كرسى الاعتراف

اولا صراحتك تجنن يا ازميرو
ثانيا اتمن الدوور راح عليه ليه بس
ثالثا عهد حبيبتي
يالا الدور الدوووووور الدوور الدور موعوده ياللي عليكي الدور
ههههههههههههههههه
ياعيني عليكي

يعينى عليا كده ياازميروا حرام عليكى طب بصى احنا نعفو عنك وتختارى حد تانى غيرى
بلاش الكرسى ده مش مريح خالص
وبتبقى عواقبه مش كويسه

و اى غش فى الاجوبة هتنكشى
و شكلك هيكون وحش ( طحن اخر حاجة )



*ماهو شعورك وانت جالسة على الكرسي؟؟


*هناك الكثير من الاقلام المميزه هنا..من اكثر قلم لفت نظرك؟؟


*ماهو اكثر تصرف يزعجك من الاعضاء؟؟


*اعط نفسك نسبه مئويه لكل من:
ذكائك
صراحتك
انانيتك
فرحك
حزنك
قبولك للاخرين
شجاعتك
جراتك
اجتماعيتك


*اكثر عضو تتقبلى انتقاده بدون زعل؟؟


*اكثر شيء يخليكى تعصبى؟؟


*ماهو الشيء الذي على اساسه تقيمى الناس به..؟


*نبدا باسئله تخص الاعضاء:
عضو اجتماعي..؟
عضو تتمنى تتعرفى عليه..؟
عضو مشاكس..؟
عضو يرسم البسمه على شفاة الجميع..؟
عضو روح المنتدى..؟
عضو تتجنبى الاحتكاك به..؟
عضو نفسك تعرفى معنى اسمه..؟
عضو واثق من نفسه..؟
عضو يتعامل مع الجميع بكل احترام..؟

* ماهو الدعاء اللي دعيته على كاتبة الاسئله..؟


اتمنى تكون اسئلتي خفيفه


و نشكر مرة تانية صاحب الاسئلة الجميلة دى
و جاوبى و استعدى للدفعة التانية

بص بقى يادمن انا مش هارد على اسئلتك دى ده مش تزوغى خالص
بس عشان انا بحب هموستى فاهى يعينى واقفه رجليه وجعتها فعشان بحبها انا هاقوم من على الكرسى واعدها عليه يلا ياهمس اعدى يماما وارتاحى وربنا معاكى

ايووووووووووووون صح كده
انا متمسكه بعهد ع الكرسي
وبعدها بقي هموستى حبيبتى
وطبعا ده راجع لاختيار عهد حبيبتى برضه
بس تعرفي ادمن منقي متوصي ومختار اسئله سهله خالص
انتظرى اختباااااااااااااااااااااارى

امرنا الى الله ومش مسامحاك يادمن انت وازميروا

يلا نبتدى باول الاسئله
بسم الله الرحمن الرحيم
*ماهو شعورك وانت جالسة على الكرسي؟؟


شعورى خاص بيا مالكش دعوه يادمن
*هناك الكثير من الاقلام المميزه هنا..من اكثر قلم لفت نظرك؟؟
ديسبو ودكتور ميكو وماستريوس وملاك الليل الحزين وايمى

*اكثر عضو تتقبلى انتقاده بدون زعل؟؟


كل الاعضاء بصراحه انا مش بزعل من حد لانى بعتبر كلامه نصيحه ليا سوا تقبلتها او ماتقبلتهاش فا دى حاجه ماتزعلش

*اكثر شيء يخليكى تعصبى؟؟

الخروج عن المالوف والادب والاخلاق

*ماهو الشيء الذي على اساسه تقيمى الناس به..؟
الاحترام
*ماهو اكثر تصرف يزعجك من الاعضاء؟؟

