتى
اتلزق ع الكرسى
طلعوا بقى عليه القديم و القديم

ههههههههههههههه
قعدوك بالعافية يا ديسبو
ما كانش العشم يا ادمن
ده ديسبو حبيب الكل
سؤالي
ايه اللي فيه اوبل ؟و يا ريت تجاوب بصراحة زي عادتك

مكانش العشم
وعلي راي محمد صبحي : كلكوا عليا ولا ايه
وبالنسبة ليك ياادمن:
فانا كنت مستنيك النهاردة تجيلي علي احر من الجمر علشان ده انته روحي روحي روحي
واسال اش وهو يقلك بس للاسف فلت
وبالنسبة لسؤالك ياpopulery اوبل باشا مشغول في امتحانات عن الشبكات وان شاء الله
يخلص بكره علي خير وساعتها عنصفي حسابنا مع الادمن
اما الست قطقط عايز اقولها حرام ارحموا عزيز قوم ذل وهنيالك يافاعل الخير والثواب
واديني فرصة علشان افكر في الاجابات علي رواقة
ياساتر

ما كانشى يومك يا اخووويا
غدرو بيك يا حبيبى
لو كنت اعرف ديسبو
كنت
عملتها من زماااااان قبل ما اقول اوبل حتى
يلا يا بنى مش عاوزين ننام منك
انجز علشان تدخل ع اللى بعدة
لسه احنا فىاول الاسبووووع

اية هو الحب من وجهة نظرك؟
انا رايي ان الحب هو اكتر المصادر اللي بنعتمد عليه في غذاءنا اليومي ومن امثلته القمح والذرة والارز
ادي الاول عدي علي خير


حبيت كام مرة بجد؟
ماقدرش اقول اني حبيت بجد لانها كانت فترة مراهقة يعني المراهق بيحب علي نفسه طول الوقت
التاني عدي علي خير


اية هو الموقف اللى اتعرضت لية فى حياتكومتنساهوش لغاية دلوقتى؟
موقف دموي اوبل وادمن عارفينه حصل في درس الانجليزي في الثانوي ولسه معلم لغاية دلوقت


لو واحد صاحبك انت زعلان منة وجة يصالحك هتقبل انك تسامحة؟
اكيد بس مايكونش دبسني في حاجة غصب عني وهو عارف نفسه

واحدة زميلتك انت متخانق معاها وجت تعتذرلك هتسامحها؟
عسامحها بس بعد ما اطلع عينها


عمرك اعتذرت لحد وقولتلة انا اسف وانت غلطان؟
اه اعتذرت قبل كده ومش عيبان الواحد يعتذر لو حس انه غلط


مين الانسان اللى بتعتبرة مرايتك فى الحياة يعنى اقرب الناس ليك؟
انا بطبعي بحب اكون انطوائي في حياتي الخاصة ومبحبش اقول علي اي حاجة لحد
ولما تكون حاجة شغلاني بحسبها بيني وبين نفسي كتير والحمد لله في الغالب بكون موفق


تهدى الاغانى دى لمين :
افتكرتنى (هشام عباس).............افتكرتني عنسي انك دبستني في كرسي الاعتراف
خليك معايا (عمرو دياب)..........يااوبل
بحلم بيك (ساموزين)...............يوم التخرج من كلية التجارة
عارف اية (ساموزين).............عارف ايه اللي ععمله فيك لو شفتك قدامي مش عقلك
خليها فجاة
احلى منهم (ايهاب توفيق)...........منتدي الاصدقاء (الاندال)اللي بيبيعوا صحابهم



ايه هي مميزاتك وعيوبك في شخصيتك؟(بصراااااااااااااحه)؟؟
الهدوء وقت اللزوم علشان الموقف يعدي علي خير وعلشان الموضوع مايتطورش
بس الهدوء ممكن يتطور ويبقه السكوت اللي يسبق العاصفة في حالة ان زاد الامر زيادة عن اللزوم وعلي فكرة انا هادي بطبعي بس لو اتنرفزت مابيهمنيش مع مين اتكلمم وده حقيقة
لاني بخرج عن شعوري
وعلي فكرة انا من النوع اللي بسامح بسرعة
بس الاساءة عمري مابنساها وبشيلها مهما ملر من الوقت

يارب اكون قلت اللي يريحكوا ياساتر
ومردودالك ياقطقط وربنا علي الطالم والمفتري

و الله مش لافقى اى حاجة اسالة فيها
خلاص قطقوطة خلصت الاسئلة كلها
رد يابنى و خلصنا

