بطاقه شخصيه جديده ......اجباري الكل لازم يطلعها

الموضوع ده عجبنى وحبيت انقلهولكم ويارب يعجبكم

البطاقة الشخصية:

الاسم:.........
تاريخ الميلاد: ../../....
البرج:........
الطول:... سم
الهوايات:.......,.......,...........

أول شئ أفعله فى الصباح:.......................
بقضى وقت فراغى فى:.........................
الحياة بلا معنى بدون:....................
لو لم أكن ...............(كل حسب تخصصه) لوددت ان اكون:.............
زمان وانا صغير كنت بحلم ابقى:....................
لو فى امكانك التبديل مع شخص اخر فمن يكون:............
تستطيع ان تقول انى منجذب الى شخص ما اذا................
عندما اشعر بالرومانسية فدائما ما:...................
اذا كنت انا روميو/جوليت فجوليت/روميو هى/هو:.........
اكتر مرة بكيت:...........
اكتر حاجة تسعدنى:..........
اتفائل عندما:..............
اشعر انى اود ان اطير عندما:..........
اشعر بالاحباط عندما:...............
أجمل هدية فى حياتى كانت من :.................
لن أغفر ابدا لصديق...............
موقف لن انساه..............
أكثر نقد توجهه لنفسك............
لا استطيع التخلص من.................
اتمنى لو لم............
اتمنى ان اعيش فى..............
يجب ان امتنع عن...............
يجب ان احاول ان................
اود ان اقول.....................

ياريت كل واحد يدخل يملاها اجباري لكل الاعضاء والمشرفين
وعلى راسهم الادمن ونايت

ونايت كمان ليه كده بس
طيب انا حبدأ
الاسم احمد
تاريخ الميلاد 26\1
برج الدلو
الطول 180:183
الهوايات الغناء ولعب الشطرنج
اول شء افعله فى الصباح اكيد اصلى الصبح
بقضى وقت فراغى اكيد فى المنتدى المنيل ده
الحياه بلا معنى من وجهة نظرى تكون مغير معنى لو من غير حب سواء حب الناس او حب العاطفه
لو لم اكن مسلم لوددت ان اكون مسلم
زمان وانا صغير كنت بحلم ابقى كبير فعلا :)
لو فى امكانى ابدل يبقى عايز اكون معرفش ده حرام ولا لا بصراحه بس نفسى اكون مكان سيدنا عمر بن الخطاب عشان اكون صاحب الرسول عليه الصلاة والسلام واكون الفاروق وطبعا اكون مع باقى الصحابه واقدر اعمل فتوحات اسلاميه بس ياريت لو كنت عايش معاهم فى عصرهم مش بدل حد منهم
عندما اشعر بالرومانسيه فدائما ما اكون سعيد لانى بعتبر ان الرمانسيه دى هى الحاجه اللى بتميز الانسان عن باقى المخلوقات
جوليت هى ..............اكيد مش حقول غير انها جوليت بس ده لو كنت انا روميو
اكتر مره بكيت فيها لما حبى الاول ضاع بكيت مقدرتش امنع عينى من البكاء كان غصب عنى
اكتر حاجه تسعدنى انى افرح ناس غالين عليا اوى سواء اهلى او اصحابى او اولاد اخواتى
اتفائل عندما .... انا متفائل دائما لان ثقتى فى الله كبيره
اشعر انى اود ان اطير (عمرى ما حبيت اطير)
اشعر بالاحباط عندما اخسر حب غالى
اجمل هديه فى حياتى كانت من ربنا طبعا وهيا انه رزقنا النعم دى كلها
لان اغفر لاى صديق منافق وخائن
موقف لن انساه؟؟؟ موقف الحادثه بتاعتى بتوابعها
اكثر نقد انى نفسى اغير من نفسى ومش عارف
لا استطيع التخلص من عصبيتى لانى انسان بيتعصب كتير بس بيهدا اسرع
اتمنى لو لم اكن عاطل :)
اتمنى ان اعيش فى اعتقد ان كلنا نفسى نعيش فى الجنه
يجب ان امتنع عن عيوبى اللى انا عايز اغيرها
اود ان اقول ربنا على الظالم والمفترى يا ازمرندا ايديا وجعتنى من الكتابه

اى خدمه يا ازميرندا بس براحه علينا شويه انتى استقصدتى الادمن ونايت ليه هاه اشمعنه التفرقه العنصريه دى

