خناقة بين الجنسين

ok
شغااال

بس هنعمل تعديل صغير
ان لو مفيش بنت جوابت خلال يومين ع السؤال
تبقى نفطة لفريق الشباب
و نشوفوا

لمانشوفوا اخرتها معااكوا
واكيد هنطلب مساعدات الاخ الكبيير
ديسبو



و اتدى انا و اقول
بسم الله الرحمن الرحيم

السؤال ؟

ليه دايما الناس بتربط بين البنت او السيدات عموما و النكد ؟
اكيد كلنا عارفين النكتة بتاعة بكرة النكد بكرة
يعنى ما جبتش حاجة من عندى

لعبة رائعة اوى اوى
واجابه جميله ياقطقوطه وسؤال اصعب
مين حيرد ياترى ؟؟

انا ارد
ما اردش ليه
نحن لها


اشعر بالتناقض لمااكون على شط البحر بليل
اكون نفسى انزل فيه
و فى نفس الوقت مش عاوز انزل فيه
لان الوقت بلييييل

مش دة بردة تناقض



سؤالنا احنابقى

كيف تشعر المراة بالراحة النفسية ؟ ( مع ان دة مستحيل )

ارد انا بقي
لما تفضل تقنع في الراجل كتير اوى وهو مايقتنعشي
وهو يقنع فيها وبرضه ماتقتنعشي يقوم هو متنازل وقايلها خلاص انتى صح
هنا تشعر بالراحه النفسيه ههههههههههههههههههه انها سمعتها منه واقنعته وغلبته

وسؤالى هو : صف الرجل عند الغضب ؟؟

اقتباس :

هنا تشعر بالراحه النفسيه ههههههههههههههههههه انها سمعتها منه واقنعته وغلبته

اكيييد كلنا هنرتاح وقتها
لانه كدة عمل الصح
خدها على قد عقلها

الرجل عند الغصب كالنهر فى وقت سريانة المعتاد
هادئ و لكنه مدمر

اخلى السؤال بتاعنا من عند ديسبو صديقى

المايك ليك يا معلمى

ايووووووووووووووووت عليك ياادمن دايما حاططني في وش المدفع

سؤالي :
ليه المراة بتستغل ضعفها للوصول لهدفها ؟

ارد انا بقى
ده مش ضعف ده اسلوب تاخد بيه اللى هى عاوزاه بمزاجها
انتو اللى شايفين المراه ضعيفه
وده كويس خليكو كده مستضعفينا
كله فى مصلحتنا
ههههههه
وبامناسبة الكلام سؤالى
صف المراة بثلاث كلمات كما تراها؟
عاجبنى انا النظام ده......

لو هنصف المراة فلازم تكون :
1_حرباء (متلونة بكل الالوان للوصول للهدف المنشود)
2_استاذة الشيطان (فاذا كان الرجل هو تلميذ الشيطان فان المراة معلمته)
3_رغاية (فهي كائن دائم الكلام مزعج لمن حوله )

السؤال:

ما هي الاخطاء التي لا يمكن ان تغفرها المراة؟

يا ظالم حرام عليك ده احنا غلابه
هاقول الاخطاء بتاعتكو يا جبارييييييييين:
الكدب
الخيانه
المعامله الخشنه ]الدبش اللى بتحدفوه]

اسيب الباقى للبنات الجامدين بتوعنا

3_الاستذكاء:بيبقي الراجل فاكر نفسه مقطع السمكه وديلها ومراته عجناه وخبزاة وصابره عليه بمزاجها
بيبقي عامل نفسه مطحون يا عيني في الشغل ويرجع مش عايز غير انه ياكل وينام ومالوش دعوة بحاجه في البيت وهيا تشيييييل بقي4_بيستعبطوا المرأه يعني من الاخر
المهم سؤالي بقي:ايه اكتر حاجه مهمه في حياتكو,يعني غالبا غالبا مش دايما برده بتبقي البنات بتحلم بعش الزوجيه انتو بقي بتحلمو بايه؟

بالنسبة لصفاتنا علي حد تعبيرك يا صباح الندي
1_الكدب اظن انه عامل مشترك بينا وان صفة غالبه عندكم
2_الخيانة لفظ كتير بنستخدمه واغلبه بيكون نتيجة قصص حب فاشلة او اوهام وعيشنا فيها وما اظن انه في الاخر بيكون لعب عيال
3_المعاملة الخشنة او الدبش اظن ان اغلب الشباب بيبقي مخلي البنات اللي يعرفهم كانهم اميرات يبقي فين الدبش بقي ولا هو افتري

