قالولي بتحب مصر..سؤال الكل لازم يجاوبه؟؟

طبعااااااااااا فى فرق بين الاتين اكتوبر والماتش
انا بنقلك كلام سمعتة وهما شبوها هنا الفرحة بالنصر مش شافوها كدة
شبوها فرحتنا القوووووى دى وفرحة العرب معانا وباننا من زمان مشتركناش فى فرحة من يوم اكتوبر
دة المقصود طبعا
امسك حاجة حمرا عشان انا قلت نفس الكلمة ايامها اننا من كتر الحزن نفسنا نفرح حتى لو بماتش
والله انا فضلت اسبوع كامل من يوم الماتش لغاية مالعملية هدت فى التلفزيون مش ببطل بكا على الناس
عارف لما تحس ان الفرحة دى يعادلها ويزيد حزن جوانا ... عارف لما تشوف ناس فرحانة قوى وناسية حزنها ولو للحظة
عارف لما تشوف فرحة فى عنينا الناس والاطفال والكبار والشباب فرحة تفرح
لما تلاقى الناس لاول مرة ليها هدف حتى لو كان ماتش الناس عايزة حاجة تعيش لها تنسى همها بيه
مش عارف اقولك حسيت باية بس كل اللى اقوله انى فعلا طول الاسبوع ببكى قدام التلفزيون
ومتتضحكوش عليا بس فعلا دة اللى حصل (وش مكسوف)
ماهى لازم الحكومة تاخد حق الفرحة من قوت الغلابة زى مابيقولوا حسبى الله ونعم الوكيل
يااااااااااااااعم تايجر بدل مش عارف بتحبها لية من الاول اعترف لينا مش تبهدلنا كدة
وارجع واقولك
قالوا لى بتحب مصر اخدنى صمت طويل
وجت فى بالى ابتسامة انتهت بعويل
(وش متصعبن على حالنا)

كما اتعودت من رددوك اروع واوجز بس فعلا الواحد كان بيتفرج على التلفزيون ويلاقى ده فرحان وده فرحان واشي تكريم هنا واشي تكريم هناك
يلاقى نفسه قاعد بيقول فى ايه ياناس فوقوا ده ماتش كورة بس مين الناس عايزة تفرح حتى لو كانت فرحة كدابة بتاخد منهم من عمرهم
وتبصى الناحية التانية مش بعيد فى غزة ناس بتموت وبتضرب وبتتعذب والدول العربية بتبارك على الانجاز التاريخى تاريخى ايه ياناس ما ايه يعنى المرة السادسة ولا العشرمية دى كورة
انما الناس اللى بتموت دى فييييييييييييين
على راى كاظم اه ياعرب
على فكرة انا من الاول قايل انى مش عارف بحبها ليه بس الكلام خد طريق تانى طريق غير اللى كنت بقوله
اسمعى اغنية الضمير العربى وشوفى المعاناة بالصور

