مسابقة الاوسمة انتهتتتتتتتتتتتتتت .. مبروك للاعضاء

ممكن ادى صوتى لنفسى طيب

براحتك
بس انت بترشح 3 بالترتيب
اول واحد هياخد 3 نقط
و التانى 2
و الثالث 1
و فى الاخر نشوف مين جمع اكتر نقط
اما الموضوع فهيبقى الموضوع الاكثر ترشيحاااا

و ممكن تبقى تعدل فى تصويتاتك لغتاية اليوم قبلالاخير يعنى الخميس ان شاء الله

الاول: ايمي
التاني: ادمن
التالت :اسمحولى ارشح نفسي(ياسمين)


افضل موضوع:صور اعجاز من القران(موضوع ايمي)

الاول : ياسمين ( بدات جديدة و اثبتت نفسها )
الثانى : ايمى ( لا اجد تعليق فعلا على مستواها المتميز )
الثالث : mysterious
فعلا العضو دة شغال كويس اوى و ردودة جميلة فعلا
اتمنى ان الوسام يكون من حقة
اما عن نفسى
فانا مش بارشح نفسى لانى فعلا مش شغال فى المنتدى زى المفروض
( ودة طبعا غصب عنى لظروف الدراسة )
انما الاعضاء اللى انا رشحتهم فعلا انا شايف انهم يستحقوا الاوسمة عنى

اما الموضوع فانا بارشح " رسالة من حواء الى ادم "
لانه فعلا موضوع جمييييييييييل جدااااااا

الاول : اسمحولى انى ارشح نفسى
الثانى : ياسمين
الثالث : ازميراندا فعلا هى تميزت فى فترة قصيرة

اما عن المواضيع فانا ارشح موضوعى صور اعجاز من القران تدل على اقتراب الساعة
لانه فعلا موضوع متميز من وجهة نظرى

الاول : ياسمين بجد مش عارف اقول اية على مجهودها الرائع
الثانى : ايمى شغلها جامد جدا
التالت : ادمين بجد انت قائد كويس وانسان محترم مع انى م اعرفكش

بالنسبة للمواضيع بصراحة انا خايف اظلم حد بعدم اختيارى لموضوعه بس بجد فى حاجات كتير جدا تستاهل بس صور من اعجاز القرأن موضوع هايل الحقيقة مع احترامى لكل المواضيع

zoka010 كتب:

التالت : ادمين بجد انت قائد كويس وانسان محترم مع انى م اعرفكش

الله يخليك يارب بجد كلمتك دى لوحدها وسام يكفينى عن اى حاجة تانية
اما بالنسبة انك ما تعرفنيش فانا يكفينى اقرا ما تكتب لاحكم على شخصيتك
فانا اجزم انها شخصية ممتازة فعلا و دة واضح من اسلوبك سواء تعاملك مع الاخرين او تفاعلك الممتاز معانا

zoka010 كتب:

بالنسبة للمواضيع بصراحة انا خايف اظلم حد بعدم اختيارى لموضوعه بس بجد فى حاجات كتير جدا تستاهل بس صور من اعجاز القرأن موضوع هايل الحقيقة مع احترامى لكل المواضيع

زى ما قلت فى كل مكان
كلنا هنا اسرة واحدة يعنىاى موضوع كتبة اى عضو كانة من الاعضاء جميعا
اختار زى ما كل واحد عاوز
هنا فى حرية تعبييييييير

فى حاجة بس عاوز اتكلم فيها
ياريت التصويت يكون لناس تستحق ياجماعة يعنى مش كل واحد ليه صاحب على المنتدى يصوت له وهو مش بيشارك بالصورة المطلوبة ويكون فى ناس احق منة بالنقطة اللى هياخدها دى ياريت بس كلامى مايضايقش حد بس المنتدى بتاعنا كلنا واعتقد ان كل واحد من حقة يبدى رأية فى حدود اللياقة والذوق يعنى مش معقول ناس بترد بس او عاملة موضوع واحد او موضوعين تاخد نقط وناس تانية ليها مشاركات وردود ومواضيع اكتر منها ومتاخدش حاجة ياريت لو المشاركة دى ضايقت الناس اللى فى المنتدى تتحذف فورا ودى بتعبر عن رأيي الشخصى وانا مستعد لأى مناقشة فيها