بالنسبة ليكي ياعصفور انا معاكي في الاستذكاء وبعترف اننا فاشلين في فهمكوا لسبب واحد انتوا مش فاهمين نفسكوا هنفهم احنا

وبالنسبة لاحلامنا واهتمامتنا بتكون كالاتي :
في فترة الشباب الشباب بيكون مهتم بالسيارات او البنات او الكورة او اتنين من تلاته
بعد الجواز شقة ووظيفة وبنت الحلال وحياة كريمة ليه ولاسرته


سؤالي :
ليه دايما الغيرة بتظهر اكتر بينكم حتي لو كنتم اصدقاء اواخوات ؟

اقول حاجه صغيره للتوضيح
كل الصفات اللى انا قولتها دى بعد الزواج
انا مش قصدى قبليه
لانه قبليه زى ما انت قولت
لعب عيال
وبالنسبه للسؤال والغيره
انا نفسى اجاوب بس
عايزه اشوف اراء البنات

علي فكره الغيره ده بتكون في البنات الفشله وبعدين مش احسن متكون في االبنات ان يكونوا حويطه زي ما الولاد ممبتعمل من الاخر الولد يفضل يضيع صحبه ويفهمه ان قلبه عليه

اجري اجري العب بعيد يا شاطر

سؤالي ليه الرجال ايام الخطوبه تكون ارق الخلق ويعد الزواج اخنق واشر خلق؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا موضوع اكثر من رائع جدا جدا
بس انا اسفه جدا
بس انا عندى تعليق على ران
انا اعتقد ان الغيره نوعين
النوع الحلو : اللى هو بيبقى ف المذاكره والشغل والحاجات ديه غاالبا بتبقى ف الجنسين
وفيه نوع حلو بس ده غلبيل بيكون ف البنات : وهو الغيره ع الاصجاب وده طبعا بيكون لانها بتحب صاحبتها جدا
يعنى الغيره نتاج الحب
يعنى من الاخر ان المرأه اخلص ف حبها للرجل
انا النوع الاخر : فبرده بيبقى ف الجنسين وهى الغيره اللى تخنق
وطبعا كلنا عرفنها
معلش انا بس حبيت ارد انا اسفه جدا ان كنت تدخلت ف وقت غلط
وبجد موضوع حلو جدا جدا

كاكم معاكو حق
بس ليه الاولاد ماسالوش نفسهم السؤال ده :
ليه البنات لما بتحط حاجه فى دمغها بتجيبها بتجيبها
سواء فى مذاكره او غيره
ولو تلاحظو دلوقتى البنات بيحتلو المقدمه فى كل حاجه
وخاصه التعليم بالذات
البنات هى اللى بتجيب المجاميع الاعلى
انا مش قصدى الاهانه لانه فى اولاد متفوقين جدا بس دول نادرين
عارفين ليه؟؟
علشان الغيره اللى مش عاجباكو
الغيره دى هى اللى بتخلينا نتحفز اكتر اننا نحقق اللى احنا عايزينه وهى اللى بتزيد شغفنا على الحاجه
لكن انتو انا شايفه انكم مش بتغيرو الغيره العاديه دى اه هى مش عندكو
بس بتغيرو من حاجات تانيه اخطر بكتيير ممكن تضروا فيها حد ومبتنفعكمش
احنا صحيح بنغير كتير بس ما بنضرش بالعكس بننفع نفسنا
انتو مابتغيروش كتير بس يوم ما الغيره تدخل قلب حد فيكم بتموتوا وبتاذى اللى حواليه

ستووووووووووووووووووووووووووووووب
وقت مستقطع علشان لخبطونى
ههههههههههههههههههههههههههههههههههههههههههه
عندى تعليق اخيرا جمعته ولو انه برضه ملخبط
بصوا نرجع للاصل من الاول وزى ما عملت ران رجعت للقران الكريم

فقال تعالى:"ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله " من سورة النساء
وتفسير الايه دى بيقول انه لا يجوز للانسان (رجل وامراه )الحسد وهو تمنى الرجل ماعند اخيه وتمنى المراه ما عند غيرها
او تمنى النساء ان يكن رجالا او ان تتساوى مع الرجال في الحقوق ........الخ
يعنى القران حدد ان الحسد للرجل وللمراه موجود ولا يساوى الغيره