هههههههههههههههههه ا
انا مش فاهم ليه كل اعضاء المنتدى بيقولوا كوسة
هو فى ايه ياجماعة
فى كوسة حصلت قبل كدة و انا مش واخد بالى
بجد لو فى قولولى

على العموم موضوع البطاقة دة زى موضوع تانى اسمة كرسى الاعتراف

انا هاجاوب هنا و بعدين انقلة لكرسى الاعتراف
دة طبعا بعد اذن صاحبة الموضوع
اللى اتوقع انها تكون الضحية الجاية


الاسم:.احمد
تاريخ الميلاد:23/7/85
البرج:السرطاااااااااان
الطول:183 سم
الهوايات:.الكمبيوتر و كان زمان القراءة

أول شئ أفعله فى الصباح:اغسل وشى و اتوضى و اصلى
(( مش زى النايت صلاة من غير وضو ء )))
بقضى وقت فراغى فى:النت و الكمبيوتر
الحياة بلا معنى بدون:.بصراحة (( اصدقاء زيكم كلكم )).
لو لم أكن مهندس مدنى (كل حسب تخصصه) لوددت ان اكون :مهندس كهربا
زمان وانا صغير كنت بحلم ابقى:.ظابط
لو فى امكانك التبديل مع شخص اخر فمن يكون : خالد بن الوليد
تستطيع ان تقول انى منجذب الى شخص ما اذا. اعجبتنى شخصيتة و اسلوبة
عندما اشعر بالرومانسية فدائما ما:اخاف
اذا كنت انا روميو/جوليت فجوليت/روميو هى/هو:جولييت بردة
اكتر مرة بكيت:عندما فقدت صديق الطفولة
اكتر حاجة تسعدنى:.سعادة من حولى .
اتفائل عندما:.تمطر
اشعر انى اود ان اطير عندما:اكون سعيداا
اشعر بالاحباط عندما: افشل فى عمل موكل الى
أجمل هدية فى حياتى كانت من : اختى العزيزة جداااااااااااااااااااااااااااااا
لن أغفر ابدا لصديق : لا احتفظ بالكرةلاحد مهما فعل
موقف لن انساه : يوم فى المدرسة الابتدائية
أكثر نقد توجهه لنفسك : عندما اسئ الاختيار
لا استطيع التخلص من : طرقعة الاصابع و عضعضةالاقلام
اتمنى ان اعيش فى : مدينة افلاطون
يجب ان امتنع عن. : النت و لو لمدة اسبوع واحد
يجب ان احاول ان. : اغير من حولى وابدا بنفسى الى الافضل طبعااا
اود ان اقول """" بحبكم كلكم فى الله و الله اعلم بالقلوب """"

احييكى بجد ازميراندا
و يلا بقى عايزين نقرا بطاقتك
اما بخصوص ديسبرادو
فدة حبيبى جدااااااااااا
خصوصا بعد الموضوع دة
اكيد لازم يكون التالى "" بعدك طبعا

بعد اذنكم انا حشترك ممكن !!!!


