كرسى الاعتراف

يا نهارلوووووووووووووووووووووووووووووووو.........................
يا وحوى يا وحوى
كل دىىىى اسئلة لديسبو الغلبااان
و النعمة لو اعرف ما كنت دخلتك
حتى ازميرو قلبت عليييك
انا بس عاوزك تفتكر صاحبك اللى وقف جنبك دلوقتى و مش رضى يسالك
اللى هو العبد لله طبعا

هل تتمنى مغادرة بعض الأعضاء منتدانا ؟؟؟؟ لمادا؟؟؟؟
لا .............لاننا اصدقاء

هل تعتقد أن الرجل عليه أن يتزوج مبكرا؟؟؟؟ لمادا؟؟؟؟
مش في كل الحالات.........وذلك لان الزواج مرتبط بقدرة الشاب علي فتح منزل وهل هو جاهز

هل تحب الأطفال؟؟؟
جداااااااااااا (بس وهما لسه صغيرين )

- هل تشاطر راي البعض في ان بناء المستقبل يكون أفضل عن طريق الهجرة؟؟؟
مش في كل الحالات لانه من الممكن ان يتوفر عمل داخل البلد باجر مرضي
اما اذا تعذر العثور علي عمل مرضي يكون الحل الهجرة

متى تشعر بالرغبة في البكاء؟؟؟
في حالة فقد عزيز غالي

هل تحب مشاهدة التلفزيون؟؟؟
اكيييييييييييد

هل تستعمل القوة أحيانا؟؟؟
اكييييييييييد

ما اهم اصدقاء لك بالمنتدى؟؟
اوبل ونايت وميستريس وممر (طبعا ازميرو ده اختي والادمن مش صاحبي ولا اعرفه)

هل تفضل صداقه الشباب ولا البنات اكتر ؟؟
الشباب طبعا ...مش بيقولوا الولد ب100 بنت

هل تفضل الفتاة المحجبه ام المتبرجه؟ الروشه يعنى؟
الاتنين لانها ممكن تكون نحجبة بس غير محترمة ويكون الحجاب للمظهر الخارجي
وممكن تكون متبرجة بس محترمة وملتزمة

هل انت مدمن لعادة معينه؟
اه ..لمشاهدة التلفزيون والكمبيوتر لاوقات طويلة جداااااااااااا

الفترة التى تتمنى ان تعيش فيها؟ ولماذ؟
فترة سي السيد .......كانت الست تترعش لما تعرف ان جوزها جاي في السكة


ماذا يعنى لك الزواج و الحياء و الشريعه الاسلاميه ؟
الزواج مسئولية والتزام وشر لابد منه ........الحياء شي مستحب لدي المسلم ......زالشريعة الاسلامية شرع الله عند سيادتكم مانع

هل انت متفائل والى اى حد؟
انا متفائل بدرجة كبيرة وده دايما طبعي

هل انت مجامل والى اى حد؟
مش دايما .في حدود المعقول

هل تؤمن بالابراج؟
لا

هل لك علاقات مع الجنس الاخر؟
ومين منا مالهوش علاقات بالجنس الاخر

هل الحياة تعتى لك امراة جميله ومسكن نظيف و لقمه هنيه؟
امرة جميلة مش شرط .......مسكن ماهولازم يكون نضيف احنا مش حيوانات علشان نعيش في زريبة .....لقمة هنية اه....بس الحياة مش دول وبس
وده كانت الاسئلة الاولي

باقي السئلة
مَن مِن الاعضاء تحرص على متابعة مواضيعه والرد عليها ؟
اغلبية الاعضاء بلا استثناء

2) ماذا يعني لك كلا من :
البحـــــــر: لغز كبير
الغـــروب:صديق العشاق
الحـــــب: ياعيني علي الحب وبالذات اللوبيا بحبها مووووووووت
الام:ست الحبايب ومدرسة اذا اعددتها اعددت شعب طيب الاعراق

اول شخص بتتمنى انك تشوفه في هذه اللحظه ؟
اكيد الادمن علشان اصفي حسابي معاه

بصراحة اذا واجهتك مشاكل مع من تحب او اختلاف شديد؟ كيف تتصرف؟
الصبر مفتاح الفرج

في رايك من يؤثر أكثر على الانسان الاسره أو الاصدقاء؟
الاسرة لان الاسرة هي اللي بتقوم بعملية التربية وعلي اساس التربية اللي اتربيتها عختار اصدقائي
يعني لو كانت تربية صالحة عيكون اصحابي اصدقاء بجد اما لا قدر الله كانت تربية سيئة فالنتيجة
معروفة اصدقاء سوء

6ـ ما هى أسعد 3 مواقف فى طفولتك ؟
ده شيء خاص مش من حق اي شخص يعرفه

7-وهل يوجد صديق ندمت على صداقته؟
اكيد


7ـ وردة إخلاص وحب ... لمن تهديها ؟
للصديق الوفي

8ـ هل أنت شخص تفكر بالعقل أم بالعاطفة ؟
غالبا بالعقل بس فيه امور لازم تتدخل فيها العاطفة

