رجاء الاهتمام من كل الاعضاء

يا جماعة في برنامج اسمه (خدعوك فقالو)
للداعية الشاب /مصطفى حسني
على قناة أقرأ يوم الجمعة من كل اسبوع الساعة الثامنة مساءً

ارجوكو اهتمو بالبرنامج لانه بيناقش قضايا كتيررررررررر اوى فالامة الاسلامية واكتر القضايا دى تهم الشباب

دة ملخص لحلقة من حلقات البرنامج(الحلقة السادسة)

بسبب الانفتاح الاعلامي, انشغال كثير من الاباء و الأمهات أنهم يسمعوا أولادهم و بناتهم و أنهم يفيدوهم بتجاربهم, و ساعات كثير مش بتلاقي أصحاب يسمعوك , و بسبب اختلاط كثير من المفاهيم....
بدأ الشباب والبنات كثيرة تدور علي الحب برة...
بدأ الشباب يدور عليه عند البنات والبنات تدور عليه عند الشباب
و بقيت بنات كثيرة للاسف شايفة و مقتنعة انها عشان تتزوج لازم تصاحب...
و بتنسي انها لما تصاحب حتتحول حياتها من النور الي الظلام...
حتعمل كل حاجة في السر وهي خابفة حد شوفها...
لكنها للأسف مش بتعمل حساب للملك اللي شايفها

لكن يا بنات لما نيجي للجد حنلاقي كل الشباب بيقول:
" انا عمر ي ما أتزوج بنت كانت مصاحبة وعمري ما اتزوج واحدة كنت مصاحبها"

شايفيين يا بنات ..
شايفيين انتم بتعملوا ايه في أنفسكم
اوعوا يا بنات تكونوا جزء من حياة الشباب...

خلينا نقول لكم حاجة : الصحوبية ما هي الا أنانية
لأن الصاحب مش بيحب الا لحظات السعادة اللي بيعشها مع صاحبته
هو لو كان خايف عليكي بجد كان سابك تبعدي عن ربنا؟؟؟مش كان فكر فيكي وفكر في شكلك أمام الله و أمام سيدنا محمد؟؟؟

خلينا نسأل سؤال لو انتي فيكي عيوب واضحة كان صاحبك؟؟؟؟
ما بالك بالله اللي قابلنا و صاحبنا بكل عيوبنا

متخافوش يا بنات خلوا عندكم ثقة بالله تعالي فهو الرزاق والوهاب حيرزقك بزوج من غير صحوبية

و صية أستاذ مصطفي لينا يا جماعة:
مش للبنات بس لكن للاباء والأمهات كمان:
1-اشغلي وقت: بدراستك او بأعمال تطوعية وخيرية أو مع أهلك
2-روحي كلمي صحبك دلوقتي وقولي له كفاية كده أنا مش حعمل حاجة تغضب ربنا تاني
3- و أنتم يا أباءنا و يا أمهاتنا اوعوا تكونوا جزء من مصيبتنا في شبابنا
لو سمحتم متكسلوش عن اولادكم بدل مايروحوا يدوروا علي حضن تاني بره؟
افتحوا لهم أحضانكم و أذانكم

الحلقة القادمة ان شاء الله سيستكمل ا.مصطفي خدعة الحب والصحوبية
و سيخاطب بصفة أكثر الشباب

اولا ..ربنا يجازيكى خير على طرحك للموضوع
تانى حاجة - ده رابط الحلقات من الاولى للخامسة

http://www.mustafahosny.com/mh/block.php?name=Episodes&item_id=7913

ياريت نحاول نتناقش فى المواضيع اللى بيطرحها البرنامج هحاول اتفرج على الحلقات ولينا عودة ان شاء الله للمناقشة وياريت الكل يشارك

جزاك الله خيرا على الرابط دة

جزاكم الله خير

» هل اعبد الله حبا له ام خوفا منه ام رجاء فيه؟
» أختبار نفسى لكل الاعضاء
» عاوزين نعمل قسم خاص بمواهب الاعضاء
» اقتراحات لتطوير المنتدى كل الاعضاء تدخل بسرعه وتقول رأيها