المصرى هو اللى

ممكن يعدي التلاتين
ولسه عايش مع أمه وأبوه وماعندهومش مشكلة

يشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة
وهو أبيض ياورد

بيحط الريموت كونترول
في كيس بلاستيك كعادة فرعونية

يقف يتكلم على الباب نص ساعة
بعد إنتهاء الزيارة والسلام

لمّا تفتح نملية المطبخ
هتلاقي عنده عشرين برطمان بتاع مربى فاضي

لسه عنده إصرار إنه يتكلم بصوت عالي في التليفون لما تكون المكالمة دولية
عشان التاني يسمعه

بيعتبر نفسه أفضل واحد في الشرا والفصال
وبعد كده يكتشف إن الحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا
تحت مرتبة السرير لسنوات ومابيستخدمهاش

بيشتري قبل الفطار في رمضان مواد إستهلاكية
أصلا موجود عنده في البيت ولسه ماستخدمهاش

بيكون عنده شواية لزوم الرحلات أقصى استخدام لها
كان مرة واحدة في العيد

بيفتكر إن أي حد بيشتغل في الخليج
بيغرف فلوس من غير حساب

بيكون مشغول طول العشا
بقيمة التيبس أو البقشيش ... ياترى ربع جنيه ولا نص جنيه

برضه بيتخانق ساعة دفع الحساب بحرارة شديدة
على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

شكرا لموضوعك
و لكن الموضوع مكرر

ياجماعة احنا ليه حابين نقول سلبياتنا اودام الناس . . .

سيدنا - - محمد - - صلى الله عليه وسلم قال :

واذا بليتم فاستتروا . . .

اقروا الحديث كويس واوعوا تنسوه . . .

واواعوا تفضحوا نفسكوا تانى . . .

اللى يفضح نفسه ربنا سبحانه وتعالى بيفضحه .

» اللى بيشجع المصرى يدخل هنا
» من هو المصرى؟
» الفارس المصرى
» لعشاق الراب المصرى فقط
» من اهم مميزات الشارع المصرى!!!!!!!!