9ـ ماذا ينقص المنتدى من وجهة نظرك كى يكون من أفضل المواقع العربية؟
ادمن جديد ( )

10ـمين الانسان اللى بتتمنى تتخلص منه؟غيرى طبعا
لايوجد ()

وده الجزء التاني
وبرده براءة
نصيحة محدش عيمسك عليه حاجة

يلا ياست ازميرو حتي انتي كمان انضميتلهم
حسبي الله ونعم الوكيل
ونبدا الاسئلة :

ماهو اهم هدف في حياتك تتمنى تحقيقه؟التخرج من كلية التجارة (الهدف قريب المدي )

ب- من هم أقرب الناس اليكى بالترتيب؟
ابي ....امي ....اختي

ج- ماهى مواصفات أميرة احلامك؟
خلي الكلام ده بيني وبينك

د- ايه اكتر صفه ممكن تجذبك لصداقة ولد؟
انه يكون وفي

ر ماذا تعنى كلمة الثقة بالنفس بالنسبة لك؟؟
تعني النجاح في اي شيء بنسبة كبيرة

وياترى ما درجة ثقتك بنفسويتك.....كام من عشره 10؟؟؟؟؟ ولماذا؟؟
النسبة مش 10 لانها لو كانت 10 تبقه غرور ومش اقل من 8 علشان لو اقل تبقه ده مش نفسويتي


ه- ايه اللى ممكن تزعل بسببه من واحد صاحبك وماتصالحهوش تانى مهما حصل؟
الغدر

و- ماالدرس الذي تعلمتيه من الحياه وكان قاسي عليكى؟
ان مش اي واحد احكيله اسراري

ز- هل انت من اصحاب القلب الأسود؟؟ هل تنسي بسهوله؟؟ ولماذا؟؟
ممكن تقولي كده ........لان لو حد اساء ليه منساش .........ده طبيعتي ومش عغيرها

ى- صف نفسك كما تراها انت في جملة؟؟
انسان لست ملاكا ولست شيطانا

ده السؤال الاول ياست ازميرو (نقول براءة)

السؤال التاني :
ماذا ستفعل لو :-
أ- أصبحت الادمن ليوم واحد :
مش عقول انا عنفذ نحن رجال افعال لا اقوال

ب-أصبحت عميد كلية التجارة؟؟
(بخصوص قسم المحاسبه يعنى )
كل الطلبة ناجحين وبتفوق وععين نفسي معيد بلاش
اقول دكتور الطمع وحش

ونقول اللي بعده
السؤال الثالث:

أكمل الآتى:-
1-حينما احزن أقوم بالاختلاء بنفسي
2- عند شعورى بالسعاده الخياليه اكون سخي بدرجة كبيرة
3- أجد نفسي عندما اكون برفقة اصدقائي
4- نقطه ضعفي هى شيء ملكي بينما انا قوي جدا في الحق

اللي بعده
السؤال الرابع :

عرف التالى من وجهة نظرك ثم اذكر ماذا يمثل بالنسبة لك مع توجيه كلمه لكل من:-
أ- الحب : من اساسيات نظامنا الغذائي
ب- الصداقه :كنز لايفني
ج- المنتدى : مكان نلتقي فيه بالاصدقاء
د- الحياة : حلوة للي يفهمها
ه - السعاده: في راحة البال
و - الرومانسية : فارس ومعاه حبيبته علي الحمار الابيض
ز - ازميروووووووووو:ده روحي روحي روحي

السؤال الخامس والاخير :
يافرج الله

اكمل ماياتى بالتفصيل الممل
الاسم: مصطفي كمال شعبان
تاريخ الميلاد: 21\9\1985
البرج:الميزان او العذراء مش متاكد
الهوايات:.الكمبيوتر كرة القدم

أول شئ أفعله فى الصباح:اقوم من النوم
بقضى وقت فراغى فى:الكمبيوتر
الحياة بلا معنى بدون: النت
لو لم أكن اهلاويا .(كل حسب تخصصه) لوددت ان اكون: اهلاويا
زمان وانا صغير كنت بحلم ابقى:. كبيييييييييير
لو فى امكانك التبديل مع شخص اخر فمن يكون:حبيب الشعب المصري (وبلاش كلام كتير اكيد عرفتوه)
تستطيع ان تقول انى منجذب الى شخص ما اذا.. استريحتله
عندما اشعر بالرومانسية فدائما ما:. بنام
اذا كنت انا روميو فجوليت هى:.لسه ملقيتهاش
اكتر مرة بكيت : ليه الفضايح ده
اكتر حاجة تسعدنى: سعادة من حولي
اتفائل عندما:. اشاهد شيء جميل
اشعر انى اود ان اطير عندما:.. اكون في قمة سعادتي
اشعر بالاحباط عندما:..... افشل في شيء
أجمل هدية فى حياتى كانت من :....عائلتي
لن أغفر ابدا لصديق... غدره بيه
موقف لن انساه... كرسي الاعتراف
أكثر نقد توجهه لنفسك.... لما بزعل اقرب الناس ليه
لا استطيع التخلص من : اصدقائي
اتمنى لو لم...اكن عصبيا
اتمنى ان اعيش فى... كوالالامبور
يجب ان امتنع عن... السهر
يجب ان احاول ان... انام بدري
اود ان اقول.. منه لله اللي كان السبب


