بطاقه شخصيه جديده ......اجباري الكل لازم يطلعها

صحيييييييييييييييييييح
شكرا على بيعتك ليا فى اول محطة ياازميروا :(
وشكرا ياالياس على وقفتك جنب اختك التجارية :) تترد لك فى خناقة جاية :)

ايوه كده يا سابى وريهم
انا مش هعلق على كلامكم علشان سابى قالت اللى فى نفسى
وزياده شويه
وسيبونى بقى اسلم على الصديقه الجديده
ومن محاسن الصدف انها برضه تجاره
اهلا بيكى يا سها
وبطاقتك جميله قوى
وعلى فكره انا برضه
لو لم اكن تجاره لوددت ان اكون خريجه علوم

برة الموضوع
انا مخامصاكم كلكم اشاسا
الياااااااااس مبرووووووووووووووووووووووووووووووووووووووك على اميرة المنتدى والله اميرة سكر فى البالطو النبيتى دة قمررررررررر

عدنا
علشان نشوف فى ايييه
عات العصاية يا نايت وحصلنى
ورانا خناقة
ايه يا سابرينا اللى بيتقال دة
مخصمانا كلنا اشاسا
ازاى يعنى ؟؟؟؟؟
دة كله خناق على بطاقتك
و كدة تخلينا ننسواالعضوة الجديدة اللى نورتنا
اهلا بيكى يا sos
نورتينا و معلش بقى ع الاستقبال اللى لا يليق بيكى دة
نعمل ايه بقى فى ناااس بخيلة
المهم بجد بطاقتك جميلة
و ان شاء الله تكونى سعيدة معانا هنا
و تشاركينا فى كل حاجة اكيد طبعا مش هتكسفينا
ياااة و كمان كان نفسك فى علوووم انتى كمان
دة احنا معانا ناس تفكيرها علمى اهوة
يلا بقى ورينا احلى شغل

و ايه اعلانات الحرب اللى انتى معلاها دى يا رفايلو
هى الخناقة الاولانية خلصت اصلا علشان نبتدى معركة جديدة
و كمان تحالفات
و لا دى اسمها دفاع مشترك

يااااااااه خلى بالكوا من موضوع الحروب و النووى احسن امريكا تيجى تفتش المنتدى احنا مش ناقصين
بصى بقى يا سابرينا (أحملى البطاقه علسان محدث يتكلم معاكى بعد كده ماسى)
الفرعون العاشق

شكرااااااااااااااا يا ادمن باشا مش عارفة من غيرك كنت هاعمل ايه
فعلا محدش عبرنى غيرك :scratch:
كله بيتخانق مع كله محدش فاضى خالص
بس قريب ان شاء الله نعمل قعدة عرب علشان الاحزاب تتخانق مع بعضها اقصد تصطلح

الله ينور يا اوبل بطاقتك هايله جدا
ماشاء الله وشكلنا حنعمل حزب عقارب قريب جدااااااااا
ايه رايك ؟؟؟؟!!!!

بطاقاتكم كلها جميلة جداااااا
و sos حددى موقفك من الجمعية
معنا و لا علينا
ياااة
نسيت اقولك نورتينا
ههههههههه
لا بجد نورتينا و عاوزينك كدة تكونى نجمة من النجوم اللى معانا هنا
مش غير عد احسن تقولوا عليا باحسد و لا حاجة
اووووووووبل
ابتدائى
على ما اعتقد كانت ايامة زى العسل مش كدة برضة
و لا اسال حد كان معاك فيه
مش كدة و لا ايه يا نايت
يا خسارة مفيش غيرى من برج الجوزاء
بس الحمد لله ليا تحالفين هنا
المهندسين و البناااات
و اللى له ظهر .......
كلمة اخيرة
وحشتووووووووووووونى كلكم

