ساعه فراقنا

الو ازيك عامل ايه؟ .............(الو ازيك انتى ايه اخبارك)

الحمد لله كويس انك لسه فاكر صوتى كنت متخيلة انك نسيته ..........لا
طبعا انتى عارفه مقدرش انسى صوتك .........(طب الحمد لله)........هاه
والفرح امته ان شاء الله ............. كمان 4 ايام ان شاء الله.....

طب الحمد لله وربرنا يتمم بخير......(وانت ايه الجديد فى
حياتك).........عادى مفيش نفس الحياة مش ناقصه حاجه عندى غير حاجه واحده
بس .........(ايه هيا؟)

............ناقصه حياه ...(يعنى ايه مش فاهمه) ...ولا حاجه خلاص
..............(لابدج فهمنى تقصد ايه؟ فى حاجه حصلت ؟) .........انا اقصد
ان من ساعه فراقنا وانا ضاعت منى الحياة وبقت حياتى من غير حياة..(احمد
ارجوك سامحنى) ........يابنتى انا لازم اسامحك انا عارف انه غصب عنك كل
اللى حصل ......والفرح حتعمليه فين؟؟؟؟..............(احمد مش حقدر اجاوب)
....... ليه بس؟ .........(معلش اعفينى من الجواب) .........طيب براحتك طب
الشقه فين طيب..............(احد انا مش عاايزه اقول معلش ) ..طب ليه ؟
ايه اللى فيها يعنى؟؟؟ ........(احمد انت بتسأل ليه؟؟؟) هو ايه اللى
ليهعشان انا عايز اطمن علي مستقبلك.......(لااطمن مفيش مستقبل
اصلا).....نعم ازاى ؟؟ ......(بكلمك بجد من ساعة فراقنا والمستقبل راح
مفضلش غير الماضى هو اللى بعيش عليه ؛ بسانت ازاى عايز تطمن عليا بعد اللى
حصل ) ........... وهو اللى حصل يمنعنى انى اطمن عليكى واتمنى الفرح
ليكى............( احمد انت تتمنى لى الفرح حتى لو كان مع انسان غيرك
!!!!!؟) ......... طبعا طالما انك مبسوطه يبقى لازم اكون مبسوط
........(احمد انا حساك غريب).....

غريب !! غريب ازاى يعنى ؟! ... (معرفش حاسه ان فيك حاجه غريبه كلامك غريب
رد فعلك غريب مش عارفه بأه حاجه غريبه وخلاص )................ اقولك ايه
الغريب الموقف نفسه لما يبقى جواكى شعور بالرح والحزن مع بعض حتفهمى لما
يبقى جواكى شعور بالموت رغم ان لسه جواطى حياة حتفهمى ...............( طب
موضوع تحس بالموت ده فهمته لكن اللى مش فهماه انت حزين ازاى ومبسوط ازاى
فى نفس الوقت طب حزين عشان فراقنا لكن مبسوط ليه؟؟!!) ...مبسوط عشان حبيبه
قلبى حتتجوز ويكون ليها مملكه هى المسئوله عنها حتى لو كانت المملكه دى مش
بتاعتى بس برضه لازم افرح عشانها انا دلوقتى عامل زاى الام اللى فرحانه
عشان بنتها حتتجوز لكنها زعلانه عشان بنتها الوحيده حتسيبها وتتنقل لمكان
تانى بعيد عنها يمكن ده تشبيه غريب لكن ده اقرب وصف





*** وهنا يبكى احمد ويحتقن صوته داخل حنجرته فلا يخرج الكلام الا كخروج
السهم من قلب فريسته ولكن سرعان ما يتدارك احمد نفسه حتى لا تحس هى ببكائه
فيجب ان يحافظ على نظرتها له على انه الفارس الذى لايقهر ولا ينهزم ولا
يبكى ابدا فيستمحيها عذرا بأن يتركها دقيقه وحينما رجع سألته الأتى****:





(ايه ياحمد مالك؟؟) .........مفيش حاجه ايه فى ايه مش فاهم ؟........ (
انت رحت فين) .......عادى يعنى رحت الاوضه التانيه ............ ( بتعمل
ايه فيها ؟؟) .كنت بجيب حاجه بس من هناك اشمعنه يعنى بتسألى
ليه؟؟؟.............( فاكر ياحمد لما كنا كل واحد مننا فى مكان ومع ذلك
كنا بنفهم وبنحس وبنعمل زاى بعض فى كل حاجه وفى نفس الوقت )........ز اه
طبعا فاكر لدرجه ان كل ما اقول احد ان ده كان بيحصل بينا مكنش يصدق واذا
صدق كان يقولى امال ازاى قدرت تسيبك ؟............( احمد انت عارف انه غصب
عنى واللهى ) ........... اولا انا مصدق انه غصب عنك ثانيا معدتش تفرق اذا
كان غصب عنك ولا برضاكى ن ساعه فراقنا بقى كل شئ واحد ........ (احمد انت
بجد مسامحنى ) ........اه واللهى مسامحك هو انا لو مش مسامحك كنت حتمنالك
الخير؟ .......... ( احمد انت طيب اوى ) ........... وهيا دى المشكله انى
طيب اوى ........ ( احمد ........ انا بحــ..........) - مقاطعا - متقوليش
مش من حقك انك تكمليها رغم ان نفسى انك تقوليها بس انا كمان مش من حقى انى
اسمعها بس صدقينى انا حاسس بيها ......... (احمد ممكن اطلب طلب منك ؟)
........ انتى بتسألى الاول قببل ما تطلبى انتى تأمرينى على طول
......(احمد ممكن ابقى اتصل اطمن عليك واكلمك ؟) ..........**** سكت احمد
مقدرش يتكلم مبقاش عارف يخليها تتصل بيه و يطمنوا على بعض ولا يخليها
تحافظ على شعور الانسان التانى اللى هو حيبقى جوزها احمد احتار نفسه يسمع
صوتها لمجرد انه يطمن عليها وفى نفس الوقت ضميره بيمنعه من كده عشان جوزها






انتم رأيكم ايه ؟؟؟؟؟؟ وهنا يحتار احمد والمؤلف معا فى الاجابه على السؤال ويترككم انت للاجابه حتى يستطيع ان يكمل المؤلف القصه

:D





انتظروا الحلقه القادمه

هى دى فعلا شخصيه البطله الانانيه والصفه التانيه حتبان لما اشوف بقيت الردود عشان على اساسها اكتب الحلقه التانيه