وبكده اكون خلصت الاسئلة
وياتري تدوني كام من 10 ؟

يلا مزمز فى دول على لما اتغدى واشوف فيه اى سؤال تانى مش سالته
ولو انت شايف ان فيه سؤال قولى عليه

توكلنا علي الله
يلا نبتدي بالست قطقوطة وقبل ماابدا عايز اقولها :
علي الباغي تدور الدوائر
وانتي مقدمتيش السبت فمشعتلاقي الحد وسخني يلا من دلوقت لانك المرشحة الاولي
للجلوس علي الكرسي

موقف مضحك مر عليك ولا تنسه الى الان ؟
موقف في الثانوية وكان عندنا استاذ بيشرح واحنا حدفنا عليه جبنة غريبة كانوا بيجيبوها تغذية
وهو ولا هوه هنا

موقف محرج ؟
وليه الاحراج ده بقه

موقف محزن ؟
وفاة صديق دراسة


موقف بكيت فيه ؟
وفاة صديق دراسة

اكتب لنا عباره مازلت تحفظها من كتب قرأتها ؟
صوتك العالي دليل علي ضعف موقفك (في ظهر اي كتاب مدرسي)

مذيع يعجبك ادائه ؟
مصطفي الاغا من قناة mbc

فنان يعجبك , فنانة تعجبك ؟
احمد حلمي ........نعيمة الصغير

عضو لاتتمنى ان يكون بيننا ؟
مش محتاجة سؤال

من اين تعرفت على المنتدى ؟
من الادمن

لونك المفضل؟
الاسود او الدرجات الغامقة

اكلتك المفضله؟
مكرونة بالباشميل (جوعتيني علي الفاضي )

اغنيتك المفضله؟
قارئة الفنجان

ايه الل بيفرحك؟
فرح اللي حوليه

ما هى حكمتك فى الحياه؟
عش ندل تموت مستور

معاك رحله للقمر هتاخد فيها مين ؟
اي واحد عايز اخلص منه ومش عايز حد يشوفني

ماهي افضل الطرق من وجهة نظرك لكي تكون متميز في الحياة؟
الاخلاص في العمل

*باقة شوك تهديها لمين ؟؟
لكل عضو بيحب يشاكسني

*اسواءخبر سمعته ؟؟
الزمالك وصل نهائي الكاس

*شخص ماترفضلوش طلب ؟؟
اوبل

بتحب تشوف افلام كارتون؟ وايه افضلها عندك؟
اه ..........يوجي

ايه اكتر حاجة بتحبها فى اللى يكون قدامك؟
الصدق وانه ميطولش في الكلام (يعني يجيب المفيد)(انا دماغي متكلفة )

2- ايه اكتر شئ مبتحبهوش فى اللى قدامك؟
الرغي في كلام مافهوش فايدة

3- لو بتحب حد وهتهديه هديه هتديله ايه؟
الادمن ........قنبلة سريعة الانفجار

4- لو فى ايدك القرار انك تغير حاجة فى الدنيا هتغير ايه؟
خلينا في حالنا وفي بيوتنا انتوا عايزين تشردونا ولا ايه

تقول لمين الكلمات اللى جايه:

* بحبك موووووووت*.........لعيلتي

* محتاجلك بجد*.....للصديق الوفي

* اسف *............في اللي عيحصلك مني ياقطقط

* حراااااااااام *......نندم علي الايام

* بشتاقلك *........للاجازة

* دايما على بالى *.........اللي عمل معايا اي دور ندالة

* مش عاوز اعرفك تانى *.......ياصديق السوء

* هفضل احبك طول عمرى للنادي الاهلي


هيه ده الاسئلة ياقطقط اللي انتي وجعالي دماغي بيها
ده مخادتش 10 دقايق

حتي انتي يااليس
لاحول ولاقوة الا بالله العلي العظيم
هو للدرجاتي انتوا بتعزوني

يلا مش مشكلة علي العموم اسئلتك صغيرة مش زي ناس

يا ترى تحب نزور او تعيش فى اى بلد؟
لا .....بس احب ازور السعودية علشان ان شاء الله اعمل حج وعمرة


لو ما كنتش دخلت كليتى الحبيبه طبعا واللى انت بتموت فيها اكيد كنت دخلت ايه؟
تجارة برده ماهي الكلية ده موصوفالنا كلنا

ايه البلد اللى مش تتمنى تزورها ابدا؟
اسرائيل

ما اصعب قرار واجهته وياترى طلع صح ولا غلط؟
لا ده حاجة ماتتحكيش (خليها في سرك )

يا ترى ايه اغرب حلم حلمته؟
الحمد لله بنام خفيف علشان ماتجليش كوابيس

اي خدمة تانية انا كده عملت اللي عليه وزيادة
وخلكوا فاكرن اني فاضلي بكره وبعده
وانصب خليفتي علي الكرسي فاهمين ولا ............