ايوة يافرعون ياقريبى حاااااااضل هاحملها والله بس مس تقولهم دة سر بنا ماااسى
اوبل منوووور بالتوك توك :) بطاقة جامدة بس لو فى الدور العشرين مش هتلحق تعوز حاجة للاسف :( تعالى على جنب معلش عشان متتعورش
الحقوااااااا يابناااااااااااااات العضوة الجديدة sosبتفترى عليناااااااااااا مش انا يابنتى رحبت بيكى فى عز مشاكلى وكلهم بيضربونى والدم بيتساقط منى من عصاية رافايلو ووووو بدون ذكر اسماء
والبنت الاميرة العسولة الياس رحبت بيكى يامفتررررررررررررررررية ونعيد الشريط عشان الحبايب مرحبا اهلا وسهلا منورناااااااا بس لمعى النظارة

مرسيه كتيييييييير ياAZMERANDA على الوردة الجميلة دى و كل سنة وانتم طيبين و ان شاء الله خلاص القعدة شكلها هاتبدا احنا على العموم بعتنا نجيب الكراسى .

و شكراااااااااااااااااا يا S@Ru على الترحيب الجامد ده و اقدر اقول انى معاكم طبعا يا باشا هو انا اقدر اتكلم فى حاجة زى كده (بس لامؤاخذة انتم مين بالظبط علشان ابقى معاكم على الخط بس:scratch: )

و يا opel001 شكراااااااااااااااااا و بطاقتك ماشاء الله جميلة بس ممكن اعرف ايه بالظبط مشتقات الكمبيوتر :?:

و يا sabrina بشكرك كتيييييييييير انتى والياس بس ده برضه مش هايعفيكى من انك تقدمى البطاقة قدامك من دلوقتى 10 ساعات و نص و النص ده بقى اهم من ال10 لو مقدمتيش البطاقة خلال الفترة دى هابقى اتفق مع الجمعية (بس لما اعرف مين اللى فيها الاول )على العقوبة المناسبة و شكرا

منورة يا سها المنتدى كله
مستنين منك مواضيع جامدة

ههههههههههههههههههههه
شكرا على تعليقك ازميرندا
بس على فكره الموقف الذى لن انساه هو اننا كنا قاعدين فى امان الله ولقينا صاحبتنا ده بتنادى وتقولنا تعالو بسرعه
فى كوكب فى السما !
المهم روحنالها بصانا لقناها بتقولنا بصوا فى السما قلنالها مفيش حاجه قالتلنا بصوا كوكب زحل فى السما
واحنا مفكرين كوكب شبه اللى كنا بنشوفهم فى الكتب اتاريه نجمه منوره زياده
بس على فكره هى كانت بتتكلم بجد مكنتش بتهزر
بس فعلا الموقف ده ولا اليوه نقدر ننساه لاننا ضحكنا فيه كتييييييير

ايه كل دى بطايق
اولا نرحب مره تانيه يا سهى اللى زى القطط
وبطاقه اوبل جامده برضه
اما بقى بطاقه بيكاسويايه
جامده خالص ورقيقه قوى
بس انت يا جميل قلت عايز تغير حاجات
كتير بس مش قلتى حتى حاجه منهم

ههههههههههههههههههههههههههه تخيلى يابيكاسوهاية انى بتخض نفس الخضة من الساعه
ايوة كدة اسمعى كلام اخوكى الكبير ادمن تاتون :) يقولك طلعى بطاقة فروااااااااا لازم تتطلعيها
تعالى هناااااااااااااا بقة لما انتى تعيشى فى عصر الفراعنة انا اعيش فيييييييين ؟؟؟؟؟؟؟ خلى بالك بقة ياادمن من لعنة الفراعنة بجددددددد دلوقتى انا ورافيلو ومن قبل الفرعون العاشق
روميو ابن حلال ومحترم ........ لاحول ولاقوة الا بالله خلصوا يابنتى :(
وبعدين مايمكن يكون زحل يعنى انتى تعرفية شخصيا :roll:
بطاقتك سكر يارافيلو وربنا يخلى لك ماما :) بس متبدليش مكانها عشان اللخبطة هتبقى ماما بنتك وانت ماما لاخوكى ومراة باباكى اييييييييييية الدوخة دى
بطاقة جميلة يافنانة وعجبتنى قوى الفراشة بس الورد الابيض ننكن تشوفية فين؟؟؟؟
وانا على فكرة مختش بالى من رد ازميروا ولا sos خااااااااااااالص قلت ياواااااااد طنش خالص :)

