عدد الرسائل : 88 العمر : 40 البلد : اهه عايش العمل/الترفيه : محاسب الهواية / الاهتمامات : هادئ الشعبية بين الاعضاء : 0 النشاط : 12512 تاريخ التسجيل : 06/10/2007
موضوع: اللى اخشتوا ماتوا السبت 08 ديسمبر 2007, 11:47 pm
من زمااااااااااااااان نسمع الناس بتقول اللى اختشوا ماتوا وانا صغير ماكنتش فاهم معناها ولا حتى اتقالت ليه؟ طبعا الواحد كبر وفهم معنى الجمله بس مش عارف اتقالت فى مناسبة ايه؟ لغاية بالصدفه لاقيت واحد بيحكى القصة ديه ان كان فيه زمان شوية ستات نزلت البحر علشان تعوم وتستحمه وطبعا سابوا هدومهم على الشط وهما بيستحموا جه شوية رجاله وسرقوا الهدوم ووقفوا متسنيين الستات علشان تطلع طبعا الستات لما جت تطلع من الميه مالاقتشى الهدوم ولاقوا ان الرجاله مستنينهم يطلعوا علشان يتفرجوا عليهم الستات بقى تعمل ايه؟ مجموعه قالت احنا نطلع كده وخلاص انما الستات المحترمه اللى بيختشوا قالوا لا مش طالعين ولو هانموت هنا وبالفعل الستات اللى مابتختشيش طلعت والستات اللى بتختشى ماتت ومن هنا جات جملة ان اللى اختشوا ماتوا وبعد كده سمعت كذا قصه عن نفس الجمله والخلاصة انها بتؤدى الى نفس المعنى شوفتوا بقى ازاى ان الستات لازم يبقى عندها حياء زى الستات المحترمه اللى بتختشى طبعا الكلام مش عن الستات وبس الكلام عن الرجاله كمان وعندك اكبر مثل على الحياء هو سيدنا محمد صلى الله عليه وسلم كما قيل انه كان اشد حياء من العذراء فى خدرها وقال صلى الله عليه وسلم ان الحياء شعبة من شعب الايمان ومعنى الحياء ان انت بالبلدى كده تتكسف تتكسف تمشى قالع تتكسف ان تشوف حد غيرك قالع وكمان تتكسف تحرج حد واهم من كل ده تتكسف من ربنا ان انت تعمل الذنب وانت عارف انه شايفك وعالم بيك يااااااااااااااه تخيل جرب فى مره تفكر فيها كده انا مش هعمل الذنب ده علشان انا مكسوف ان ربنا يشوفنى على معصيه صدقنى لو انت فعلا بتحب ربنا هتبطل تعمل الذنب ده خالص انا مش بقول ده يعنى انى خالى من العيوب لا انا كلى عيوب بس بقولكم الموضوع ده علشان الناس تبقى احسن منى وربنا يتقبل ودي نصيحه بقدمها لك الناس ان لازم يبقى عندهم حياء واولا مع ربنا انه يشوفك على معصيه وطلب خاص منى لكل بنت ان لازم يبقى عندها حياء لان لو عندها حياء مش هاتنزل من بيتها بلبس مش حرام يفضح اكتر ما يدارى ولا تمشى تتلكع فى الشارع وكذا وكذا وكذا وعد هتلاقى كتير قوى هايودى الشباب فى داهية وشكرا
السبت 08 ديسمبر 2007, 11:47 pm