والاول موضوع رااااااااااااااااااااااااااائع ياازميرندا


.الاسم:محمد
.السن: 21
.البرج : الجدى
.الطول :178
.الهوايات :1_سماع كاظم
2_ العمل ::احب الالتزام فى عملى
يعنى ممكن اكون فاضى اجى رايح الشغل بدل ما اقعد فى البيت
.اول شئ افعله الصبح ببص فى الموبيل
.بقضى وقت فراغى فى: الشغل لانى ما عنديش وقت فراغ وده اللى مخلينى مش عارف التزم فى المنتدى
.الحياة بلا معنى بدون: رومنسيه
.لو لم أكن مسلم كنت حولع فى نفسى
.زمان وانا صغير كنت بحلم ابقى: محامى
.لو فى امكانك التبديل مع شخص اخر فمن يكون : انا مش بحب ابدل مكانى مع حد بس كنت بتمنى اكون فى ظروف افضل من كده لى وللعالم بس الحمد لله على كل شئ
.تستطيع ان تقول انى منجذب الى شخص ما اذا:اذا فهمنى
.عندما اشعر بالرومانسية فدائما ما:احب سماع اغنيه ها حبيبى لكاظم
.اذا كنت انا روميو/جوليت فجوليت/روميو _H_/_M_:جولييت
.اكتر مرة بكيت:1_عندما اعتقد انى فى لحظه الاحتضار
2_عندما تركت حب عمرى
.اكتر حاجة تسعدنى:لما احس ان ربنا راضى عنى ويكون ضميرى مستريح
.اتفائل عندما:ارى شخص احب ان اراه يبتسم لى دائما
.اشعر انى اود ان اطير عندما: اتذكر اى موقف جميل مر بى فى حبى الاول
.اشعر بالاحباط عندما: يحدث اى خطأ فى عملى بسببى
.أجمل هدية فى حياتى كانت من : من ربى
.لن أغفر ابدا لصديق : اشاع عنى فكره خطأ
.موقف لن انساه :اول يوم عرفنى فيهoo2 على الجروب فى ooo
.أكثر نقد توجهه لنفسى : انى فشلت فى اختيار بعض الاصدقاء
.لا استطيع التخلص من : سماع كاظم بقى ادمان
.اتمنى ان اعيش فى بيت مع الانسان الذى اختاره قلبى
.يجب ان امتنع عن:كثره الهزار
.يجب ان احاول ان: اكون نفسى حتى احصل على ما اريد
.اود ان اقول ::::::::::
:::::::::الحمد لله ربنا كرمنى بتيم ما فيش احسن منه ربنا يخليك ليا ياoo2انت السبب :::::::


:::::::::::::::::الحمد لله:::::::::::
.
.
.

واد هو كاظم بقى الادمن بتاعنا؟؟؟؟
وكمان قولى ديسا ايه موقفه من الاعراب عندك يا ام ام ار
وغير كده يا واد كان نفسك تكون محامى ياعم اسكت هو يعنى المحامى اخد ايه
وغير كده يا ادمن انت وام ام ار هو كلنا مبنحبش غير جوليت كده احنا حنتخانق مع بعض
انصحكم بالانسحاب لان جوليت دى ليا انا بس

طيب
و بعدين
هى قفلت علينا احنا بس
فينكوا يا نااااااااس
اشهدوا على اللى عملتة فيها عائلة ازميراندا و اخواتها

هااااااااااااااايل
عفونا عنك
و الدور و الباقى على النجم الكبيييييييييييييير
ديسبرادو
خلوة يورينا نفسة الجميلة جداااا
اللى كلنا عارفينها

ازميراندا هو كان لازم ملازم اول بس مينفعش تترقى لحد عقيد او لواء

الاسم:ياسمين
تاريخ الميلاد:23/7/86
البرج: الاسد
الطول:160سم
الهوايات:الكمبيوتر (النت) وقراءة اى روايات رومانسي او اى كلام رومانسي
اول شئ بعمله فالصباح:بقول الحمد لله الذي احيانى بعد ماامتنى واليه النشور
بقضى وقت فراغي عالنت او قدام قناتى الناس والرحمة
الحياة بلا معنى:من غير الوالدين والحب الاول لانهم ميتعوضوش
لو لم اكن:مسلمة وموحدة بالله لوددت ان اكون مسلمة وموحدة بالله
زمان وانا صغيرة كنت بحلم :انى اكبر عشان البس الفستان الابيض واتخرج والحمد لله خلصت دراسة واتخرجت


لن أغفر ابدا لصديق :انا بسامح اى حد مهما حصل
موقف لن انساه: زعلت على فقدان شخص ولسانى وقف عن الكلام 3 ايام


اكتر حاجة تسعدنى:لما اسعد اى حد
اتفائل عندما:انا بطبعتى متفائلة طالما ربنا واجد كل شئ
اشعر انى اود ان اطير عندما: لما احب اكيد هطير من الفرحة
اشعر بالاحباط عندما:لما بفشل فاى شئ
أجمل هدية فى حياتى كانت من :ربنا سبحانه وتعالى وهى هدية الاسلام


لو فى امكانك التبديل مع شخص اخر فمن يكون:ياسمين بردو

تستطيع ان تقول انى منجذب الى شخص ما اذا:اعجبت باخلاقه وشخصيته القوية
عندما اشعر بالرومانسية فدائما ما:اعد فالضلمة وافتح البلكونة وابص للقمر
اذا كنت انا جوليت/روميو هو:اللى هيبقا زوجي بس يارب متنتهيش بالانتحار
اكتر مرة بكيت:لما فقدت شخص عزيز عليا اوي
أكثر نقد توجهه لنفسك :لما بعمل شئ ربنا مش راضى عنه