بصوااااااا بقة انا عملاها بقالى كام يوم ومكسوفة انزلها (وش مكسوف ) بس والله عشان انتم طلبتوها اكتر من مرة وانا مقدرش حد يطلب منى حاجة ومش اعلمها فعشان خاطركم كلكم وطبعا والخاطر الكبير للادمن عملتها بس مكسوفة تشوفوها فقلت احلى حاجة انزلها اليومين دولن ومحدش هنا والكل بيذاكر ولانها لو استنت اكتر من كدة هتتغير كلها ...خلاص غمضت عينى وعملت لكم نسخة وربنا يستر

الاسم:......... سابرينا والدلع هاميس .. الحمد لله مش أحمد
تاريخ الميلاد: ../../....فى يوم فى شهر فى سنة ...وطبعا سنى اللى هنا مش صح فى السنة بس انا اصغر ... (وعلى فكرة ماقصدش اكذب فية لكن مكنتش عايزة اللى قالوا لى على المنتدى يعرفونى بس خلاص فقسونى ولسبب تانى يمكن تيجى مناسبة اقولة بعدين)

البرج:........ ميزان العدل ... مش عقرب اللدغ الحمد لله
الطول:... سم الغريب انكم كلكم تقريبا عارفين طولكم .. مش عارف ازاى انتم بتقسوة على الحيطة ولا عند عمو اللى بيقيس فى الشارع انا هاتكسف اقيس طولى فى الشارع هاستخدم الحيطة واقولكم بس مش عارف المسطرة تنفع ؟؟؟

الهوايات:.......,.......,........... التنس والسباحة وركوب الخيل... طبعا مش دول دى هواية اللى جنبى وكنت باغش من ورقتها
انا بحب القراية وللاسف الاغانى بس بشوفها كلمات واشعار اكتر منها اغانى وكتير بكتبها وطبعا النت كان هواية واصبح عادة

أول شئ أفعله فى الصباح:.......................بافتح عينى زى الياس وبتخض من الساعه لما بيبقى عندى شغل او عشان الفجر زى رافيلوا وباقوم من السرير زى الفرعون وبتوضى واصلى واقرا الاذكار زى كلكم وبقرا يس والرحمن واخر الحشر
بقضى وقت فراغى فى:.........................معاكم
الحياة بلا معنى بدون:....................رضا ربنا وهدف اعيش لة
لو لم أكن ...............(كل حسب تخصصه) لوددت ان اكون:.............لو لم اكن تجارة لو وددت ان اكون تجارة لانها كانت اختيار ربنا ليا واختيار حبيتة جدااااااا وشفت انى منفعش فى غيرة ويارب ترجع السنين واجيب 100 % وادخل تجارة برضة بالغيظ فى ناس هنا ومن غير اسماء رافيلو

زمان وانا صغير كنت بحلم ابقى:....................فى ابتدائى واعدادى .. اساكر وانجح واخد الاكازة عشان اعرف اقرا قصص بقة فى ثانوى كان نفسى ابقى حاجات كتير ظابط ودكتور نفساوى وو وفى الاخر قلت خلاص يارب اى حاجة الا تجارة ... !!! الجملة دى محذوفة بالنسبةلنفس الناس اللى قلت لهم فوق
لو فى امكانك التبديل مع شخص اخر فمن يكون:............هاااااااميس ههههههههههههه عشان يرمونى فى النيل وتخلصوا منى

تستطيع ان تقول انى منجذب الى شخص ما اذا................ معتش فى حد بيجذبنى حتى الاحترام ورجاحة العقل والتدين بقوا تمثيل
عندما اشعر بالرومانسية فدائما ما:...................معنى الرومانسية هنا اية احساس عام ولا لشخص بعينة ؟؟ مش عارف ناس فيكم قالوا كدةو وناس قالوا كدة
عنونا انا اشاسا مواطن رومانسى بالسليقة و لما باشعر بيها بكون فى رواية او اغنية او فيلم او مع نزار قبانى