ديسبوا
انا عسالك سؤالين

ايه اكتر صفه تجذبك للبنت؟
و ايه اكتر صفه تكرها فى البنات؟

بس كده
اهو ده اللي انا كنت عايزه سؤال واحد مش كشكشول
بصي ياستي
احب البنت الملتزمة
واكره البنت الغير منضبطة

وماله الكشكول
مش بنعرف الناس على طباعك
علشان يعرفه هما بيتعامله مع مين
انتظر المذكره القادمه

ههههههههههههههههه

شوفت عشان تعرف انى طيوبه

طب ايه الصفه اللى نفسك تغيرها فى نفسك

اللماضة

اموت انا فى اللماضه
يلا اتلامض بقى مع شويه الاسئله دى لحد لما امخمخ فى غيرها
*ماهو شعورك وانت قاعد على الكرسي؟؟

*هناك الكثير من الاقلام المميزه هنا..من اكثر قلم لفت نظرك؟؟

*ماهو اكثر تصرف يزعجك من الاعضاء؟؟

*اعط نفسك نسبه مئويه لكل من:
ذكائك
سعادتك
حزنك
فرحك

*اكثر عضو تتقبل انتقاده بدون زعل؟؟

*يقولون خذ الحكمه من افواه المجانين؟طيب ماادام كلامهم حكم ليه سموهم مجانين ؟؟ هههههههههههههه

*اكثر شيء يخليك تعصب؟؟

*ماهو الشيء الذي على اساسه تقيم الناس به..؟

*نبدا باسئله تخص الاعضاء:
عضو اجتماعي..؟
عضو تتمنى تتعرف عليه..؟
عضو مشاكس..؟
عضو يرسم البسمه على شفاة الجميع..؟
عضو روح المنتدى..؟
عضو تتجنب الاحتكاك به..؟
عضو ونفسك تعرف معنى اسمه..؟
عضو واثق من نفسه..؟
عضو يتعامل مع الجميع بكل احترام..؟

* ماهو الدعاء اللي دعيته على كاتبة الاسئله..؟

اتمنى تكون اسئلتي خفيفه

ماشي ياست قطقوطة هانت فاضل علي الكرسي يوم
وبعد كده نعرف مين اللي عيشرف مكاني
بعد ما اخد البراءة ان شاء الله لعدم توافر الادلة
مش بيقولوا كده يا واد يانايت بيه
استعنا علي الشقي بالله


ماهو شعورك وانت قاعد على الكرسي؟؟
شعوري هو شعور كل اللي قعد قبلي واللي عيقعد بعدي


*هناك الكثير من الاقلام المميزه هنا..من اكثر قلم لفت نظرك؟؟
فيه اقلام كتيرة زي سابي وقاموس وازميراندا وغيرهم من الاعضاء (ومش عقول عليكي ياقطقط خليها بيني وبينك )


*ماهو اكثر تصرف يزعجك من الاعضاء؟؟
عدم الرد علي المواضيع

*اعط نفسك نسبه مئويه لكل من:
ذكائك:
مش انا اللي احدده اللي بتعامل معاهم هما اللي يحددوه علشان يكون تحديد موضوعي

سعادتك:
مرتفعة والحمد لله نقول 85%

حزنك:
مين اللي بقلبها نكد فينا وكمان الحزن حالو قتية مش دايمة ونقول 25%

فرحك:
ايوه هيه ده الاسئلة 100%

*اكثر عضو تتقبل انتقاده بدون زعل؟؟
اوبل


*يقولون خذ الحكمه من افواه المجانين؟طيب ماادام كلامهم حكم ليه سموهم مجانين ؟؟
لاني ممكن اكون علي راي وهو الصح بس مع مجموعة شايفة ان رايي هو اللي غلط وساعتها رايهم اللي عيمشي
وممكن العكس وعلشان كده سموهم مجانين


*اكثر شيء يخليك تعصب؟؟
الزمالك يغلب الاهلي (وده نادر لمل بيحصل)

*ماهو الشيء الذي على اساسه تقيم الناس به..؟
اخلاقه .. معاملته .. مواقفه ..(ردوده في المنتدي)

*نبدا باسئله تخص الاعضاء:
عضو اجتماعي..؟سابرينا ..ازميراندا

عضو تتمنى تتعرف عليه؟
فيه كتيير ممكن اكون عايز اتعرف عليهم بس مش قايل

عضو مشاكس..؟
فيه كتير

عضو يرسم البسمه على شفاة الجميع..؟
نايت

عضو روح المنتدى..؟
قطقط ده روحي روحي روحي

عضو تتجنب الاحتكاك به..؟
لايوجد واللي شايف غير كده بقولي

عضو ونفسك تعرف معنى اسمه..؟
مافيش الاسماء معروفة

عضو واثق من نفسه..؟
العبد لله
عضو يتعامل مع الجميع بكل احترام..؟
الياس

* ماهو الدعاء اللي دعيته على كاتبة الاسئله..؟
هما كتييييييييييييييييير :
ربنا علي الظالم والمفتري
اللهم انصرني علي اعدائي اما اصدقائي فانا كفيل بهم
لك يوم ياظالم