اكتر تصرف بصراحه مافيش لانى مبحبش انتقد حد

*نبدا باسئله تخص الاعضاء:
عضو اجتماعي..؟ ماستريوس
عضو تتمنى تتعرفى عليه..؟ كان نفسى اتعرف على ياسمين اللى اتجوزت ربنا يكرمها يارب لانه شخصيه محترمه فعلا
عضو مشاكس..؟ اكيد طبعا ديسبو
عضو يرسم البسمه على شفاة الجميع..؟ الادمن
عضو روح المنتدى..؟ سابى
عضو تتجنبى الاحتكاك به..؟ مافيش
عضو نفسك تعرفى معنى اسمه..؟ لا الاسماء واضحه
عضو واثق من نفسه..؟ مش عارفه


عضو يتعامل مع الجميع بكل احترام.. كل الاعضاء


* ماهو الدعاء اللي دعيته على كاتبة الاسئله..؟

ربنا يهديه ويرجعله مخه اللي طار حبت اسمنت ورمل وزلط كل شى يبقى تمام

برااااااااااااااااافووووووو عهد
الله ينور
بس فى سؤال انتى مزوغة منه
يلا جاوبى بسرعة
و يلا فين باقى اسئلةالاعضاء ؟
محدش عاوز يرحب بعهد و لا ايييه ؟؟

انا من زمان ما شفتش الموضوع ده بس عجبني رد الاعضاء و عجبتني صراحتهم و الحمد لله المنتدي بتاعنا فيه اعضاء جامدين جدا و محترمين جدا

والكلام دلوقتي حيتوجه للمتهمة عهد وبقولها انا انسان اجتماعي بحت حتي اسالي الادمن مش كدة يا ادمن انا اتخلقت اجتماعي اصلا
ههههههههههههههههههههههههههههههههه
ودلوقتي ورقة الامتحان بتاعتك

ايه القسم اللي مش موجود في المنتدي و نفسك تضيفيه للمنتدي؟

مين العضو اللي في المنتدي اللي حسة انك عايزة تقوليله نصيحة و ايه هي النصيحة؟

لو حتعملي مشروع خاص بيكي و بعيد عن مجال دراستك حيبقي ايه وانا بقول مشروع يعني حاجة تكلي منها عيش ؟

مين اللى ممكن توصفيه بالصفات دي (عقل المنتدي - قلب المنتدي - ضحكة المنتدي - نور المنتدي - صديق المنتدي) ؟

ايه الحاجة اللى ممكن تحسدي حد عليها من غير ما تتمنى زوالها منه؟

ايه الموضوع اللى عمرك ما نستيه في المنتدي و عجبك اوي و مين اللي كتبه من غير ما تغشي ؟

وايه الموضوع اللي معجبكيش او اللى كنتي شايفه انه المفروض كان يتكتب بطريقة احسن او كان نقصة حاجة ؟

تقولي ايه ل (الادمن - ازميراندا - نايت - ديسبو - همس ) و مين الاسم اللي انت كنتي عايزاه يبقي من الاسماء دي و تقوليله ايه؟

ايه اكتر الاماكن اللي بتحسي فيها بالامان و ايه المكان اللى نفسك تروحيه؟

كفاية كده ولا ايه و الله الموفق و كل تزويغة بعقاب من الادمن بقي

حسره عليها ياحسره عليها
حسره عليها
ما جت رجليها ما جت رجيلها
حسره عليها
ياعيني ياعهد
وكنتي عاوزه تدبسيني
هههههههههههههههههههه
احثن
ربنا كبير
ومش هاضيبف اسئله دلوقتي
هانتظر لما تجاوبي عن الباقي الاول

يا جماعة عهد من ساعة ماخترناها هربت حد يجيبها حية لو سمحتم عشان تجاوب

تلميذك يا استاذة ازميرو

انا اللى تلميذتك يامستر
بجد اسئله عاجبانى جدااااااااااااااااااااااااا
مجمعه وفي غاية الذكاء ماشاء الله
ههههههههههههههههههه حلى ياعهد ياحبيبتى
والامتحان ده نظام اوبن بوك
(افتكرى من غشنا فليس منا )
بصي في ورقتك