لا استطيع التخلص من :الطيبة الزايدة
اتمنى ان اعيش فى:مكان مليان بالطبيعة
يجب ان امتنع عن:الكسل
يجب ان احاول ان:اثبت نجاحى وشخصيتى فاى مكان

اود ان اقول:اللهم احسن ختامى انا وكل اعضاء المنتدى

وانا اللى كنت مفكر نفسى عارفكم
دلوقتى اقدر اقول لكم كلكم
معرفتكم شرف ليا
و مفيش تزويغ ديسبرادو
يلا ورينا بطاقتك

ممكن اعلق على بطاقه محمد كلها جميله وحواره من القلب
بس حبك للرسول باتباعك سنته مش ببعدك عن الكمبيوتر انت ممكن تجعل وقتك فى طاعه الله وتعمل اللى انت عايزه
سورى يا جماعه ردى متاخر لانى عضوه جديده وسعيده انى اشارككم

كويس انك رديتى على بطاقه محمد بس احنا عايزين بطاقتك انتى لانك برده عضوه جديده وبكده كل اللى فى المنتدى يقدروا يتعرفوا بيكى
يالا منتظرين الرد يا هانا

سبحان الله الادمن وياسمين تاريخ ميلاد واحد بس هو برج السرطااااااان وهى الاسد له فى ذلك حكم

طب ازاى طيب؟؟؟؟؟؟؟؟ :?:

انا اللى اعرفه ان 23 /7 دة اخر برج الاسد واول السرطان
ويشرفني ان تاريخ ميلادى زى الادمن

يعنى احنا التنين صح
كويس
و الشرف ليا انا

جميللللللللللة جدا بطاقتك يا واد يا مايستريوس انت
خصوصا

اقتباس :

والفرجة على mpc4

يا بختك
اه على فكرة اسمها mbc4
و كمان

اقتباس :

لو لم اكن ميكانيكيا لوددت ان اكون سباحا

الفرق مش كبير اهو كله فلويد

اقتباس :

اجمل هدية كانت من عمتي حبيبتي لما نجحت في الثانوية العامة ولما اتخرجت

بس ياريت تعرفناايه هى الهدية علشان الناس تقدر تعرف ايه اهم اهتماماتك

اقتباس :

و تبوظ وكمان من الواسطة

و النبى ابقى سلم لى على خالك

اقتباس :

احاول ان اصبح انسان اكثر جدية

NO WAY

يا جماعه في البدايه بحب اشكر كل الأصدقاء الي كتبوا وعرفونا بنفسهم وخصوصا صديق الكفاح والمشروع شريف علام
الاسم محمد
تاريخ الميلاد 10-11-1984
طبعا برج العقرب
183سم
الهوايات..لعب الفيفا بجميع انواعها من 98 وحتى 2008
لو لم اكن مهندس قوى ميكانيكيه لوددت ان اكون زعيم عصابه عشان افجر الكليه.. :lol:
بالنسبه لوقت الفراغ طبعا يا بلعب فيفا ..يا نايم..وطبعا هنا في المنتدى
الحياه بدون معنى بدون حب(حب الناس والاصدقاء والاهل..) مش ضروري يكون الحب الي في دماغكم
جوليت بالنسبه ليا مجهوله بس اكيد هتبقى الانسانه الي برتبط بيها ان شاء الله
اكتر حاجه تسعدني طبعا هيا الرضا بما كتبه الله
ابكي عندما افقد صديق لي..او بمعنى اصح لما نتخانق وخصوصا لو كنت انا الغلطان
اشعر بالاحباط لما تحصل حاجه عكس المتوقع
طبعا انتقد نفسي لما اعمل موقف المفروض اني معملوش
متفائل دائما وان كان معظم كلامي عكس ذلك
صعب جدا اني اكره
اجمل هديه كانت من اختي لما خلصت الكليه
لا استطيع ان اقام لعب الفيفا وكتابه الشعر
وطبعا يجب ان امتنع عما يغضب الله سبحانه وتعالى
يجب ان اكثر من قراءه القرءان وعلوم الدين..فأن القرءان الكريم يأتي يوم القيامه شفيعا لأصحابه
وفي النهايه اود ان اشكركم جميعا واشكر الادمن على طرحه هذا الموضوع الجميل
قاموس الحب

