ممكن اغنيه تامر اول حب فى عمرى

بجد الاغنيه حميله
ميرسى لخدماتك بجد
ممكن اغنيه تامر
اول حب فى عمرى

طبعا ممكن بس هيا الاغنيه لتامر حسني ولا تامر عاشور..وهيا جديده اوي ولا قديمه

تم نقل طلبك لموضوع منفصل
اكيد هتلاقى حد يرد عليه

ايوه يا ادمن بس كده مش معروف الشكر ده لأغنيه ايه!!!

امال بس عمال تقول بنلبى طلب الاعضاء
خلاص مش عايزه منك حاجه
الله الغنى يا عم

اتهيألي هانا مش تقصدي انا لأن مش انا المشرف هنا..وبعدين انا استغربت نص الموضوع...وخصوصا ان مسمعتش عن الاغنيه دي اه يمكن يكون موجوده الكلمات دي في الاغنيه..وانا اكيد مش حافظ كل اغانيه..على العموم اطلبوا اي اغنيه وهتكون عندكم ان شاء الله :D

هانا اكيد متقصدش تغلط فى المشرف او تزعق له
عشان المشرف راجل طيب واتقى شر الحليم اذا غضب
وده طبعا مش تهديد
بس كويس ان بلاك تيجر جاب الاغنيه بصراحه وفر على انى ادور عليها

هو فى ايه يا جماعة
انا مش فاهم فى ايه
هنا كتبت رد على موضوع تانى طلبت فيه الاغنية دى
فصلت الرد عن الموضوع و خليتة موضوع منفصل للتسهيل عليها
بلاك تايجر تفضل بتوفير الطلب و دة لانه شخصية متميزة جداا معانا هنا
و دة شئ لا يقلل من قاموس و لا النايت فى حاجة
اكيدكان اى واحد عارف الاغنية كان ممكن يوفرها انا او النايت او قاموس او ديسبرادو
لكن الاسرع طبعا كان بلاك تايجر
باشكرك للمرة التانية
كدة الموضوع انتهى
اغنية حلوة احييكى على ذوقك يا هنا
و ااالى عاوز يمسك مشرف يقولى طالما انه متميز و المتميزين عندنا كتييييييييييير

انا بعتذر ليكم كلكم
انتم فهمتونى غلط
انا بقدم شكر لادمن على اغنيه تامر حسنى حبيبتك
كده الشكر وضح بالنسبه لقاموس الحب
انا مش قللت من نايت ولا ادمن فى شىء
بالعكس يا جماعه
كل الموضوع انى بحب المناغشه
يظهر انى تقلت شويه
انا بعتذر مره تانيه
شكرا ليكم ويا رب مكنش عضوه تقيله عليكم
شكرا ليك يا تايجر على الاغنيه
وصدقنى يا ادمن انا بحترمكم كلكم وبحترم كل كلمه بتتكتب
بس انا بغلس مش اكتر
ومعتقدش ان فيه حد ينفع للاشراف غيرك لانك متميز اكتر من اى حد
ونايت انا بشكرك لدفاعك عنى بس والله انا مش اقصد
وممكن انسحب بدون زعل
شكرا لاستضافتى فى المنتدى

انا عارف ان كل ده هزار وبعدين انا بس كنت مستغرب من الرد لأني فعلا مكنتش عارف ده رد على موضوع ايه.. لان الموضوع كان في الاغني وفجأه اتنقل الى طلبات الاغاني عشان كده استغربت من تايجر لأن بيتكلم وكأن ردك كان موجه ليا...وبعدين كلنا عارفين المناغشات والحاجات دي وخصوصا نايت لأنه ملك المناغشات والحركات.. ودي حاجه متزعلش بالعكس دي بتدي البهجه لأي موضوع مادام كل موضوع واخد حقه