اولا ياادمن ياحبيب جلبي من جوه انته تدبسني وتقول معنديش اسئلة
ليه القطة كلت لسانك وهيه اللي بتتكلم بدالك
اما انتي ياست قطقط هو انا مافيش غيرك اللي في المنتدي عايز يسالني ؟
وكمان خليكي كويسة معايا المفروض هو سؤال واحد مش كل ده حرام
علي العموم انا عارف الحل ليكي ايه هو لتر لبن جهينه من دمنهور وعلي حسابي
تشربيه من هنا وتبقي زي الفل
ونجي كلنا نزورك
بالنسبة للاسئلة :
1ـما هى اقصى امنيه تتمنى تحققها؟
بحب احتفظ بيها لنفسي

2ـأحلى يوم قضيته مع اصحابك ونفسك يتكرر؟
يوم مااتفقنا نطلع نصطاد الفجر واللي كان منظم الموضوع ادمن وكلنا رحنا
وكنا حوالي 12 وادمن باشا جالنا الساعة 10 الصبح بعد ماخلاص كنا عنمشي
وعلي فكرة انا اكتر واحد اصطاد وجبت اكبر حوت من اللي جابوه ( بساريه)


3ـايه هو المكان اللى سافرت ليه قريب؟
مصر

4ـأذكر اسماء اصحابك المقربين ليك اوى؟
احمد محمد احمد محمد احمد مصطفي شريف كفاية دول


5ـأحكى لى يومك بيكون ازاى من اول لما تصحى من النوم؟مع الاكل والمشاريب؟ ونوع الاكل؟
يومي طبعا عبارة عن صراع مابين اني اقوم من النوم او اكمل نومي
طبعا العادي بتاعنا بنتوضي ونصلي ومبحبش حد يكلمني علي الصبح لاني ممكن اشد معاه
لاني بكون عصبي شويه لما اصحي وبعد مافوق بروق واهزر
بالنسبة للاكل بحب كل انواعه ماعدا السبانخ والبسله (احبها من غير طبيخ بتسلي عليها )
والترلي لكن بموت في كل انواع المكرونات وخاصة المكرونة بالباشميل بحبها موووووت
وبالنسبة للغدا اللي موجود باكله بس في حالة الاشياء الممتوعة السابق ذكرها بيعملولي
حاجة بديلة والشرب عادي كل المشاريب بشربها ماعدا جهينة

أنت بتحب القراءه؟
مش دايما لوحاجة شدتني

6ـإيه هو اول كتاب قريته فى حياتك؟
اكيد طبعا زي مل الناس ميكي وبطوط

7ـبتحب تسمع مين من الدعاه؟
مافيش حد معين بس فيه محمد هداية عمرو خالد ( مش دايما )

8ـانتى بتدرس ايه؟
تجارة بعيد عنك وعن السامعين

9ـأيه الكليه اللى كان نفسك تدخلها بس المجموع عمل باصله معاك؟ وانا عارفاك يا عينى تعبت من المذاكره؟
اولا انا كنت ادبي وكنت ميال للتجارة بس فعلا المجموع فرق معاياهو والتنسيق وبدل ماادخل تجارة انتظام
التنسيق لعب لعبته الدنيئة معايا ودخلت المرحلة الاولي بس انتساب بفرق 3.5عن الانتظام
وده كان عينفع في درجات الرافة

10ـإيه المكان اللى بتحبه اوى؟ وليه؟
بيتنا اكيد وليه لاني بلاقي فيه كل اللي بحبحهم

نفسك تسافر خارج مصر ؟تروح فين ؟ وليه؟ يابنى بيتكم اولا بيكم؟
لا .........لو رحت يبقة للسعودية ....زعلشان احج واعمل عمرة


أيه هى التجربه اللى تتمنى انك متكررهاش تانى؟
انا كابلات النت تنقطع تاني


11ـلو حياتك قصه هتسميها ايه؟وليه؟
بداية بلا نهاية ..............علشان انا مش عكون موجود اكتب النهاية وياريت تبقوا تكملوها بدالي

12ـ هل انت راض على اللى بتعمله فى المنتدى؟وخصوصا حاله التسمم اللى انت السبب فيها؟بسبب موضوع الالبان؟
اكيد راضي طبعا ..............بالنسبة للتسمم انا الحق عليا ده انا بحذركم يكون ده جزائي
ياساتر

13ـكنت متوقع وجودك فى المنتدى كل هذه الفتره؟
بصراحة لا وكنت ناوي اعمل زي حبيبي وصاحبي ash واخلع بس النصيب