ليه يا أمى ولادك باعوكى
وليه يا أمى أخواتك هانوكى

وليه كل ما أقول إسمك يضحكوا
وبعد ما رفعتيهم هما نزلوكى

وقبل ماتموتى فى التراب دفنوكى

كأنك روحتى بعيد ونسيتى ترجعى
طب هقولك حاجه وإسمعى
وياريت تمسحى دموعك وما تدمعى

أنا يا أمى فى لحظه نسيتك
ولما جم يبيعوا ما إشتريتك

لأنك فى يوم دمعى نسيتى تحضنينى
وظلمتك يا أمى وكويتك

بس أدينى رجعت تانى ليكى
وبوست تراب بيتك

لأن الحضن ليكى مش ليا أنا
لأنك مجروحه ومهزومه
والكل نسيكى زى ما نسيتك

قريت فى عيون الصبايا تاريخك
وفى عيون الشباب قريتك

كام جرح لينا وإنت دويتيه
ولما إنجرحتى زودت جرحك وما دويتك

آسف يا أمى أصلك ومجدك نسيته
وزى ما بعتك زمان دلوقتى إشتريتك

وبرفع إسمك فوق كل مقام
مصر إنتى .. مصر إنتى
غنوه وأنا غنيتك

بحبك يا مصر
يا ام كل عصر
لحن خالد فى التاريخ
يا أميره وتاجك قصر

انا مش عارف انت اتعودت من ردودى اية يا تايجر بس ماعلينا
انا داخل اتخانق معاك مش حرام عليك تقولى اتفرجى على الضمير العربى وشوفية كمااااااااااااااااااان
الله يسامحك بجد انا كنت مستنياه بفارغ الصبر وانت لما قلت لى تحمست كمان ...
قووووووووووم
تعمل فيا كدة يا تايجر
شفت امبارح حتة منة ....ومقدرتش اكمل بجد والله ماكلمت كوبليهين تقريبا ...
حسبى الله ونعم الوكيل حسبى الله ونعم الوكيل حسبى الله ونعم الوكيل
مش تقلق مش فيك انت في اللى بيعملوا فينا كدة وفى الحكومات اللى ساكتة على اللى بيحصل
اللهم انى مغلوب فانتصر اللهم انى مغلوب فانتصر اللهم انى مغلوب فانتصر

انا جاى اتأسف النهاردة (وش مكسوف)
شفت الضمير العربى كامل مرتين ... هى بس الطلعه الاولى اللى كانت صعبة قوى عليا
رائع فوق الرائع بجد
تخيل ان فى مغنين وممثلين خافوا يظهروا فية وفيهم ناس موافقتش الا لما ياخدوا فلوس تخيل
وفى حاولوا يدفعوا فلوس عشان يغنوا فية
200 ساعه اختصروهم فى الساعه الا ربع دى واخد 5000 ساعه مونتاج واتعمل فى اكتر من سنة ونص
رائع فعلا عمل فنى فوق الممتاز فعلا فيلم وثائقى مش مجرد اوبريت
بجد الواحد مش عارف يوصف احمد العريان دة باية !! كفاية الحلم العربى والضمير العربى هو وكل اللى شاركوا
على الاقل هما قالوا كلمتهم .. حتى لو بالغنا احنا بقا قلنا ايييييييية ؟؟!!!

فعلا فيلم وثائقى بس مش وثيقة حرب وثيقة لضمير امة بتتهان بتتذل مع انها خير امة
حقيقى الكليب في شغل جاامد بس فى نقطة ويمكن سؤال وصلنا ايه جوانا وصل للشعوب العربية ايه اعتبرو الكليب مجرد فانتازى يتفرجوا عليها مادة لجذب الانتباه ولا مادة لتتغيير مصير
الكليب ده عمل خناقة بينى وبين واحد زميلى فى الشغل بعد مااتفرجنا عليه التعليقات بدأت في اللى أستاء من المناظر اللى فى الكليب الاطفال اللى بتموت
الراجل اللى بيبكى على ابنه اللى مقدرش يلحقه وهو بيموت
عموما احزن حاجة بالنسبالى الراجل لما بيبكى بكاء الراجل صعــــــــــــــــــــــــــــــــــــــب قلة الحيلة مع الانهزام مع الصدمة شي صعب
الراى المخالف دول ناس بيمثلوا يعنى عمل درامى وخلاص اللى عايز يحارب يروح يحارب قدامكم الطريق مفتوح يمكن عشان شغلته السابقة فى وظيفة عسكرية هو اللى خلاه يقول كده
لكن انا شايف ان الراى الاول اصدق صحيح ان التعاطف مش هيوصلنا لحاجة بس ممكن التعاطف يغير مننا يغير من انقسام الشعب العربى اللى اخر مرة كون فيها جيش عربى موحد كان 48 وكان برضه عشان فلسطين
يغير مننا فى ضمايرنا الضماير اللى ماتت اللى بقى همها اللقمة والزيت
الله اعلم عموما أن الله لايغير ما بقوم حتى يغيروا ما بأنفسهم

» نكت جامده جداااااااااااااااا لازم الكل يقرأها
» لعبه جامده موت الكل لازم يلعبها
» قصه من ثلاث كلمات يله الكل لازم يشاارك معانااااااا
» سؤال والإجابة لازم تكون بكل صراحة
» بطاقه شخصيه جديده ......اجباري الكل لازم يطلعها