يلا نحجز بسرعه قبل الوقفة..يارب

السلام عليكم ورحمة الله وبركاتة
اية رأيكم نعمل ختمة قرآن كلنا سوا مع بعض انا اشتركت قبل كدة كذا مرة على النت
ازااااااااااى ؟؟
هاقولكم ازاى بصواااااا المصحف 30 جزء كل واحد بيختار اجزاء منة حتى لو جزء واحد بس كل واحد ومقدرتة وظروف وقتة وطبعا ايام امتحانات فلكل مش فاضى بس لو جزء واحد مش هيفرق فى الوقت :) وياخد ثواب ختم مصحف ان شاء الله والاعمال بالنيات يعنى مثلا ازميراندا الجزء 12 والياس 20 و 21وادمن 3 وهكذا المهم نوصل اننا كل واحد اختار جزء ... فهمتم قصدى ؟؟
وبعد كدة نقول مثلا قدامنا مدة معينة كل واحد يخلص فيها الواجب اللى اختارة لنفسة من الاجزاء واللى يخلص الاجزاء بتاعتة يقرا دعاء ختم المصحف وان شاء الله ناخد ثواب ختم المصحف او مش متأكدة من الثواب كفاية ثواب الجماعه اننا اتجمعنا على ختم المصحف
احنا لية بنقرا دعاء الختم لاننا المفروض قسمناه وواخدين نية اننا بنختمة سوا :) اما لو السؤال مثلا لو انا اساسا بقرأ فى المصحف كل يوم والدور على اجزاء معينة ينفع تكون بنية الختمه معانا وبنية ختمتك انت فايوة تنفع ان شاء الله
تخيلوا ختمة مصحف واحد من دمنهور وواحدة من اسكندرية وواحد من ومن ومن متخيلين حلاوة الاحساس دة :)
نفسى نجمعها قبل يوم الوقفة وكلنا يوم الوقفة نقرا دعاء ختم القرآن وندعى لبعضنا لان الدعاء يومها ان شاء الله مستجاب
لو مقدرناش لا قدر الله نفضل نجمعها برضة لغاية ماتكمل ان شاء الله
انا عندى استعداد اشيل النص التانى من المصحف كلة بس ان شاء الله تكمل قبل الوقفة ياااااااااااااااارب
يلااااااااااااااااااااااااااااااااااااااااااا مين اول واحد هيحجز

جميلللللللللة اوى الفكرة دى
لكن بردة اللى ربنا يقدرة يكمل
بس هو صح اننا نقرا القران يوم الوقفة و ننزل بليل لغاية الصبح
و لا ايه يا نايت و لا يا اوبل
هنعمل ايه ؟؟؟؟؟؟؟؟
بس هنعمل اللى علينا بردة بالنية ان شاء الله
انا هاخد الجزئين الاول والتانى ان شاء الله

خدونى معاكم يا جماعه
وانا هاخد من التالت لحد السابع

يا رب نتجمع دايما على الخير

جزاك الله كل خير على الفكره الحلوه دى يا سابرينا
انا هبتدى من دلوقتى

كل سنه وانتم طيبين

اقتباس :

وانا هاخد من التالت لحد السابع

ما شاء الله
بجد انتى كدة هتعملى نوع من المنافسة الجميلة جدااا
الله ينور عليكى

فكره حلوع قوى يا سابى
ومفيده جدا ربنا يجزيكى خيرا عليها
وانا مش هرجه كلامك
زى ما انتى قلتى
انا ان شاء الله
هاخد الجزئين 20 و21

ياطماعه ياسابي اللهم لاحسد بحقدك والله
خدتى حسنات كتار كتار كتار
ادينا حبه عيديه بقا

30وياستى انا خدونى معاكوا نظرا لظروف الاشغال الشاقه و شغل المؤبد حاخد من 27 حتى
بس والله ياسابي الله ينور عليكى
فكرة جميله جدا

ربنا مايحرمنيش منكم كلكم وياربدايما متجمعين فى كل حاجة حلوة
اية رأيكم بعد اذن الادمن نعمل خاتمة ثابتة ونعلمها مثلا كل اسبوع كل اتنين لو حتى كل شهر
اما ياادمن عن قرآن بالنهار وخروج باليل امممممممم دى نقرة ودى نقرة ياادمن وربنا يقدرك تخلى حتى الخروج باليل بنية خير
ربنا يجعلك دايما من السباقين بالخير يااااااااااارب دايما من الاوائل دنيا واخرة
نورتينى ياهانا وربنا يكرمك
الياس انتى ياعينى حجزتى اجبارى معلش :) ربنا يعزك
ياازميراندا ياحقودية الله يسامحك الخير لينا كلنا يارب
وجزاكم الله خير الدنيا والاخرة يارب
كدة
1_2 ادمن
3_4_5_6_7 هانا
20_21 الياس
27_28_29_30 ازميرندا
17_18_19_22_23_24_25_26 سابرينا