عهد اشاسا خلعت
من ساعه ماقعدت عالكرسي
ماخلاث بقي
اللي علي علي

اللى على على هي عهد بقت وزيرة؟
طيب و لو مجتش مين اللى حيقعد

انا جييت معلش ياجماعه والله النت كان وحش عندى اوى

وياريته فضل وحش ايه دا يامستريوس كنت فاكراك برى طلعت منهم ايه الاسئله دى


الله يسامحك

وفرحانه فيا ياهمس ليكى يوم استنى بس عليا


ماشى يازميروا انتى وادمن السبب فى اللى انا فيه

انا هارد على الاسئله عشان متقولوش انى زوغت ليك يوم يامستريوس

بسم الله
ايه القسم اللي مش موجود في المنتدي و نفسك تضيفيه للمنتدي؟

ممكن نعمل قسم تصميم ازياءوكيفيه عمل مشغولات يدويه القسم ده ممكن يستفاد منه البنات والشباب

مين العضو اللي في المنتدي اللي حسة انك عايزة تقوليله نصيحة و ايه هي النصيحة؟

كل الاعضاء ونصحتى ليهم هى مش نصيحه هى امنيه اتمنى انهم يفضلوا على اخلاقهم واحترامهم وحبهم لبعد كاخوه فى الله


لو حتعملي مشروع خاص بيكي و بعيد عن مجال دراستك حيبقي ايه وانا بقول مشروع يعني حاجة تكلي منها عيش ؟

هو لو مشروع هاناكل بيه عيش يفضل يكون فى تخصصى ومجال دراستى لاننا بنعمل حاجات كتير ممكن اعمل مطعم بس هايتقفل باذن الله او ممكن اتيليه لعمل الازياء او ممكن مشغولات يدويه

ملحوظه عشان كده قولتلك نفتح القسم ده مصلحه بقى


مين اللى ممكن توصفيه بالصفات دي (عقل المنتدي - قلب المنتدي - ضحكة المنتدي - نور المنتدي - صديق المنتدي) ؟

عقل المنتدى بدون زعل ياجماعه انا مالقتش حد عاقل لحد الان

قلب المنتدى ادمن
ضحكه المنتدى اوبل

نور المنتدى كل الاعضاء

صديق المنتدى سابى
ايه الحاجة اللى ممكن تحسدي حد عليها من غير ما تتمنى زوالها منه؟

طاعه الله والتقرب منه
ايه الموضوع اللى عمرك ما نستيه في المنتدي و عجبك اوي و مين اللي كتبه من غير ما تغشي ؟
بدون غش
موضوع كان للدكتور ميكو مش فاكره اسمه بس هو بتاع الطفله اللى فى النهايه ماتت بجد كان موضوع رائع وموثر جدا ولسه فاكراه


وايه الموضوع اللي معجبكيش او اللى كنتي شايفه انه المفروض كان يتكتب بطريقة احسن او كان نقصة حاجة ؟

هو مافيش موضوع محدد بس ممكن يكون مواصيع الاخت سندريلا وياريت ماتزعلش منى لاننا اخوات واعتبريها نصيحه من اخت ليكى

انا لحد الان مش فاهمه موقف ايه بالظبط من الحياه وخصوصا من البنات والشباب انا نفسى تحددى انتى عايزه ايه بالظبط بس بدون زعل


تقولي ايه ل (الادمن - ازميراندا - نايت - ديسبو - همس ) و مين الاسم اللي انت كنتي عايزاه يبقي من الاسماء دي و تقوليله ايه؟

طب سوال يامسترويس ليه اخترت المجموعه دى بالذات وماقولتش كل اعضاء المنتدى دى تفرقه وانا لا ارضى بذلك

انا بهزر معاك وبهدى النفوس

ايه اكتر الاماكن اللي بتحسي فيها بالامان و ايه المكان اللى نفسك تروحيه؟

المكان هو بلدى بصراحه بحس اول مااسافر مكان وارجع ليه بحس بالامان اوى
والمكان اللى نفسى اروحه اسكندريه وماتتضحكش عليا فعلا نفسى اروحها