متى تشعر بالملل من المنتدى؟
لما اكون مش لاقي حد معايا اون لاين واكون عايز انام

كلمات صادقه تحب توجها لمين من الاعضاء؟
ارجع بقه يااوبل
اظن ياقطقط عملت اللي عليه وجاوبت ولو ده امتحان والله مش اكتب فيه زي اللي كتبته هنا
ياساتر كفاية بقه ياتري عقوم من علي الكرسي ده امته ؟
يلساتر ياساتر ياساتر

اسمك الحقيقى؟
اسمي الحقيقي مصطفي كمال


اوصف نفسك من حيث تراها انت وليس الاخرين؟
الطول فوق ال185 الوزن 107 كيلو ابيض اللون
صاحب شعر اسود وعنين عسلية ( مش بتاعة الاكل )


ايه اللى بيضايقك فى بنات اليومين دول؟
اولا مش كل البنات بكون متايق منهم فيه بنات كتير قوي بيعجبني احترامهم
وبنات تانية بتكون تافهة وغير محترمة


القسم المفضل ؟
قسم المصارعة



تعاتب مين على المنتدى؟
ازميرو علشان هيه اللي جابت الكرسي


لو رجع بيك الزمان للخلف تحب تغير ايه فى حياتك؟
ناس اتعرفت عليهم وافتكرتهم اصحابي


لو تحب تكتب على جدار الزمن تكتب ايه؟
كل من عليها فان
ليت الشباب يعود يوما


فيه حاجة تاني ياسيادة القاضي قطقط ولا براءة انا

ياحينى يا بنىىىىىىىىىىىى
دلوقتى بس عرفت ان وجهة نظرى صح ان الاول فى الكرسى ربنا بيحبة

ربنا معااااااااااااااك يا مصطفى يا مصطفى هو حضرتك تقرب لمصطفى كامل ولا دة تشابة اسماء يعنى كامل كمال

بس اتصور فينا كتير من بعض .... تخيل اانا مش 185 دى ولا 107 دى خالص كنت انتحرت (واحد مشنوق)
بس انا مش عارفة ابيضة ولا ازرقة بس بقة شعرى اصفر وعنيا اخضرة شفت الشبة بقة
وبعدين لية تجاااااااااارة بعيد عن السامعين دىىىىىىىىىى
ماهما السامعين اللى بيحصلك حصلهم دى فلة ولا فى الدنيا تجارة دى قمررررر

بس بجد اجابات فوق الرائعه يا ديسبو نورت الكرسى بجد
وربنا ينجح تتح ويجيبة بالسلامة ويقدر تضحيتك بنفسك على الكرسى

اضحكي براحتك ما خلاص بقينا ملطشة اللي رايح واللي جاي يبهدل فينا
كل ده بسببك انتي وازميرو (اختي حبيبة جلبي من جوه )
انتوا اللي صممتوا الكرسي المهبب ده
وخليتوا الادمن يتحكم فيا وانا قصدي شريف ادافع عن صاحبي لك يوم ياللي في بالي

ههههههههههههههههههههههههه
يا عينى يابنى عيط كمان يمكن تنقى قلبك
يلا شويه اسئله على الريق
انا مش فاهمه انت عامل ايه للاعضاء محدش عايز يسالك

- هل تتمنى مغادرة بعض الأعضاء منتدانا ؟؟؟؟ لمادا؟؟؟؟
- هل تعتقد أن الرجل عليه أن يتزوج مبكرا؟؟؟؟ لمادا؟؟؟؟
- هل تحب الأطفال؟؟؟
- هل تشاطر راي البعض في ان بناء المستقبل يكون أفضل عن طريق الهجرة؟؟؟
- متى تشعر بالرغبة في البكاء؟؟؟
- هل تحب مشاهدة التلفزيون؟؟؟
- هل تستعمل القوة أحيانا؟؟؟
ما اهم اصدقاء لك بالمنتدى؟؟
هل تفضل صداقه الشباب ولا البنات اكتر ؟؟
هل تفضل الفتاة المحجبه ام المتبرجه؟ الروشه يعنى؟
هل انت مدمن لعادة معينه؟
الفترة التى تتمنى ان تعيش فيها؟ ولما؟
ماذا يعنى لك الزواج و الحياء و الشريعه الاسلاميه ؟
هل انت متفائل والى اى حد؟
هل انت مجامل والى اى حد؟
هل تؤمن بالابراج؟
هل لك علاقات مع الجنس الاخر؟
هل الحياة تعتى لك امراة جميله ومسكن نظيف و لقمه هنيه؟
يلا على لما افوء ابقى اشوف باقى الاسئله
ده انت هتشوف اسبوع