اذا كنت انا روميو/جوليت فجوليت/روميو هى/هو:.........وكتاب الله اللى يقولى يا سوكينة اخزق عنية ... قصدى ياجوليت
اكتر مرة بكيت:...........يووووووووووة على طول انا مواطن مش بيبطل بكا اشاسا مسلسلات اغانى افلام روايات برامج دينية اى خدمة مش بمسك نفسويتى خالص فضيحة مع انى بكرة ابكى قدام حد بس لما بيكون البكا بيوجعنى عمرة مايكون قدام حد وخصوصا اللى وجعنى بامسك نفسى معرفش ازااااااااى مع ان الموقف بيبقى يصوت مش يبكى بس اصون دموعى من قبل وجعى ..غريبة مش كدة

اكتر حاجة تسعدنى:..........رضا ربنا اساسى ولما بشوف حد فرحان والله بافرح اكتر من فرحى لنفسى
اتفائل عندما:..............اسمع صوت الكروان او احلم حلم حلو
اشعر انى اود ان اطير عندما:..........اكون رايحة لاولادى او رايحة البحر فى الصيف بس يابخت الاسكندرانية واخد بالك يافرعون
اشعر بالاحباط عندما:............... افقد حماسى (الله يرحمة)
أجمل هدية فى حياتى كانت من :.................ربنا على طول بيهادينى بس ربنا يقدرنى على الرد
لن أغفر ابدا لصديق...............وجعنى وصدمنى فية لمدة كام يوم بس وبرجع زى العبيطة انسى
موقف لن انساه.............. كتييييييييييير منهم اول مرة اروح دار ايتام وكان فى بلد غير بلدى .. فضلت ماسكة نفسى طول مانا هناك اول ماركبت عشان اروح طول الطريق دموعى نازلة ورجعت البيت منهارة من البكاء كان شكلى زفت قدام عمو السواق والاخوة الركاب

أكثر نقد توجهه لنفسك............ ياقلبى ياراجع ميت على حصانك صاين قلوب البشر مين فى البشر صانك !!!
انى لما بتلسع من الشوربة مش بنفخ فى الزبادى
لا استطيع التخلص من................. الاكتئاب .. الهزار الكتير .. التسامح بغباء .. الثقة فى الناس بعبط ..التعامل مع الناس بسذاجة .. الصراحة بهبل .. من افكارى القديمة ومبادئى .. يعنى من الاخر زى ماقال اوبل كدة من نفسى

اتمنى لو لم............اكن بنت بس الحمد لله كنت هابقى ولد رخم جدااااااااا وصعيدى طحن لو بنفس الدماغ يعنى
اتمنى ان اعيش فى ...............زمان فى اى عصر فية هدف عايشين له الفراعنة .. الاسلام ..عصر الحضارة الاندلسية ... الثورات والحروبات اشتغل فيهم ظابط على طول
اول ماقريت عن المدينة الفاضلة كان نفسى اعيش فيها لكن للاسف لو جبنا المدينة هنجيب ناس منين ههههههه
انما حاليا جزيرة وصاحبك اعزل
وقريب ان شاء الله فى الجنة
يجب ان امتنع عن............... الهزار فمن كثر هزارة قل احترامة .. والاكتئاب لانه افقدنى حماسى ...الخجل اللى بيخلينى اعمل حاجة مش عايزة اعملها او معملش حاجة المفروض اعملها ... وكل مايغضب الله
يجب ان احاول ان................ نفسى الاقى فيا نفسى ... نفسى يتحقق كيانى
اكون منافقة و شريرة ان شاء الله