الحمد لله خلصت

معتش حد ينزل اسئله الادمن هيعاقبه

لا طبعاا و مين قال
قال اعاقبة قاال
بالعكس دة انا اكافئة
اللى بعدة
صحيح عهد كان بردة فى سؤال انتى مزوغة منه
و لااقولك مش تجاوبية
تبقى تجاوبية مع مجموعة الاسئلة الجاية

السؤال اللي انت قلتي فيه تفرقة عشان اخترت الناس دول بس لازم تجاوبي عليه ومن نحية موضوع الاتيليه انا معاكي فيه
ههههههههههههههههههههههههههههه
ولا ايه يا ادمن

ياللا يا جماعة عوضوا عهد عن الوقت اللى ضيعته

بس قبل الاسئلة عايزين نعرف موضوع الناس العاقلة اللى انت ملقتهمش ده بجد ولا عايزين نعرف مجرد فضول


الاسئلة بقي

لو كنت ولد ايه الحاجة اللى نفسك تعمليها مش عارفة تعمليها وانت بنت؟

ايه اللى ممكن يسببلك الياس؟

اختاري عادة من عادات المصريين اللي انت شايفة انها ملهاش لازمة خالص؟ وقولي السبب

ازاي تنهي نقاش مع واحدة صحبتك وصل للجدال من غير ما حد يقنع حد و في نفس الوقت متخسروش بعض؟

بما انك بتحبي الازياء مين المودل اللي عايزاها تعرضلك ازيائك؟

من اجاباتك اللي فاتت عرفنا انك ماهرة في الطبخ ايه الطبخة اللى استحالة تبوظ منك او صعب تبوظ منك؟

ايه الطبخة اللى ممكن تطبخيها لكل من (عريسك - حماتك -مامتك- صحبتك اوي - عدوك)؟

ايه الرياضة اللى كان نفسك تلعبيها و معرفتيش او فشلتي فيها؟

لو حد انتقدك بطريقة مش لذيذة حتعملي ايه؟

لو انت في تمثلية الحاج متولي حتختاري تبقي مين (امينة - نعمة الله - ولا سمية الخشاب)؟

اهق اهق اهق اهق
ماشي يامستر يوس
يوم ليك ماشي
بقي كده
ماشي بقي
انا زحلانه منك
انا بعد ماكتبت الاسئله وارست
يجي يقولي لم تمت اضافه مساهمه وانا مش اخدت بالي وقفلت الصفحه
ماشي ماشي
ونسيت الاسئله
وكانت اسئله حلوة
اهق
ليك يوم

ههههههههههههههههههههههههههههه
ماجاتش في بالي بصراحة يا ادمن
بس انا مش فاهم انا عملت ايه عشان همس تزعل هي كانت بتعمل الاسئلة في نفس الوقت اللى كنت بعملها فيه؟
ولا ايه بالظبط

سوال يامستريوس هو انا قتلتك قتيل انت بعتمل معايا كده ليه دى اسئله دى

الله يسامحك انت وازميروا وادمن

بالنسبه بقى للعقل انت شايف ايه

توكلنا على الله الا يصيبنا الا ماكتب الله لنا

بسم الله
لو كنت ولد ايه الحاجة اللى نفسك تعمليها مش عارفة تعمليها وانت بنت؟

بصراحه ان حبه كونى بنت مش حبه اكون ولد خالص

ايه اللى ممكن يسببلك الياس؟

انى اتمنى حاجه وماتحصلش او تحصل عكسها

اختاري عادة من عادات المصريين اللي انت شايفة انها ملهاش لازمة خالص؟ وقولي السبب

بصراحه مش عارفه بس بالنسبه للعادات اللى فى بلدى مافيهاش حاجه ملهاش لزمه الا عاده واحده وهى الكوسه والوسطه نفسى العاده دى تتشال خالص الكوسه بقت كتير

استرها علينا يارب باذن الله هاقفلك المنتدى يادمن وهاخليهم يقبضوا عليك وكويس انكم ورتونا مكان امن الدوله

