ما هى التربيه الصحيحه فى الاسلام؟

انا هتكلم على التربيه فى الاسلام من منطلق قصه حقيقيه من واقع الحياه شاب فى مثل سننا سالته فى يوم وهو فى قمه الحزن مالك ايه اللى مضايقك فوجئت ببركان من الدموع والالم هديته وطلبت منه انه يحكى هو متدين جدا وعلى خلق ومصلى فروضه فى المسجد والفجر حاضر يعنى من الاخر شاب ملتزم .قالى ان والدته بتفرض رايها عليه وكانه لسه طفل ولو ناقشها فى شىء تغضب منه وتتجنبه فيضطر انه يصالحها بعد معاناه ويحاول يرضيها مع ثقته انها غلط بس علشان هى امه ورضاها من رضا ربناويهرب منها فى كتبه وقراءته قلت له طيب ما تتكلم معاها وتحاول تفهمهاكان رده ان اللى فى دماغها هو الصح حتى تفكيره اعلى من تفكيرها مش هتقدر توصل لعقليته وفهمه بس الموضوع ده تعبه نفسيا جدا ومخليه مش طايق البيت بيحاول يقضى معظم وقته فى الخارج او فى اوضته مع كتبه تفتكروا الاسلام طلب مننا كده اننا نلغى عقول اولادنا او رايهم؟هل كل منا فى الكبر ممكن يشكل ازمه نفسيه لاولاده ويخليهم مش طايقين البيت؟ايه هى لغه الحوار اللى المفروض تكون بين الاباء والابناءبدون ما نغضب ربنا؟انا عارفه ان الاسلام برىء من اى تهمه لاننا لو عارفين حدود دينا وواجباتنا تجاه ربنا واولادنا مش هيحصل كده مش معنى انه ابن وحيد ان الام او الاب هما اللى يلغوا عقله وتفكيره ويختاروا له حياته انا طلبت منه انه يرضيها ويحسسها انه بيعمل اللى هى بتقول عليه وفى نفس الوقت يعمل اللى هو شايفه صح فى حياته ومستقبله يا ريت كل ام تعرف ان اى زوجه محتاجه راجل يكون سندها وحمايتها فى الحياه بعد ربنامش اى مشكله يروح يتشاور مع امه لايجاد الحل انتم ايه رايكم؟ما هى التربيه السليمه فى الاسلام علشان يطلع جيل قوى زى خالد بن الوليد وعمرو بن العاص وغيرهمصدقونى احنا محتاجين نجاوب على نفسنا قبل ما نكون فى مثل هذا الموقف