اولا انا شايف ان كلامك كله جميل اوى اوى يا زوكا وبجد انت اثرت نقطه مهمه اوى بالنسبه لموضوع المسابقه ده
فى ناس متخيله ان الاختيار بيكون عشان ده صاحب ده يبقى يرشحه او عشان ده قريب ده يبقى الواسطه تشتغل بأه
لا طبعا يا زوكا ده مش بيحصل هو انت فاكرنا فى مصر ولا ايه؟
الواسطه دى موجوده فى مصر بس مش فى المنتدى بتاعنا :)
اما عن الترشيح فأنا شايف ان ايمى تستحق عن جداره الوسام الذهبى لانها بجد متألقه فى كل الاقسام من ادب لاغانى لمواضيع دينيه للديكور والموضه والبوسترات والصور بصراحه انا مقتنع تماما انها فعلا تستحق الوسام الذهبى
اما الفضى انا متأكد ان ياسمين فعلا تستحقه لانها زاى ما قلتم كلكم اشتركت فى فتره قليله بس عملت شغل كويس اوى
اما البرونزى فده كان بتاعى الشهر اللى فات بس الشهر ده انا مستحقوش وشايف انا اللى يستحقه بجد هو ديسبرادو اللى على طول بيفتكرنا بالافلام والاغانى الجديده رغم انه مشغول الشهر ده بس برده يستحق الوسام
اما الموضوع انا شايف انه موضوع رساله من حواء الى ادم
والدليل ردودكم عليه
ويارب اكون عدلت فى حكمى على من يستحق التقدير

مالها مصر يانايت محسسنى انك من بوركينافاسو مثلا رغم ان كل مظبوط بس الكلام دة حاصل فعلا وبكرة تشوف مع احترامى لكل اللى المنتدى طبعا بس مفيش اى حاجة تخلو من الكوسة حتى المنتدى بتاعنا دة

انت ادرى طبعا يا زوكا باشا بالكوسه
وعارف اذا كان فى كوسه ولا لا

الكلام دة ما يكونش منك انت يا زوكا
لانى قلت ان بجد انا هامنع اى نوع من التكويس هنا
من هنعانى منه فى حياتنا برة و كمان نطبقة فى مجتمعنا الصغير هنا
اما عن ترشيحات الاعضاء فدى عملية نسبية كل واحد بيحكم من منطق بس ياريت يكون مبينة كدة
و بخصوص ترشيحى ل mysteriousa اللى اعتقد ان كلامك دة بسببة
فانت بنفسك شوفة دخل كام مرة و عمل كام موضوع و رد
هتلاحظ ان نسبتة كبيرة بالنسبة لمرات عدد حضورة
و دة ما يمنعش ان انا لما الاقى عضو نشيط كدة
انى احفزة
و صوت واحد طبعا مش كفيل انه يعطية الوسام
بس نوع من التحفيز هيفيد كتييييير جداااا
و على العموم زى ما قلت لك العملية هتكون نظيفة جداااااااااا
ان شاء الله و انا كفيل بالكلام اللى بقولة

على فكرة ياادمين انا ماقصدتش اى حد بكلامى ومعرفش مين اللى اترشح اساسا ومين ادى صوتة لمين بس انت عارف الانتخابات عموما عاملة ازاى وبمنتهى الامانة انا ماقصدتش اى حد بجد وياريت مرة تانية محدش يزعل منى

ولا يهمك يا زوكا احنا هنا كلنا اخوات وانا برد بدل الادمن لانى معاه فى الاداره وهو احتمال يكون مشغول شويه

شكرالردك بالنيابة يا نايت
و انا فعلا ما قدرش ازود عليك اى حاجة لان ردك جميل فعلا
و اكيد يا زوكا مفيش زعلا لانالنايت قالها
كلنا هنا اخوات

زوكا
ياسمين
ايمى
نايت
ادمن

احييكم بشدة على تصويتكم

ازميراندا
اوبل
ديسبرادو
ممر
رفايلو
نيمو
مونى
مايستريوس
حسام
قاموس الحب


و ياريت ما نكونش نسيت حد
فى تصويتكم
صوتكم اكيد هيفرق مع حد


حبة دعاية :::::::

اللى هيرشحنى له عندى شلن من بتوع الاهرامات

طبعا يا جماعه انا لسه جديد في المنتدى هنا وفعلا كل الاعضاء مميزين ولهم مشاركات جميله بس انا برشح
الاول... admin وده طبعا عشان المواضيع الجميله ده طبعا بعد ما واعدني بشلن مصري مرسوم عليه الاهرامات
الثاني..emy...وده فعلا بسبب المواضيع والاشعار الجميله الي شاركت بيها
الثالث ..ازمراندا فعلا ليها مواضيع جامده...
انا اسف يا جماعه لأني فعلا مقرتش كل المواضيع بس بحكم على الي قريته لحد دلوقتي
:( انا عارف ان انا لسه جديد ومحدش هيرشحني ..بس الجايزه الحقيقيه فعلا ان المنتدى يتقدم واكيد هيتقدم بينا احنا الاعضاء

اما بالنسبه لاحسن موضوع هوا ازاي تظبط اي بنت...ببساطه لأنه الي يعتمد عليه هوا الي هيتظبط

بجد انا مش عارف اقولك ايه يا قاموس الحب بس انت بجد شكلك شخصيه زىى العسل وانا لو اعرف انك عضو مش جديد كنت وعتك انا بربع جنيه مخروم علشان ترشحتى وانا اولى من الادمن على الاقل حدفع اكتر

وعلى العموم تشرفت

يا راجل كنت قول من الاول....لالا بس انا عاوز الشلم المصري الي عليه الاهرامات..لأنه بقى عمله نادره الايام دي