ازاي تنهي نقاش مع واحدة صحبتك وصل للجدال من غير ما حد يقنع حد و في نفس الوقت متخسروش بعض؟

بحول النقاش لهزار وبخفف من الموقف ياما اناقشها فى وقت تانى واحاول اقنعها ياما لو لقيتها مقتنعه برايها اسيبها على راحتها وكل واحد حر فى رايه عشان ماخسرهاش وبحاول افصل بين الموضوع وبين الصداقه اللى بنا
بما انك بتحبي الازياء مين المودل اللي عايزاها تعرضلك ازيائك؟
ممكن اختار دعاء عامر ماشاء الله عليها وده فى حاله عمل ازياء للمحجبات اما فى حاله الملابس البناتى ممكن احطها على مانيكان عشان انا هاعرض ازيائى ولا هاعرضهم

بس ملحوظه يفضل ان التصميم يكون على مانيكان لان كل واحد بيكون عليها حاجه اجمل من الشخص الاخر وده لاختلاف شكل الجسم والطول زى ماتشوف حاجه عجباك اوى على شخص وتلبسها انت مش حلوه عليك


من اجاباتك اللي فاتت عرفنا انك ماهرة في الطبخ ايه الطبخة اللى استحالة تبوظ منك او صعب تبوظ منك؟

بص مافيش حد عشره على عشره فى الاكل ومافيش حاجه اسمها اكله تبوظ او صعب انها تبوز ممكن تقول انك بتعملى اكله احسن من غيرك وان فى اكله شخص تانى بيعملها افضل منك او طعمها احلى
لكن اكله تبوظ دى بتبقى ليها اسباب نستها على البوتجاز مثلا فاتحرقت او نسيت اضفلها حاجه اساسيه فيها فاطعمها اتغير كده

ركزززززززز يامستريوس فى الاسئله وماتسئلش اسئله مش تخصص خليك انت بس فى عجلاتك وكابلاتك والشحم

اوعا تزعل منى انا بهزر معاك انا برده اخلينى فى توم والبصل والطماطم بتوعى

ايه الطبخة اللى ممكن تطبخيها لكل من (عريسك - حماتك -مامتك- صحبتك اوي - عدوك)؟

عريسى : هاطبخله كل حاجه بيحبها ولو مش بعرف اعملها اتعلم مش عريسى بقى بس هو فين اصلا



حماتى : اى حاجه تتطلبها منى بس ادعيلى اكون بعرف اعملها عشان مخدش جواب طرد

امى : اعملها كل اللى نفسها فيه بس تكون موجوده معايا

صحبتى اوى اعملها فراخ مشويه ومكرونه بالباشيمل وكشرى مصرى اصلها بتحبهم اوى وخصوصا الكشرى المصرى

عدوى : عشان هو ضيفى فلازم اكرمه واعمله احسن ماعندى بس يارب يطمر فيه

ايه الرياضة اللى كان نفسك تلعبيها و معرفتيش او فشلتي فيها؟

كان نفسى العب سله وكارتيه بس انا مافشلتش انا محاولتش لانه ماينفعش
ودى من ضمن العادات بس الخاصه بالمكان اللى انا عايشه فيه

لو حد انتقدك بطريقة مش لذيذة حتعملي ايه؟

هارد عليه بطريقه لذيذه بس هازود السكر شويه

لو انت في تمثلية الحاج متولي حتختاري تبقي مين (امينة - نعمة الله - ولا سمية الخشاب)؟

هختار امينه لانى بحب ماجده زكى ولانها كانت فى الدور ده رائعه زوجه عاقله بس دمها زى العسل

بصرااحة يا جمااعة اكيد ردود عهد كانت مقنعة جدا
بس انا ضميرى الادمنى مش مسامح بصرااحة حاسسها مثالية شوية
و كمان هى بتحاول تزوغ فىاسئلة كتيرة
فهنعمل حاجة بسيطة جدا جدا جدا هنحاول نفنط اجوبتها اجابة اجابة
و على بركة الله

اقتباس :