اود ان اقول..................... من هذا المزنق انى بقيت رغاية جداااااااا من يوم ماعرفتكم وانى مكنتش عايزة اعلمها لانى مش باعرف اكذب وليا فيها كلام كتير قووووووى بس حاولت اختصر ومطولش عليكم ههههههههههههههههه مع انكم اكيد زهقتم بس احسسسسسن ماانا قلت من الاول بلاش
ارتحتم.. ربنا يسامحكم .. وبما انكم مش شايفنى والا كنتم اترعبتم ... ومش سامعنى والا كنتم اتفزعتم .. فاقدر اقول احبكم فى الله وربنا يجمعنا على الخير دايما ان شاء الله
وسلامى الى بابا وماما واخويا واصحابى وعيلتى ويارب بلدى وحبايبى والمجتمع والناس و الى الحاج ادمن وازميروا الله يسامحها ونحب ان بلغكم ان اوبل هنطوعه فى الجيش لانقاذ المأسوف على شبابها جوليتة ووو
مع السلامو عليكو
انا خلاص هاضغط ارسل يالهوووووووووى اشهد ان لا اله الا الله وان محمد رسول الله

اخيراااااااااااااااااااااااااااااااا هوا انتم كنتم لسه مكتبتوش بطايقكم .....شكرا ليكم على بطايقكم الجميله بس سؤال غريب هوا هندسه ترميم الاثار تابعه لكليه ايه..انا اعرف ان قسم مدني ليه في الترميم بس الاثار ليها معامله خاصه ميعرفهاش غير كليه الاثار..فده تابع لمين فيهم ولا كليه تانيه خالص

ايووووووووووووة
اخهيرا بدل الفاقد طلع يا سابرينا
مبرووك
اسمحيلى بقى دى فرصتى اطلع عليكى الجديد و الجديد
بصى بقى انا مش هاعلق الا على حاجات زغنوووووووونة اد كدة

اقتباس :

الحمد لله مش أحمد

بس هاميس دة جديد مش كدة
يا ترى مين اللى اطلقه عليكى ؟؟؟؟؟؟؟؟؟ تاتون مش كدة

اقتباس :

فى يوم فى شهر فى سنة

غنى يا عبد الحليم غنى

اقتباس :

التنس والسباحة وركوب الخيل

كلنا واثقين من قدراتك كش كدة يا جماعة

اقتباس :

ظابط ودكتور نفساوى

كدة ازميروو الملازم الاول بتاعنا يزعل منك يا باشا

اقتباس :

وكتاب الله اللى يقولى يا سوكينة اخزق عنية

و اياكى يمسك ايديكى يعديكى السكة و لاحاجة "" سك على بناتك ""

اقتباس :

انا مواطن مش بيبطل بكا اشاسا مسلسلات اغانى افلام

هههههههههههه
يا حراااااااااام

اقتباس :

الاكتئاب

مين دة
انتى ؟؟؟؟؟؟؟؟؟؟ طيب تيجى ازاااى

اقتباس :

بقيت رغاية جداااااااا من يوم ماعرفتكم

عادى يا هاميس عادى

هههههههههههههه
بس بجد بطاقتك حلوة جدااا
سورى رفايلو مقدرش اعلق على بطاقتك احسن يفاكروها كوووسة و لاحاجة
و فى ناس هنا ما بتصدق

انت يا كابتن
هندسة ترميم الاثار مش بيطلع غير من كليتين بس
كليه ااثار شعبة ترميم و فنون جميلة جامعة المنيا بردة شعبة ترميم
انما مدنى مش بنوع ترميم لا قدر الله
دول الناس الحلوين اللى بيجيبوا من الاخرررررررر

