طاطي راسك طاطي وطاطي انت ف بلد ديمقراطي

في واحد كده معرفوش...وبكررها معرفوش في احدى الدول الاسيويه كتب الشعر ده...ياريت تقولولي رأيكم فيه..ده طلبه هوا طبعا..وانا مليش دعوه بيه :D
طاطي راسك طاطي طــــاطي


انت ف وطن ديمقراطـــــــي


انت بتنـــعــــم بالحــــــــــرية


بس بشرط تكون مطاطــــــي


لما تكون شغــال بذمــــــــــة


خايف على مصــلحة الأمــة


شغلك يطلع من غير لازمــة


علشان مبيعلاش غير واطي


طاطي راسك طاطي طاطـــي


انت ف وطن ديمـــــقراطي


لما حاميها يكون حراميــها


وبلاده ورا ضهره رامـيـها


طالع نازل واكل فيـــــــــها


مسنود بالبدلة الظباطــــي


طاطي راسك طاطي طاطـــي


انت ف وطن ديمـــــقراطي


لما شــقاك يصــبح مش ليك


فقرك سد السكة علــــــــــيك


تتلفّت تلــــقى حـــوالـــــــيك


إما حرامي و إما عقــــاطي


طاطي راسك طاطي طاطــــي


انت ف وطن ديمقراطـــــــي


لماتلاقي بـــــلاد الـدنـيـــــــا


فيها البني آدم حــــاجة تانية


وانت في الطبقات الـــــــدنيا


قرد مسلسل أو وطواطــــي


طاطي راسك طاطي طاطـــي


انت ف وطن ديمقراطــــــي


لما الجهلة يبــــــقوا أمــامــك


أو فوقك ماسكــين ف زمامك


ويسوقك ع الهــلكة إمامك


تشرب م السم السقـــــراطي


طاطي راسك طاطــــي طاطي


انت ف وطن ديمقـــــــراطي


لمــــا الكلـــمة تكون بتدينـك


لما تخبي ف قلـــــــبك دينــك


لما الذل أشوفه ف عيـــــــنك


هات إحباطك على إحباطــــي


طاطي راسك طاطي طاطـــي


انت ف وطن ديمقراطــــــي


انت ف وطن ديمقراطـــــــي
مع تحيات واحد معرفوش :D

ههههههههههههههه
وطن ديقراطى
فعلا الكلمه دى بقت كانك بتقول نكته
او بتقلس على حاجه

ِشكرا على موضعك الحلو دةيا قاموس
و لكن موضوعك مكرر
اشكرك مرة تانية

الحمد لله انه مكرر..كده الحمد لله دليل على اني مليش علاقه بيه اطلاقا..والا كنت هنتظر منكم عيش وحلاوه كل اسبوع...

حتى لو الموضوع متكرر فشكرا لمجهودك
ليه بتحبطه يا ادمن خليك ديمقراطى

انااااااااااا
دة انا قمة الديمقراطيه
انا مش بحبطة
الموضوع فعلا مكرر تحت عنونان قصيدة لاحمد فؤاد نجم
و اللى كاتبة ديسبرادو

ماشى يا عم والنبى ما تزعل
حقك عليه
مش بقلك انا ايه؟؟؟؟؟؟؟؟؟؟

يا جماعه ربنا ميجبش احباط عادي والله انا ممكن بجد ازعل لو موضوعي متكرر ومتمسحش..لأني فعلا ارفض التكرار...انا ازعل بجد لو كان موضوعي انا ومحدش عجبه الموضوع..او كان موضوع دون المستوى انما مادام منقول فدي مسأله وجه نظر ومتمسنيش بحاجه بالعكس لأن مش انا الي مألفها