نوع عربيه تتمناها؟

أنسب وقت تشرب فيه شاي؟

ايه أخرحاجه اشتريتها؟

ايه اخر خبر سمعته؟

هتاكل ايه النهارده؟

ايه آخر انجازاتك؟

ايه نوع جهاز كمبيوترك؟

ايه خلفية جهازك؟ " ممكن توصفها

أفضل فيلم تابعته؟

ايه المواضيع اللى تحب تقراها كل يوم؟

كلمه توجهها لاداره المنتدى؟

بقى لك اد ايه عضو فى المنتدى؟

الصوره اللى فى توقيعك تعنى ايه بالنسبه لك؟

ماذا تعنى لك ابتسامه طفل صغير؟

ما هو شعورك عندما تواجه شخص لا يستطيع فهمك؟

ما هو الوقت الذى تكون فيه قمه فى النشاط؟

ما هو افضل عطر لك؟

لمن تعطي هذه الصفات
القلم الذهبي000 شهادة تقدير 000 ورده حمراء 000 ورده بيضاء 000 ورقه بيضاء 000 مع ذكر الأسباب؟

ماهي الفائدة الذي جنيتها من وجودك خلف شاشة الكمبيوتر على النت؟؟

مارايك في أن من يجلس على النت بالساعات هل هو سحر أم أدمان أم تضييع وقت فراغ أم أكتساب معلومات والتزود من أنواع المعرفة؟؟

عضو من خلال مشاركاتك بالمنتدى تحس أنه يشبهك؟
هل تحب المغامره؟ولو جوابك اه ليه؟
ما هى مواهبك؟
كفايه كده لحد لما امخمخ لك

مال اسئلتك بقة سهلة كده ليه وسطحية
هوه ده اخرك فعلا تطلعوا مرة واحدة وتنزلوا علي مافيش

سطحيه والا تحتيه
هو انتى محوق فيك
انت اساسا بترد على الهامش
ومش بتجاوب كما يجب ان يكون
ولما تتزنق تقول دى حاجه شخصيه
علشان كده محدش عايز يسالك
يابنى المفروض اى سؤال يوجه لك ترد عليه
ما علينا
جاوب بقى على السهل

ايه ياعم انت مش حاسس انى هتحرم من وجودك
باقى ساعات قلائل وتنزل من ع الكرسى
شوف بقى بما انك مش طايقنى
انا جبت لك من الاخر
اسئله كلها عن الجنس الناعم فاهم
جاوب بدون دبلوماسيه
يعنى بشخصيتك يلا يا بطل
على فكره لسه اسئله النهايه
1-من تكون المراة التي تقف امامها ضعيفا ؟ ولماذا ؟؟

2- عندما تكون معجب بفتاة ما هي طريقتك في الوصول لقلبها ؟

3- ما شعورك اذا تزوجت حبيبتك برجل افضل منك ؟

4- في احد الاماكن العامة رأيت من كانت يوما تسكن القلب .. تمسك بطفلها .. كيف يكون رد فعلك ؟)

5- كم مرة تنازلت عن مبادئك من اجل امرأة ؟

6- أذا وقع نظرك على امراة .. ما هو أول شيء يلفت انتباهك وتنظر اليه ؟

7- لو كانت زوجتك موظفة وانت كذلك وكلاكما ذو رواتب عالية .. هل تنتظر منها ان تصرف على البيت ؟

8-هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!

9- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم ؟

10- هل خضت يوما حربا من اجل الوصول الى قلب امراة .. وهل ظفرتِ بقلبها !!

11- هل تبوح لزوجتك باخطائك ..! .. وهل تغفر لك تلك الاخطاء !!

12- ما هي الكلمة التي تربكك من المراة !!

13- هل تتاسف اذا اخطات بحق زوجتك؟

14- متى ترضى عن زوجتك؟ومتى تشعر بضعفها ؟
اوعى احس انى تقلت عليك
خصوصا انى زى النسمه
قول ولا تتكسف

ممكن احذف لك سطرين

يا لهووووووووووووووووووى
انت هربت
فين الاجابات
من بعد الصلاه
عملت ايه بس
يابنى مفيش وقت
يلا بسرعه
يا ادمن خد قرار
انك تخلى ديسبو على الكرسى اسبوع كمان
علشان لسه مخلصتش اسئله
اممكن

ماشي ياستي نجاوب احنا بنخاف يعني

--------------------------------------------------------------------------------

نوع عربيه تتمناها؟ اوبل طبعا

أنسب وقت تشرب فيه شاي؟ اي وقت مابيفرقش الوقت معايا

ايه أخرحاجه اشتريتها؟ هدية عيد الام

ايه اخر خبر سمعته؟
عيصرفوا 100 جنيه اعانة للعاطلين

هتاكل ايه النهارده؟
لسه مش عارف عشوف المنيه واقولك

ايه آخر انجازاتك؟
كسبت دورتين فيفا وان شاء الله التالتة في السكة بكره وعيكون الضحية اوبل(ان شاء الله)