ياادمن يارافع معدنياتى
دى واحدة شافتها مظهرتش تانى من يومها :(
وتانية قلت لى بطاقة كئيبة وطلعت لى لسانها :(
وووو بلاش فضايح بقة :(
وانا عارف انى وقعت فى شر اعمالى
عنونا
هاميس اسم عزيز عليا اخويا اخيـــ تاتون اللى سمنى بية يوووووووووة قصدى سمانى بية اصلة عايز يخلص منى ياعينى مش عارف :P
وطبعا هاميس تاتوون ... تاتون عيلة معروفة جدااااااا واصيلة وقديمة قدم الفراعين
انت متعرفش ماانا سابرينا حافظ :P
تأكد انهم يوم مايعملوا عندنا نادى هتكون قدراتى انتهت صلاحيتها وهتشوف
اديت لازميروا فكرة برضة استحياط
لالالالالالالالالالالالالالالالالا ياادمن دخلت من هاميس على فوزية ميصحش كدة بابا اللى بيقولى كدة بس :)
بتضحك حليا يااتمن مااااسى
انتى تيجى ازااااااى ؟؟ ههههههههههههههههههههههه ماهى دى الخودعة
بدل عادى استحملوا وليكم الجنة
شكرا ياادمن
معلش يارافيلو هتعملى اية بقة دة قدر الفنانين اخوات الادمنين

اى خدمة يا سابى
علشان تبقى عبرة لكل واحد عاوز يقضيها ببدل الفاقد

شوفتى يا سابرينا طلعنا قريب ازاى انا الفرعون و انتى هاميس و لسه نازلين من الهرم دلوقتى :pirat:
بس بطاقتك حلوه اوى
انا كنت عايز اعلق عليها تعليق كبيييييييييييييييييييييييير بس للافس مفيش وقت
الفرعون العاشق

لالالالالالالالالالالالالالالالا يافرعون متقولش كدة الا تعليقك دة مهم جداااااااااااااااا عشان العيلة وتاريخنا ووضعنا هناااااااا بما اننا فراعين بس احنا اية اللى منزلنا اعورين كدة :pirat: بص مش هاعطلك احكى التعليق لهانا وهى تكتب ههههههههههههههههههههههه
شكرا ياقريبى التاريخى وشد حيلك ربنا معاك عشان تخرج لنا بالسلامة من الثانوية العامية دى :P
ماااااااااااااااااشى ياادمن انا عبرررررررررررررة :x انا الوبا يااحمد (مش فاكرة كانت فى اية هى مسرحية ركز هتفتكر مش هاحكى لسة )

البطاقة الشخصية:

الاسم:عماد
تاريخ الميلاد:12/8/1984
البرج:الأسد
الطول:173سم
الهوايات:القراءة ، الكمبيوتر ، الجري و السباحة

أول شئ أفعله فى الصباح:بفتح عينيا
بقضى وقت فراغى فى: القراءة ، على الكمبيوتر ،مع أصحابى أو فى المستشفى
الحياة بلا معنى بدون:هدف واضح
لو لم أكن طبيبا (كل حسب تخصصه) لوددت ان اكون:رائد فضاء
زمان وانا صغير كنت بحلم ابقى :دكتور
لو فى امكانك التبديل مع شخص اخر فمن يكون:معاذ بن جبل رضي الله عنه سيد العلماء يوم القيامة
تستطيع ان تقول انى منجذب الى شخص ما اذا إذا أنست منه الصدق و التواضع
عندما اشعر بالرومانسية فدائما ما:
اذا كنت انا روميو/جوليت فجوليت/روميو هى/هو:حبيبتي
اكتر مرة بكيت:مش عايز افتكر
اكتر حاجة تسعدنى:إني أكون السبب فى سعادة غيري
اتفائل عندما:انجح
اشعر انى اود ان اطير عندما:اتعلم شيئ جديد مفيد
اشعر بالاحباط عندما:أفشل
أجمل هدية فى حياتى كانت من : الله عز وجل
لن أغفر ابدا لصديق : من الاخر قلبي لا يعرف إلا الحب و التسامح
موقف لن انساه : أى موقف اتعلمت منه شيئ مهم أكيد مش حنساه
أكثر نقد توجهه لنفسك التعامل بطيبة تصل لدرجة السذاجة مع الأخرين
لا استطيع التخلص من التفكير المستمر
اتمنى لو لم أعيش في هذا الزمن
اتمنى ان اعيش فى زمن كله صدق و أمانة
يجب ان امتنع عن التفكير السلبي
يجب ان احاول ان ارضي الله عز و جل فى كل وقت و حين
اود ان اقول أحبكم جميعا فى الله