*اكثر عضو تتقبلى انتقاده بدون زعل؟؟
كل الاعضاء بصراحه انا مش بزعل من حد لانى بعتبر كلامه نصيحه ليا سوا تقبلتها او ماتقبلتهاش فا دى حاجه ماتزعلش

و بعدها على طووول

اقتباس :

*ماهو اكثر تصرف يزعجك من الاعضاء؟؟
اكتر تصرف بصراحه مافيش لانى مبحبش انتقد حد

ياريت لو توضحى وجهة نظرك بالنسبة لموضوع النقد معاة و لا ضدة ؟؟ و لو معاة ليه ما بتستخدميهوش و اهو منك تفيدى غيرك بردةو لا انتى عاوزة انتى بس اللى تستفيدى و تبخلى انك تفيدى غيرك ؟

و دة كان السؤال الوحيد اللى لفت نظرى

اقتباس :

ممكن اعمل مطعم بس هايتقفل باذن الله

ربنا يسمع منك بس اتوصى فى الدعا
و ما تنسيش تعزمين قبل ما يتقفل

اقتباس :

وماقولتش كل اعضاء المنتدى دى تفرقه وانا لا ارضى بذلك

المفروض اللى ع الكرسى يجاوب مش يعمل قاضى للاسئلة

اقتباس :

بصراحه ان حبه كونى بنت مش حبه اكون ولد خالص

انا بردة شايف كدة احسن الشباب مش ناقصين

اقتباس :

الا عاده واحده وهى الكوسه

كوسة بردة

اقتباس :

عريسى : هاطبخله كل حاجه بيحبها ولو مش بعرف اعملها اتعلم مش عريسى بقى بس هو فين اصلا

ذهب و لم يعد

اقتباس :

حماتى : اى حاجه تتطلبها منى بس ادعيلى اكون بعرف اعملها عشان مخدش جواب طرد

بوسططططة من اول يوم

اقتباس :

عدوى : عشان هو ضيفى فلازم اكرمه واعمله احسن ماعندى بس يارب يطمر فيه

العادى بتاعك هيكون كفيل بالموضوع دة

اقتباس :

كان نفسى العب سله وكارتيه

ما بنتهددشى

اقتباس :

هختار امينه لانى بحب ماجده زكى ولانها كانت فى الدور ده رائعه زوجه عاقله

يا زين مااختارتى بس طالما عاوزة تلعبى سلة كنتى اختارى الفرعة

معلش بقى عهد هى جت فيكى
احنا كنا بنهزرمعااكى
لو عاوزة تديعى قولى زيع و لو مش عاوزة خلاص مش هيطلع برة النت
ملحوووظة
انتى لسه عالكرسى لحد ما تفرج عند ازميرو

معلش احنا كمان مش منتهدد احنا ناس من الاسرة المالكة للمنتدى عشان كلامنا يبقى خفيف بس
يا عهد هانم لو سمحتي لو عايزة تعلقي على السوال علقي بس جاوبي عليه برده عشان ده تزويغ علني
ثم انا تلميذ ازميرو في موضوع الاسئلة دي و معتقدش انها ممكن تترشي عشان مفيش كوسة هنا عشان نريحك من العاده الوحشة دي يا عهد
ثم انت بقالك اسبوع محدش كيبلك اسئلة غير مرتين بس وانت مدخلتيش كتير وبكرة اخر الاسبوع فيعني نيجي على نفسنا شوية ونعدي الامتحان ده على خير
و يا ست توتة زي ما انت قلتي يوم عليك ويوم عليك زي ما قال الاديب مستريوس
و انا ادعو ازميرو لوضع اقصي ورقة امتحان للانسه عهد نختم بيها الاسبوع