ايه نوع جهاز كمبيوترك؟
بانتيم فور

ايه خلفية جهازك؟ " ممكن توصفها
خلفية الويندز السما زرقا وسهل اخضر

أفضل فيلم تابعته؟
فيه كتير سواء عربي او اجنبي

ايه المواضيع اللى تحب تقراها كل يوم؟
الرياضة

كلمه توجهها لاداره المنتدى؟
حسبي الله ونعم الوكيل في اللي كان السبب


بقى لك اد ايه عضو فى المنتدى؟
من ساعة ماتم افتتاحه

الصوره اللى فى توقيعك تعنى ايه بالنسبه لك؟
صورة عادية مالهاش اي معني بس عجبتني لاني بحب الالوان السودا

ماذا تعنى لك ابتسامه طفل صغير؟
الدنيا ومافيها

ما هو شعورك عندما تواجه شخص لا يستطيع فهمك؟
اصبر بس فاكر المقولة : انما للصير حدود

ما هو الوقت الذى تكون فيه قمه فى النشاط؟
لما اصحي من النوم


ما هو افضل عطر لك؟
مافيش نوع محدد

لمن تعطي هذه الصفات
القلم الذهبي........قاموس
شهادة تقدير0.........ليه طبعا
ورده حمراء ....لواحد زملكاوي
ورده بيضا......لامي بمناسة عيد الام


ماهي الفائدة الذي جنيتها من وجودك خلف شاشة الكمبيوتر على النت؟؟
التعرف علي اصدقاء جدد وتنزيل احدث الافلام وغيره من الفوايد

مارايك في أن من يجلس على النت بالساعات هل هو سحر أم أدمان أم تضييع وقت فراغ أم أكتساب معلومات والتزود من أنواع المعرفة؟؟
كوكتيل من ده كله

عضو من خلال مشاركاتك بالمنتدى تحس أنه يشبهك؟
لايوجد
هل تحب المغامره؟ولو جوابك اه ليه؟
لا واريح نفسي من الاجابة

ما هى مواهبك؟
الحفظ زكفاية كده عليكي

من تكون المراة التي تقف امامها ضعيفا ؟ ولماذا ؟؟
ست الحبايب طبعا ...........وبالوالدين احسانا .................ولا تقل لهم اوفا

2- عندما تكون معجب بفتاة ما هي طريقتك في الوصول لقلبها ؟
طبعا مش بطنها (ده طريقة الوصول لينا )

3- ما شعورك اذا تزوجت حبيبتك برجل افضل منك ؟
يلا في ستين .............(لسه العمر طويل وبكره الاقي ست ستها )

4- في احد الاماكن العامة رأيت من كانت يوما تسكن القلب .. تمسك بطفلها .. كيف يكون رد فعلك ؟)
لو لوحدها اسلم عليها واتمنالها حياة سعيدة


5- كم مرة تنازلت عن مبادئك من اجل امرأة ؟
لسه مالقيتش المراة اللي اتنازل ليها

6- أذا وقع نظرك على امراة .. ما هو أول شيء يلفت انتباهك وتنظر اليه ؟
وليه السيئات اللي علي الصبح ده


7- لو كانت زوجتك موظفة وانت كذلك وكلاكما ذو رواتب عالية .. هل تنتظر منها ان تصرف على البيت ؟
تصرف لا تشارك اه بجزء (اصلي مش عخايها تحوش وتعمل خميرة وفي الاخر تخلعني)


8-هجرتك من تحبها .. هل تبادلها الهجر ام تتودد لها حتى تنعم بوصالها مرة اخرى !!
يعني اللي خلقها ماخلقش غيرها ماهم زي الهم علي القلب

9- كثير من الرجال يتمنون ان تكون زوجاتهم خاتم في اصبعهم هل أنت وبكل صراحة منهم ؟
ومين ميحبش كده


10- هل خضت يوما حربا من اجل الوصول الى قلب امراة .. وهل ظفرتِ بقلبها !!
لم اخض حروبا من قبل

11- هل تبوح لزوجتك باخطائك ..! .. وهل تغفر لك تلك الاخطاء !!
لما ربنا يسهل واتجنن واتجوز ابقه اقلك

12- ما هي الكلمة التي تربكك من المراة !!
انا خالعة

13- هل تتاسف اذا اخطات بحق زوجتك؟
اكيد .الاعتراف بالحق فضيلة

14- متى ترضى عن زوجتك؟ومتى تشعر بضعفها
لما تراعي حقوقي علي اكمل وجه ........لما تعيط بجد ( مش دموع التماسيح)