يا جماعه معلش مع احترامى لارائكم انتم نسيتم ياسمين اللى كانت عضوه جديده مع ذلك تفوقت عليا وعلى الادمن اللى اسسنا المنتدى
معلش مش عشان هيا مبتدخلش المنتدى لظروف طارئه يبقىمعنى كده اننا ننسى مجهوداتها
وده رائي ومش عايز حد يناقشنى فيه لانه مجرد رأى
وده طبعا مع احتفاظ ايمى بالصداره لانها الاولى من وجهة نظرى اما الادمن معلش مع احترامى التقدير هنا على اساس المواضيع مش على اساس اى حاجه تانيه انه مثلا ادمن للمنتدى احنا هنا بنتكلم عن المواضيع وبس
ومين اللى كاتب مواضيع كويسه ومش المقصود كويسه بالعدد بس لا المقصود موضيع لاقت اعجاب الناس
وده مجرد توضيح بسيط اما رائى فأنا قلته قبل كده

انا باحترم رايك جدا يا نايت و باقدرة
اما بخصوص ياسمين فكلنا فعلا لاحظنا غيابها الفترة اللى فاتت و ياريت ما تطولش و يكون المانع خير
علشان هى وحشتنا خاااااااااااالص

اما بخصوصى انا
فانت عارف كويس اوى انى خارج من المنافسة كدة كدة
و بردة لازم نقدر شغل ايمى اللى لغاية دلوقتى متصدرة
و بردة ازميرووو اللى بجد شغالة معانا من نار
و النجم اللى بيظهر مرة واحدة فى الاسبوع علشان يشوف طلباتكم ديسبرادو
و اكيد طبعا النايت ال.... و لا بلاش علشان دة حبيبى
ويلا بقىاللى ما اداش صوتة يرشح علشان خلاص اخريوم ع الاربعاء ان شاء الله
وا افكركم انكم ممكن تعدلوا اصواتكم لغاية يوم الاربعاء و ياريت اللى ادانى اى صوت يخلية لواحد تانى يستحقة
اما بخصوص الشلن اياة
فبردة هدية لكل واحد صووت معانا

أنا بعتذر عن غيابي الفترة اللي فاتت بس ده كان خارج عن ارادتي وذلك بسبب انشغالي بتجهيز ات البيت عندنا ومنها طبعا شقتي وبالنسبة للترشيحات أنا بشكر نايت علي ترشيحي بس أنا مستحقش الوسام الشهر ده لاني مكنتش علي المستوي المطلوب وانا برشح :
1 أزميراندا
2 ايمي
3 ياسمين
وللعلم انا مش برشح ازميراندا علشان هيه اختي ولكن علشان فعلا هيه تستحق وده يرجع لرايكم في الاول والاخير .

لا يا ادمن فعلا انت ما نسيتش حد خالص
المهم
ارشح

ازميراندا : اللى عاوزانا نلف العالم و احنا فى مكانا
ايمى : اللى ما بتبطلش مواضيع جميلة ابدا
و ياسمين :
اللى باعتقد انها من الشخصيات الجميلة جدا رغم عدم معرفتى بيها قبل كدة بس احس انها اختى زى كل اخواتى اللى هنا بردة

و الموضوع
موضوع الصداقة بتاع ديسبرادو

انا كنت قلت ان الذهبى لايمى والفضى لياسمين
بس البرونزى انا فعلا اقتنعت ان ازميرندا تستحقه اكتر من ديسبرادو وبقوله مينفعش الكلام ده
انت ملكش اى عذر عشان اختك تاخد منك الوسام ده
طبعا يا ازميرندا انا جاى اهدى النفوس بينك وبين اخوكى :lol:

افهم من دى ايه
غدا و لا عزا
اصل لو غدا ازعل
انما لو عزا فلله الامر من قبل و من بعد و ربنا ...... يخليك ليا

يااااااااااااااااااااااااااااااااااااااااه
اخيرا حد عبرنى شكرا شكرا والله اللى مش حيرشحنى هو حر

بصراحه اولا اسفه جدا عن انشغالي في اليومين اللى فاتوا دول
لانى حسيت انى قصرت فيهم كتير بس اوعدكم ان شاء الله انها
مش حتتكرر
ثانيا انا مش عارفه اقول ايه عن الترشيح بس بجد انا ماكنتش ناويه
ارشح نفسي اوسمه الشهر ده لانى شفت انى ماكنتش موجوده
بالقوة الكافيه لكن لما شفت ترشيحكوا ليا خلانى اتمسك بالوسام
الشهر ده مع وعد منى بالتميز ان شاء الله
وبجد بشكر جدااااااااا كل اللى رشحونى ع الاوسمه
ثالثا حيرتونى كتييييييييييييييييييييير اوى اوي اوى على الاوسمه
وخليتونى اتحول :shock: من كتر التحكيم علشان ماظلمش حد بامانه
بس وصلت ان
1- ازميراندا (لانكوا رشحتونى مش حضيع اصواتكم على الفاضي)
2- ايمى اللى بجد بنت مالهاش حل
3- ياسمين اللى مواضيعها زى العسل
واسفه جدا للاطاله