لو كان بايديكى اختيار اسمك ؟؟ كنتى هتسمى نفسك ايه ؟

ما هو اصعب موقف قابلك فى حياتك ؟

امتى اتمنيتى الارض تنشق و تبلعك ؟

متى حسيتى انك فعلا ليكى اهمية ؟( طبعا كلنا مقدرين اهميتك ) بس بالنسبة لنفسك ؟

امتى اكتر مرة بكيتى بحرقة ؟

و امتى اكتر مرة فعلا ضحكتى من قلبك ؟

لو فمتضايقة مع حد و الحظ وقعة تحت ايديكى هتعملى فيه ايه ؟ عرفينا بقى الفرق بين المسامحة والشرانية ؟

احكى لنا افضل حلم حلمتى بيه ؟
( مش عاوزين كوابيس (

اول حاجة بتشغل تفكيرك اول ما تصحى ؟

ازاى بتحكمى على الناس
و لو مش تعرفيهم ؟

مرة فى حياتك حكمتى على حد غلط ؟
وكان ايه رد فعلك لما عرفتى انك حكمتى غلط ؟

و اخيرا و ليس اخرا

اقتباس :

*اعط نفسك نسبه مئويه لكل من:
ذكائك
صراحتك
انانيتك
فرحك
حزنك
قبولك للاخرين
شجاعتك
جراتك
اجتماعيتك

فاكرة دةو لا افكرك

بجد الله علي اجباباتك ياعهد
بس بصاحه انتي كده بتزوغي من بعض الاجابات بديموقراطيه شديده
وكمان ايون يامستر يوس كنت انا وانت بنكتب في نفس الوقت
بس علشان الوسطه اللي معاك سبقتني
وكمات صح ياتوتا خفوا ع البت شويه
هي هتاخد افراج امتي فكروني كده
هههههههههههههههههههه

وكمان ايه ياادمن
ياحرام ياعهد
ربنا معاكي ياحبيبتي
وحسبني ع ادمن بقي
ههههههههههههههههههههههه

اولا بشكرك يا توتا على وقفتك الجامده دى وعقبال ما نقف يوم فرحك ياااااااارب

وشكرا ياهمس على تهدا النفوس دى طب لحظتيها عديها مش تقوليها

ايه وقفه الجدعنه بتاعتك دى

ثم انا مش دبلوماسيه انا رديت على الاسئله بكل صراحه
وبرده اشكرك على احساسك باللى انا فيه

اما بقى ممر فاكتر خيره انه دخل وشرفنا فى اهراماته

نجى بقى على الروس الكبيره


اولا الاستاذ ادمن اولا مافيش حد مثالى خالص ثانيا انت مش بتنتقد كلامى انت بتتريق عليه
ممكن الحاجه الوحيده اللى صدقت فيها وهى انى مابحبش انتقد حد بس مش معنى كده انى مش بفيد حد او بستفاد من حد ولو كملت بقيت الاسئله هاتلاقينى انتقد كل مواضيع سندريلا بذوق وادمت النصيحه ليها
بس انت عايز تركز اللى اللى انت عايزه وبس

وعقبا ليك يادمن مش هارد على اسئلتك وده مش تزويغ منى والله بس تحدى

اما بقى الراس التانيه سبب ولا بلاش وهو الاخ ماستريوس

اظن انى اعتذرت عن عدم ردى ولازم عشان انتم اخواتى لازم تعذرونى غصبن عنكم

ثم ازميروا صحيح معانا بس فى الحق ماتعرفش اى حد حتى ديسبو يعينى

ربنا معاكى بقى يازميروا


ودلوقتى ياجماعه انا مستعده افضل على الكرسى اسبوع كمان واللى عايز يكتب اى اسئله يتفضل وانا هارد عليه ويعلم ربنا انى هجاوب بصراحه تامه

مع العلم ممنوع الادمن من وضع الاسئله

وعلى فكره بما اننا فى حريه فى المنتدى فيحق للعضاء معاقبه كبار الشخصيات

اما انت يامستريوس مش هلاقى احسن منك يعد بعدى على الكرسى اما نشوف

لا كده مينفعش يا جماعة لازم عهد تجاوب على اسئلة ادمن
و غلوشوا على موضوع انني اقعد على الكرسي انا بحب اقف
انا مجرد ضيف ويا بخت من زار و خفف
قول حاجة يا ادمن