حرام كل ده
ولسه لما تفوئي هيه هوانتي موصوفالي في الكرسي المهبب ده
حرام

سيبني شوية افك وامخمخ في الاجابات
وبرده عطلع براءة منها
ونكيد العوازل

كيد العوازل يا قلبى زى ما تحب
وخد شويه اسئله ع الماشى لحد لما تركز كده اكون فكرت ف غيره
1) مَن مِن الاعضاء تحرص على متابعة مواضيعه والرد عليها ؟

2) ماذا يعني لك كلا من :
البحـــــــر:
الغـــروب:
الحـــــب:
الام:

3)اول شخص بتتمنى انك تشوفه في هذه اللحظه ؟

4)بصراحة اذا واجهتك مشاكل مع من تحب او اختلاف شديد؟ كيف تتصرف؟


5)في رايك من يؤثر أكثر على الانسان الاسره أو الاصدقاء؟

السؤال الأول :- (اجباري)

أجب عن الاسئله التاليه:-
أ- ماهو اهم هدف في حياتك تتمنى تحقيقه؟
ب- من هم أقرب الناس اليكى بالترتيب؟
ج- ماهى مواصفات أميرة احلامك؟
د- ايه اكتر صفه ممكن تجذبك لصداقة ولد؟
ر ماذا تعنى كلمة الثقة بالنفس بالنسبة لك؟؟
وياترى ما درجة ثقتك بنفسويتك.....كام من عشره 10؟؟؟؟؟ ولماذا؟؟
ه- ايه اللى ممكن تزعل بسببه من واحد صاحبك وماتصالحهوش تانى مهما حصل؟
و- ماالدرس الذي تعلمتيه من الحياه وكان قاسي عليكى؟
ز- هل انت من اصحاب القلب الأسود؟؟ هل تنسي بسهوله؟؟ ولماذا؟؟
ى- صف نفسك كما تراها انت في جملة؟؟
-----------------------------------------------
السؤال التانى :- (اجباري برضه)
ماذا ستفعل لو :-
أ- أصبحت الادمن ليوم واحد
ب-أصبحت عميد كلية التجارة؟؟
(بخصوص قسم المحاسبه يعنى )
--------------------------------------------
السؤال الثالث:- >>> والله العظيم اجباري هو كمان

أكمل الآتى:-
1-حينما احزن أقوم ب................
2- عند شعورى بالسعاده الخياليه ..............
3- أجد نفسي عندما ...................
4- نقطه ضعفي هى .................. بينما انا قوي جدا في ............
-----------------------------------------------------
السؤال الرابع:-
(اختارى 6 من 7 لو تحب يعنى) رحمة وشفقه يلا بدل ماتدعي عليا
عرف التالى من وجهة نظرك ثم اذكر ماذا يمثل بالنسبة لك مع توجيه كلمه لكل من:-
أ- الحب
ب- الصداقه
ج- المنتدى
د- الحياة
ه - السعاده
و - الرومانسية
ز - ازميروووووووووو


----------------------------------------------------------------------------------
السؤال الخامس :-
اكمل ماياتى بالتفصيل الممل
الاسم:.........
تاريخ الميلاد: ../../....
البرج:........
الهوايات:.......,.......,...........

أول شئ أفعله فى الصباح:.......................
بقضى وقت فراغى فى:.........................
الحياة بلا معنى بدون:....................
لو لم أكن ...............(كل حسب تخصصه) لوددت ان اكون:.............
زمان وانا صغير كنت بحلم ابقى:....................
لو فى امكانك التبديل مع شخص اخر فمن يكون:............
تستطيع ان تقول انى منجذب الى شخص ما اذا................
عندما اشعر بالرومانسية فدائما ما:...................
اذا كنت انا روميو فجوليت هى:.........
اكتر مرة بكيت:...........
اكتر حاجة تسعدنى:..........
اتفائل عندما:..............
اشعر انى اود ان اطير عندما:..........
اشعر بالاحباط عندما:...............
أجمل هدية فى حياتى كانت من :.................
لن أغفر ابدا لصديق...............
موقف لن انساه..............
أكثر نقد توجهه لنفسك............
لا استطيع التخلص من.................
اتمنى لو لم............
اتمنى ان اعيش فى..............
يجب ان امتنع عن...............
يجب ان احاول ان................
اود ان اقول.....................