استعنه ع الشقى بالله
يا مهون يا الله
خد يابنى مزمز فى دول على لما اكتب ااااااااااخر اسئله
وانا حزينه
هفتقد وجودك
1:أعضاء شفت منهم أشياء مميزه وفادتك؟
2:أعضاء تفاجئت بتصرفاتهم؟
3:حادثه حصلت أثرت فيك بينك وبين عضو من المنتدى؟(تاثير ايجابى او سلبى)
4:عضو تتمنى رجوعه للمنتدى؟
5:أكتر عضو اثر فيك؟
6:عضو غامض؟
7:أعضاء تحسنت علاقتك بهم؟
8:أعضاء بتحسهم أقرب ليك من ناحيه العقل والطبع؟
9:أكتر عضو حساس؟
10:أكتر عضو مشاغب؟
11:أعضاء حسيتهم منضبتين؟
12:أعضاء تشعربامتيازهم مستقبلا؟
13:عضو تلومه على بعض افعاله؟(العتاب على اد المحبه)
14:أعضاء عندهم طيبه قلب؟
15:أذكر3 أعضاء تتوقع معرفتهم شخصيا ؟
16:لو خيروك تختار أفضل عضو على الاصعده التاليه:
مناقش ـ مستمع ـ هادى ـ جرىء ـ عاطفى ـأجتماعى ـ مرح ـ لبق ـ صريح
17:كم عضو من المنتدى على ايميلك الخاص؟
18:أكثر عضو عندك ثقه كبيره فيه؟
19:لمن تقول هذه العبارات من المنتدى:
أنت متواضع ـ أنت جدير الاحترام ـ أنت انانى ـ أنت كبير فى نظرى ـ تخلص من حزنك ـ توأم روحى ـ أنت عنيد
20:كلمه اخيره توجهها لاحد الاعضاء
(تحيه ـ عتاب ـ حب ـ طلب)
ا رب تنجح ا تتح

1:أعضاء شفت منهم أشياء مميزه وفادتك؟
اغلب اعضاء المنتدي

2:أعضاء تفاجئت بتصرفاتهم؟
لغاية دلوقت مافيش

3:حادثه حصلت أثرت فيك بينك وبين عضو من المنتدى؟(تاثير ايجابى او سلبى)
جبر ..........موضوع المطربة مروة

4:عضو تتمنى رجوعه للمنتدى؟
ash(بالعند في الادمن)

5:أكتر عضو اثر فيك؟
ازميرو (اختي يا جماعة )

6:عضو غامض؟
ميستريس (حبيب قلبي اللي تقلان علينا )

7:أعضاء تحسنت علاقتك بهم؟
خليها في سرك

8:أعضاء بتحسهم أقرب ليك من ناحيه العقل والطبع؟
انا لاقدي قد ولا زيي زي

9:أكتر عضو حساس؟
انا مش دكتور علشان اعرف

10:أكتر عضو مشاغب؟
هو عارف نفسه اللي هاريني اسئلة

11:أعضاء حسيتهم منضبتين؟
الياس وازميراندا

12:أعضاء تشعربامتيازهم مستقبلا؟
ميستريس

13:عضو تلومه على بعض افعاله؟(العتاب على اد المحبه)
جبر

14:أعضاء عندهم طيبه قلب؟
كتيير

15:أذكر3 أعضاء تتوقع معرفتهم شخصيا ؟
افكر


16:لو خيروك تختار أفضل عضو على الاصعده التاليه:
مناقش..........كل الاعضاء تقريبا
ـ مستمع.........ازميراندا
ـ هادى...الياس
ـ جرىء.......كان اش
ـ عاطفى.......كتيييير
ـأجتماعى..........سابي واوبل
ـ مرح ........نايت
ـ لبق.......الادمن ديبلوماسي زيادة عن اللزوم
ـ صريح........صعبة لاننا علي النت فالكلام صعب احكم عليه

17:كم عضو من المنتدى على ايميلك الخاص؟
11 عضو

18:أكثر عضو عندك ثقه كبيره فيه؟
اوبل


20:كلمه اخيره توجهها لاحد الاعضاء
(تحيه ـ عتاب ـ حب ـ طلب)
عتاب للي خلاني اقعد اكتب لغاية ايدي مااشتكت

بيان هاااااااااااااااااااااام
ممنوع الغاء اى سؤال
ماااااااااااااااشى
انا عداهم

وانا اقدر الغي حاجة
عيب
انا وش ذلك

يا عينى يا ديسبرادوا
شفت الصديق وقت الشده
مش راضى اسألك ولا سوال
صعبان عليا
كفايه عليك قطقوطه ربنا معاك

و انا معاك انت بس دبسها فى الكرسى و حاتشوف بقى الصداقه الجاده
حاخدلك جزء من تارك

وانا موافق وابتداء من بكره قطقط هية اللي عتقعد علي كرسي العرش
ووروني الاسئلة
احسن ده روحي روحي روحي

