احفظ لسانك

موضوع: احفظ لسانك الأربعاء 28 نوفمبر 2007, 8:30 pm

اصبح دلوقتى من اسهل الحاجات عند الشباب هى الشتيمه لا مش شتيمه عاديه ديه اصبحت شتيمه بالاب والام على فكره مش شتيمه علشان متدايق ولا بيتخانق بقت الشتيمه دلوقتى كمان لزوم الهزار مابينهم
طبعا مش شتيمه عاديه شتيمه بتمس اعراض الناس وشرفهم
انا مستغرب بجد من الشاب اللى ممكن يسمح لواحد مهما كان انه يقوله كلمه خارجه تمس والدته مثلا ويسكت وكمان يضحك معاه على سبيل انه هزار
المصيبه انهم مش واخدين بالهم ان اللى بيعملوه ده من اكبر الكبار
قال رسول الله صلى الله عليه وسلم " من اكبر الكبار ان يلعن الرجل والديه قالوا وكيف يلعن الرجل والديه قال يسب ابى الرجل فيسب اباه ويسب امه فيسب امه"
غير كده مش ده يعتبر قذف للمحصنات طبعا تلاقى الست قاعده فى بيتها محترمه وبتخاف ربنا تلاقى واحد صاحب ابنها انسان تافه بيشتم فيها وبيطعن فى شرفها والام محترمه
غير كده مش الاسلام بيقولنا اننا نحفظ السنتنا من قول الحرام طيب اهوه انت بتشتم وكمان مش بتشتم اى حد انت كده بتشتم والدك ووالدتك وغير كده تطعن فى عرض انسانه انت ماتعرفهاش وكمان الشاب اللى يسمح انه يتشتم كده ازاى يقبل كده
هو ممكن الموضوع غريب شويه او انا مش عارف اتناوله بطريقه مناسبه بس ده كلام جوايه حسيت انى محتاج اقوله من باب الامر بالمعروف والنهى عن المنكر
وربنا يتقبل منا اعمالنا ويتجاوز عن ذنوبنا ويقبل توبتنا فباب التوبه مفتوح لكل انسان فلوا انت شايف فى نفسك ان انت فيك صفه من الصفات اللى اتكلمنا عليها توب وربنا ان شاء الله هيقبل توبتك باب التوبه مفتوح طول الوقت كل يوم بس انت انوى وربنا هيوفقك بس اخلص انيه لله

موضوع: رد: احفظ لسانك الخميس 29 نوفمبر 2007, 2:28 am

الله ينور يا موهى
واريت اللى فينا بيشتم ياريت يحاول انه يبطل وحده واحده
وانا حبداء بنفسى
انشاء الله
نفسى ابطل كلمه يا واطى
ومش عارف
يا رب ساعدنى
شفت يا عم بقول ححاول وبرضه غلط
اعمل ايه بس

احفظ لسانك Hm

انا عارف انى جرحتك بس والله غصب عنى حبيبتى يا انا مهما بعدنا عن بعضنا ماليش غيرك حبيب