الا سم : منه الله
تاريخ الميلاد: 9|1|1989
البرج: الجدي
الطول :164
الهوايات : الرسم وسماع الاغاني والسباحه وقراءه الروايات
اول حاجه بعملها الصبح: بكون مش عاوزه اقوم من تحت البطانيه
بقضي وقت فراغي في:النوم والقراءه
الحياه بدون معنى بدون :بابا وماما
لو لم اكن فنانه لوددتان اكون فنانه
زمان وانا صغير كنت بحلم بالفنون الجميله
لو في امكاني ابدل مع شخص اخر لوددت ان اكون بنت من ابناء الرسول عليه الصلاه والسلام
تستطيع ان تقول اني منجذبه لشخص فهمني وخاف عليا
عندما اشعر بالرومانسيه فدائما ما اكون لما احس بالحنين لحاجه معينه
اذا كنت انا جوليت فروميو هو حبيب حياتي كلها
اكتر مره بكيت فيها : كتير
اكتر حاجه تسعدني : اني اكون وسط اهلي
اتفائل عندما : الاقي كلمه تشجيع
اشعر اني اود اني اطير : لما اكون عاوزه اهرب من اي حاجه
اشعر بالاحباط :لما يكون ورايا شغل كتير
اجمل هديه في حياتي لما بروح واعمل عمره في بيت ربنا
لن اغفر ابدا لصديق: وحده اتعرفت عليها في الكليه
موقف لن انساه : ذكرياتي في الثانوي
اكثر نقد بوجهه لنفسي: اني عصبيه بسرعه
لا استطيع التخلص من التوتر
اتمنى لو لم :ابعد عن اهلي واصدقائي تواني
يجب ان امتنع عن العصبيه
يجب ان احاول ان ارضي ربنا

الاسم : نرمين
التاريخ :20|11|1988
البرج : العقرب
الهوايات: القراءه الروايات الرومانسيه ومشاهده التلفزيون
اول حاجه بعملها : ببص على نفسي في المرايا
بقضي وقت فراغي : في مشاهده التلفزيزون
الحياه بدون معنى بدون :الحب
لو لم اكن فنانه لوددت ان اكون مهندسه
زمان وانا صغير كنت بحلم اكون مهندسه
لو في امكاني ابدل مع شخص اخر لوددت ان اكون : ابويه
تستطيع ان تقول اني منجذبه لشخص صادق
عندما اشعر بالرومانسيه لما اتفرج على فيلم رومانسي
اذا كنت جوليت فروميو نصفي الاخر
اكتر مره بكيت فيها :لما دخلت الكليه
اكتر حاجه تسعدني لما بنام
اتفائل عندما احقق شيء مفيد
اشعر اني عاوزه اطير:لما بكون مبسوطه
اشعر بالاحباط لما حد يحبطني
اجمل هديه في حياتي:لسه ماجتش
لن اغفر ابدا لصديق :كذب عليا
موقف لن انساه :لا اتذكر
اكتر نقد بوجهه لنفسي اني مش بقبل بنصيحه حد ليا
لا استطيع التخلص من القلق وعدم الثقه في النفس
اتمنى لو لم :اعيش في الدنيا دي

يجب ان امتنع عن :القلق
يجب انا احاول ان :اثق في نفسي

ايوة كدة كل البطايق الحلوة دى جت
بطاقتك جميلة يا عمدة
و انتى يا مونى حلوة اوى
شفتى بقى التشجيع اهو يلا بقى ورينا الشغل يا فنانيييين
الله ينور يا نيمو
بس نصيحة كويس ان حظك ما جبلكيش هندسة دى خالص
و اظن الخبرات فيها هنا كتير اوى

يا فشاره يا نيمو بقى اجمل هديه مجتلكيش
ماااااااااااشى
وبعدين نفسك تكون مهندسه على ايه
وبعدين الفن اجدع ولا ايه