أخر يوم فى الاسئله بكتبها وقلبى بيتقطع
ويا رب اكون خفيفه على قلبك ومكنش تقلت عليك
1ـتم تعيينك رئيس للوزراء وطلب منك تشكيل وزاره من اعضاء المنتدى من ترشح؟مع ذكر المنصب.
2ـاول شخصيه لفتت انتباهك بالمنتدى؟بعيد عن الدبلوماسيه
3ـفيما تفكر الان؟بصراحه
4ـلو حصل لك اعاده تشكيل لنفسك من جديد ........ايه اللى ممكن تعيد ترميمه؟وايه اللى تتمنى تشيله؟
5ـ كلمه توجها لوالديك؟
6ـ سر مقلتهوش لحد؟قوله حالا؟وبلاش غتاته
7ـكم تخصص من وقتك لمتا بعه المنتدى؟
8ـاين تجد الراحه؟
9ـما هى مميزات المشرف المميز فى نظرك؟
10ـما رايك فى هذه المقوله وهل تؤمن بها
(ما الفشل إلا هزيمه مؤقته تخلق لك فرص النجاح)
11ـ معاك ورده وقنبله تهدى مين الورده؟ ومين القنبله؟
12ـتعرضت لصدمه عاطفيه فى حياتك ما هو رد فعلك ؟ ولمن تلجا عند حدوث الصدمه؟
لديك 5 رسائل ......توجها لمن
رساله عتاب..........رساله شوق...........رساله شكر
رساله تقول فيها انا اسف.............رساله بها كلمه وداع
13ـما هى الكلمه الملازمه لك تستعملها ومعروف بها؟
أيه قرانيه جعلتك تبكى؟
14ـاخيرا ايه السؤال اللى توقعت اساله ومسالتوش؟
والعكس ايه السؤال اللى متوقعتش اساله وسالتك؟
هل انا ضايقتك باسئلتى؟

فى النهايه نورت الكرسى وبجد انا كنت بحب اناغشك
يللا هات العضو اللى بعده وخليك فاكر الراجل بيختار راجل ذيه
سعدنا بك على مدار اسبوع نام وارتاح لك كل احترامى على اجاباتك
اللى معظمها زوغان
قطقوطة

اخيرا الواحد عيخلص من الهم
ونبتدي نجاوب ونقول:

1ـتم تعيينك رئيس للوزراء وطلب منك تشكيل وزاره من اعضاء المنتدى من ترشح؟مع ذكر المنصب.
العبد لله ... رئيس الوزراء (يارب يااختي يارب حد يطول )
وزير الرياضة ........اوبل
وزير الاعلام ....نايت
وزير الخارجية ...الادمن
وزير المالية ...ميستريس
وزارة التعليم ....ازميراندا (هههههههههههه)
وزارة البيئة ...MMR
وزارة حقوق الانسان والحيوان...قطقط
وزارة الحربية (يعني جر الشكل ).......سابي



2ـاول شخصيه لفتت انتباهك بالمنتدى؟بعيد عن الدبلوماسيه
كتير بس اقدر اقول قاموس بمواضيعه الحلوة

3ـفيما تفكر الان؟بصراحه
انا عفطر ايه

4ـلو حصل لك اعاده تشكيل لنفسك من جديد ........ايه اللى ممكن تعيد ترميمه؟وايه اللى تتمنى تشيله؟
انا راضي عن نفسي زي ماهيه بحلوها وحلوها برده


5ـ كلمه توجها لوالديك؟
شكرا

6ـ سر مقلتهوش لحد؟قوله حالا؟وبلاش غتاته
وليه الغتاتة ده بس ياساتر

7ـكم تخصص من وقتك لمتا بعه المنتدى؟
حسب الظروف ماتسمح

8ـاين تجد الراحه؟
في البيت

9ـما هى مميزات المشرف المميز فى نظرك؟
الاهتمام باحتياجات القسم ومتطلباته

10ـما رايك فى هذه المقوله وهل تؤمن بها
(ما الفشل إلا هزيمه مؤقته تخلق لك فرص النجاح)
صحيحة مش بيقولوا اللي مايموتش يقوي

11ـ معاك ورده وقنبله تهدى مين الورده؟ ومين القنبله؟
الوردة الاوفي الاصدقاء والقنبلة فيه كتيييييييييييييير

12ـتعرضت لصدمه عاطفيه فى حياتك ما هو رد فعلك ؟ ولمن تلجا عند حدوث الصدمه؟
النسيان وقالوا زمان النسيان نعمة ........وانا قلت قبل كده اني بفضل اكون لوحدي واعيد حساباتي



لديك 5 رسائل ......توجها لمن
رساله عتاب..........لاي صديق مقصر في حق صديقه (انا اولهم)
رساله شوق..........للاجازة
.رساله شكر ...للمنتدي انه عرفني علي اصدقاء جدد
رساله تقول فيها انا اسف............لقطقط لاني مضطر ادبسك علي الكرسي
.رساله بها كلمه وداع ........لكرسي الاعتراف طبعا

13ـما هى الكلمه الملازمه لك تستعملها ومعروف بها؟
في المنتدي ياساتر (للعلم هيه جات لازمة في المنتدي لكن خارجه مابقولهاش )

أيه قرانيه جعلتك تبكى؟
بسم الله الرحمن الرحيم :
(انا لله وانا اليه راجعون)
صدق الله العظيم
لاني بكون بنعي شخص عزيز

14ـاخيرا ايه السؤال اللى توقعت اساله ومسالتوش؟
هو انته بتشجع مين؟


والعكس ايه السؤال اللى متوقعتش اساله وسالتك؟
وده عايزة سؤال (هل انتي ضايقتيني باسئلتك الاجابة واضحة )

هل انا ضايقتك باسئلتى؟

ابدا ...حد يقدر يقول غير كده


ياساتر ياساتر ياساتر