الباقى
8_9_10_11_12_13_14_15_16
يلاااااااااااااا الهمة يارجااااااااااااالة ويابناااااااااااااات

احجزوا 12 لرفايلوو علشان
قال ايه
بتذاكر

انا حقرا 13 و14 و15
بس ادعو انى افضى اقراهم

جزاااااااااااااااااااااااااااااااااكم الله خييييييييييييييييييييييييييير الدنيا والاخرة
تعرفوا خايفة ادخل من الصبح الاقى لسة متحجزوش :(:( بس الحمد لله ربنا يكرمكم ويعزكم ويغفر لكم :) ويفرح قلوبكم كلكم زى مافرحتونى النهاردة .. الحمد لله
منورنا يانونة اية الدخلة الجامدة دى :) من 2 ل5 واول مرة تشتركى ربنا يجعل المنتدى والختمة وش الخير عليكى يارب :)دة بدا بطاعه
رفايلو ماااااشى خليها تذاكر ومتغضبش قلبى عليها كفاية جزء المرة دى :)
ربنا يعينك يانايت يارب وان شاء الله هتقراهم قبل الكل كمان فارس المنتدى مش هيقدر يقطع الوقت قبل مايقطعه :) ادها وادود
1_2 ادمن
3_4_5_6_7 هانا
8-9-10-11 نونه
12 رفايلو
13_14_15 نايت
16 نونه
17_18_19 سابرينا
20_21 الياس
22_23_24_25_26 سابرينا
27_28_29_30 ازميرندا
تمت بحمد الله :):):)
الف حمد والف شكر ليك يارب ...... يارب اللهم كما جمعتنا للقرآن فى الدنيا فجمعنا فى الجنة اللهم ارزقنا الشهادة وحسن الخاتمة والصلاة فى الحرمين اللهم اجعلها لنا مغنما ولا تجعلها مغرما
اللهم نور قلوبنا وزين اخلاقنا بالقرآن ونجنا من النار بالقرآن وادخلنا فى الجنة بالقرآن اللهم اجعل القرآن لنا فى الدنيا قرينا وفى القبر مؤنسا وعلى الصراط نورا وفى الجنة رفيقا ومن النار سترا وحجابا وللخيرات دليلا فاكتبنا على التمام وارزقنا اداؤة بالقلب واللسان وحب الخير والسعده والبشارة من الايمان
وصلى الله تعالى على خير خلقة محمد وآلة وصحبة اجمعين وسلم تسليما كثيرا

و الله عمرى ما شفت و لا سمعت
عن شباب بيعملوا اللى انتم بتعملوة دة
الله ينور عليكم
انا مش عارفة اسجل لكم اعجابى بوحدتكم دى و ترابطكم دة ازاى
و يارب يحمينا من الحسد و نفضل زى ما احنا كدة على طول
و الله انا نفسى بجد اكون نشيطة كدة و زيكم
بس والله و الله مش بمزاجى
ان شاء الله فى الاجازة هتعرفونى اكتر و اكتر
وربنا يشركنا معاكم بالقدر اللى نقدر عليه
سابرينا انتى عسل اوى
ليكى اقتراحات غريبة بس جميلللة جدااا
ربنا يوفقكك يا اختى لكل اللى انتى عاوزاة
انتى وكل الناس اللى معانا هنا
امين يارب

ان شاء الله يوم الجمعه ساعه الصلاة هنبخر بعين لعفريت كتكووووووووووووووووت
يااميرة المهندسين شيدى حيلك انتى بس هااااااااااااانت مستنينك:)بالشهادة الكبيرة :)
(وش مكسوف) الله يخليكى عسل دة على اعتبار ماما النحلة زينة ههههههههههههههههههه ماشى هاقولها :P
انا اقترحت قبل كدة :scratch: اممممممم مش فاكر فكرتينى اروح اقترح فى الصندوق
اللهم امين
ناترينك :)

الحمد لله
اتميت اللى عليا
الحمد لله
ان شا الله الكل يكون اتم الى عليه تمام

والله وانا كمان
الحمد لله
جزاكى الله عنا كل خير
وكل خاتمه وانتم متحابين فى الله

وانا الحمد لله خلصت قبل الوقفة بيوم :) حبستنى يومها لغاية مااخلصهم
اية رأيكم .....
بس متضربوش
تيجوا نعمل واحدة جديدة بس مش هتبقى بسرعه كدة فى يومين انما حددوا انتم الوقت يلااااااااا بقة :)
يعنى مثلا فى اسبوع او اتنين براحتكم عشان طبعا ظروف الامتحانات منتظرة ردكم :)