انا معاك فى كلامك يا قاومس
و مناغشتك لينا زى العسل على قلبنا كلنا
و انتى عرفة كدة كويس خصوصا من حوارات الموضوع البطاقة
انا فعلا مستغرب من كل واحد بيزعل من اقل كلمة
احنا هنا فى منتدى بنحاول هنصلح فيع عيوبنا اللى شايفنها بردة
فياريتان رووح كل واحد لو ضيقة يوسعها شوية
و لو واسعة يخليها اوسع كمان
و صدوركم تبقى رحبة للكل
و لا ضرر من بعض الهزار او المناغشة مع بعض طالما مافيهاش اى اساءة او تجريح
و دى فرصة نعلن بداية جديدة لينا كلنا مع بعض
من اول عضو اللى هو انا
الى اخر الاعضاء مودى
و اللى زعلان من التانى فى النص يسامحة
يمكن كلنا مش عارفين بعض قبل كدة
بس بجد انا حسيت ان انا اعرفكم كلكم
و مش اى معرفة كمان معرفة اسال الله ان يديمها
بلا انسحاب يا هنا و لا اى عضو حاسس انه متضايق من موقف
و لا اندفاع من البعض فى الردود
ممكن يزعل حد دة اكيد بس
انت ممكن تكسب اى حد ببساطة لو استخدمت الاسلوب الناجح معاة
و مااعتقدش ان الاندفاع فى الردود او التعبيرات الغير سليمة هيحلاىمشكلة
و خلباص على كدة ياريت بقى محدش يقف لاى حد ع الواحدة او بمعنى اصح يتسلأ له
فوتوا بقى انتم اكبر من الكلام الفاضى دة
ربنا يعلم قد ايه انا مشغوووووووووووووووول جدا
بسبب ظروف الدراسة
بس مقدرش اشوفكم كدة و افضل ساكت

ياجماعه الموضوع كله سوء تفاهم
[quote]و ااالى عاوز يمسك مشرف يقولى طالما انه متميز و المتميزين عندنا كتييييييييييي[quote]
الادمن لما قال كده ميقصدش انه ينسحب ويخلى حد مكانه لا المقصود ان المنتدى فى اقسام كتير ولكل مجتهد نصيب بمعنى ان اى حد متميز معانا لازم يكون مشرف على قسم معين
بس بشرط التميز
انتى اللى فهمتى غلط ياهانا وطبعا واضح من الردود اننا بنطالب بعدم انسحابك من المنتدى
اما بلاك تايجر فانا بشكرك عشان انت جبت الاغنيه وعشان تفهمنى القسم ده اى حد عايز اغنيه لازم اى عضو يقدر يجبها مش شرط المشرف
المشرف مش دوره انه يدور على الاغانى بتاعت الاعضاء لا المشرف دوره مراقبه المواضيع عشان لو حصل اى خطا من اى عضو يقدر المشرف ده تعديل او الغاء الموضوع لكن اى حد يرد ويجيب الاغانى المطلوبه واعتقد ان القسم ده بيميز المنتدى بتاعنا وياريت نحافظ على صداقتنا دايما
وياريت يكون سوء التفاهم ده اتشال ونرجع نصفى لبعض زاى الاول

أنا مش شايف داعي لكل الكلام اللى اتكتب ده مفيش مشكلة حصلت اصلا ولا حد طلب انه يبقى مشرف لأى قسم اساس الواحد مش فاضى للاشراف الله يكون فى عونك

وليه ياهنا الانسحاب الكل عارف انك بتحبى الهزار من طريقة كلامك وردودك
طلب منك ياأدمن ياريت الموضوع ده يتحذف خالص عشان الكلام ده واى طلب حد يطلبه اللى يقدر يجيبه يجيبه وبرضه المشرف نايت زى ماهو والجميع يساعده ( عد الجمايل
انا عارف انى اكبر منكم فى السن كلكم من 21 ل 23 بس حسيت انكم شباب كويس ممكن يتصاحب واتعلم منهم حاجة جديدة وبعد إذنهم ممكن اعلمهم حاجة جديدة يلا أرجعوا زى ما كنتم

ماشى ياهانا

انا مش حلغى الموضوع نفسه انا حخليه عشان كلنا نتعلم منه لكن لو انتم شايفين حاجه تانيه يبقى خلاص لازم نلغيه

فيه ايه يا جماعه ما كانتش اغنيه اتطلبت ايه اللى حصل كلكوا افشتوا مره واحده كده ليه اكيد المنتدى اتحسد عايزين نبخر المنتدى كلنا وهانا اتنا اعرف اتصرف معاها الموضوع كله انا مش شايف فيه اى حاجه تزعل على العموم ما حصلش حاجه سوء تفاهم مش اكتر
مع انى مش شايف فيها حاجه خالص يعنى انا اسيبكوا يومين تعملوا كده عاملين كده ينفع الكلام ده؟؟؟؟؟؟؟ :?: :?: :?:

الفرعون العاشق