ياجماعه كلامكم كله جميل بس لسه فى اعضاء كتير معملتش البطاقه الجديده
وكده مينفعش احنا كده حنعمل غرامات على اللى مش حيعملها
وحندخله فى سكك طويله ومش حيعرف يقبض المرتب ولا يطلع فلوس من البنك ولا يقدر يعمل باسبور ولا يعمل اى حاجه تانى :)

ههههههههههههههه
لا مش كلة
يدوبك بتاع 15 عضو بس
مش كتير

فكرتينا
فين بطااااااااااقتك يا ايمى !!!!!!!!!!!!!!!
انت عضوة نشيطة و كمان اميرة
لازم نشوف بطاقتك علشان الكل يعرف مين هى العضوة الى اخدت وسام
مش كدة و لا ايه

طبعا مش ايمى لوحدها اللى ناقصة
فينك يا ديسبرادو
printzess
زوكا

الله ينور يا ايمى
كدة عرفناكى صح
:afro:

الاسم:ميرهام
تاريخ الميلاد: 9/10
البرج:الميزان
الطول:158 سم
الهوايات:الكمبيوتر,الافلام الاجنبى وخصوصا لانى بحب اطلع اخطاء الافلام الاجنبى

أول شئ أفعله فى الصباح:افتح عينى
بقضى وقت فراغى فى:النت
الحياة بلا معنى بدون:امل
لو لم أكن دخلت كليه التجاره(كل حسب تخصصه) لوددت ان اكون دخلت كليه العلوم
زمان وانا صغير كنت بحلم ابقى:مضيفه طيران
لو فى امكانك التبديل مع شخص اخر فمن يكون:
تستطيع ان تقول انى منجذب الى شخص ما اذا لم استطع ان ابعده عن تفكيرى وتعجبنى شخصيته اكيد طبعا
عندما اشعر بالرومانسية فدائما ما:اسمع الاغانى الهادئه
اذا كنت انا روميو/جوليت فجوليت/روميو هى/هو:ان يكون حنين جدا ويحب الحياه ومش معنى كده انه مستهتر وطبعا لازم يكون عنده شخصيه قويه بس مش معنى كده ان يتخنقنى ويكون متفاهم ومتعاون
اكتر مرة بكيت:مش فاكره والله

اكتر حاجة تسعدنى:النجاح
اتفائل عندما:استعيذ من الشيطان الرجيم
اشعر انى اود ان اطير عندما:احس بالحريه
اشعر بالاحباط عندما:لا اجد امامى امل
أجمل هدية فى حياتى كانت من :متهيالى اجما هديه فى حياتى هى امى
لن أغفر ابدا لصديق ان يخوننى
موقف لن انساهبرضه مش فاكره معلش الزهايمر السن وحكمه بقى
أكثر نقد توجهه لنفسك ان متقلبه
لا استطيع التخلص من العصبيه
اتمنى لو لم اكن طيبه زياده عن اللزوم
اتمنى ان اعيش هنا برضه لان برغم كل اللى فيها بحبها
يجب ان امتنع عن الاحباط
يجب ان احاول ان اذاكر شويه اصلى بعمل دبلومه ولسه ما ذاكرتش
اود ان اقول انى سعيده انى انضميت لاسره منتدى الاصدقاء

هههههههههههههههههههههههههههههههههه بافتح عينى اتصورى فعلا ياallias اول مرة اخد بالى هههههههههههههههههههههههه
على فكرة كلكم ماشاء الله بطاقتكم هايلة وكل واحد فيكم لفت نظرى فية حاجة غير التانى بتميزة بس بصراحة تعبت حتى من مجرد التفكير انى اقولكم
ايمى فعلا يظهر كلنا جينا هنا غلط كلهم مهندسين وكلهم احمد ويظهر كلهم من بلد واحدة ويظهر اصحاب تعالى نلم كلامنا ونمشى :(

هههههههههههه
و مالهم المهندسين :roll:
ما تسيبوهم فى حالهم مش هتبقوا انتوا و الزمن و الكليه :(
و كمان مفيش احمدات غير اتنين بس
بس بجد اللى لاحظتة فى بطاقتكم جميعا
ما عدا انا طبعاااا
العصبيييييييييييية
النايت و ايمى و الياس و هنا
و ربنا يستر على الباقى