ولكن الغيره اجتماعا ونفسيا هى غالبا مركب نقص عند المراه اذا زادت عن الحد وخصوصا في المجتمعات الشرقيه
وطبعا ده بيكون لضعف الوازع الدينى عندهن ولدافع اجتماعي اما حب التملك او عقدة نقص او خوف من نظرة المجتمع لها و يمكن ان تكون المراه قويه من داخلها فتتغلب على هذه الظاهره بان تجعلها هدف لتحقيق ذاتها في اتجاه اخر
يعوض عنها تلك الصفه المذمومه
مثال \ البنت اللى بتنشا مثلا في اسره فقيره بتكون عندها دافع الاجتهاد
وذلك لدمجها مركب النقص مع الاراده القويه للتميز في جانب اخر فتتحول الغيره من مرض لدافع للنجاح والتفوق
وطبعا البنت بتحس بالغيره من زميلاتها خصوصا في فتره السن الصغير والتى تنم عن ضعف تفكير

بينما الرجل دائما قليلا ما يغير من زملائه او اخوانه ولكن هناك غيره تعادل الحسد
ويكون دافعها غالبا عند الرجال هو حب الامتلاك

اقتباس :

وفيه نوع حلو بس ده غلبيل بيكون ف البنات : وهو الغيره ع الاصجاب وده طبعا بيكون لانها بتحب صاحبتها جدا
يعنى الغيره نتاج الحب
يعنى من الاخر ان المرأه اخلص ف حبها للرجل

الغيره في ان البنت بتحب صاحبتها جدا جدا دى ياجودها بتكون غيره مرضيه مش سليمه
ومش معناها الاخلاص والغيره دى بتكون في سن صغير من اعدادى او ثانوى عام لاوائل الكليه ممكن يمتد لحين ايجاد البديل لهذا الحب

اقتباس :

بس ليه الاولاد ماسالوش نفسهم السؤال ده :
ليه البنات لما بتحط حاجه فى دمغها بتجيبها بتجيبها
سواء فى مذاكره او غيره
ولو تلاحظو دلوقتى البنات بيحتلو المقدمه فى كل حاجه
وخاصه التعليم بالذات
البنات هى اللى بتجيب المجاميع الاعلى
انا مش قصدى الاهانه لانه فى اولاد متفوقين جدا بس دول نادرين
عارفين ليه؟؟

تسمحيلي ارد انا على السؤال ده يانودى
بمنتهى البساطه الولد بيكون ليه حلم لو ماحدش ساعده انه ينميه يتدمر
يعنى الولد لو شايف انه لما يدخل طب مثلا حيبقي احمد زويل
بالطبع مش حيتردد بس طبعا لازم تكون بتحقق له الشهره والفلوس والمستقبل المضمون
لكن الجيل طالع متدمرررررر عاوزاه يبدع ازاى ويحط هدف ويسعي لتحقيقه
طبعا عكس البنت فيه هدف واضح مهما عملت ماحدش حيلومها عارفين البنت مصيرها البيت او شغله
عاديه
ههههههههههههههههههههههههههههههههههههههههههههه كل ده كلام ربنا يديكوا الصحه وانتوا بتقروا التل ده

اقتباس :

سؤالي ليه الرجال ايام الخطوبه تكون ارق الخلق ويعد الزواج اخنق واشر خلق؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ارد انا عليكى
يرجع دة لسببين
اولهم

مش بيقولوا ان البيئة المحيطة المكون الاساسى للخلق
ايام الخطوبة بيكون لسه فى بيت اهلة
و يكون الخلق دة السمة الطبيبعة عندة
انما لما بيتجوز بيقعد مع مراتة
فاكييييييد طباعة هتتغير


ثانيهم بقى

ان الواحد ايام الخطوبة لما بيوزور خطيبتة
بتكون جميييلة الجميلات لانها بتكون لسه مش دبستة
البرفانات و الملابس الجميلة
حاجة كدة زى الفل
انما بقى لما بيجوووز بيكتشف الحقيقة المرررررة
ة يظهر طبعا الوش التانى
اللى كلنا بنسمع عنه
يا اما مش ناس انخدعوا قبلل كدة
يااما من المناور و صوت الجيران

اسيب السؤال دة لنيت صدسقى العزيز
اهو تبقوا جربيتوا كل السيوووف

وادينا منتظرين
بس من الواضح ان الشباب خافوا ولا ايه ؟؟

[ بس هنعمل تعديل صغير
ان لو مفيش بنت جوابت خلال يومين ع السؤال
تبقى نفطة لفريق الشباب
و نشوفوا ]


مش ده كلامكم برضه
كده المفروض يبقى لينا نقط احنا كمان
بس على راى جودها شكلكو خايفين
ههههههه

هو المفروض انى اسأل سؤال؟؟؟؟؟؟؟؟؟؟؟؟؟؟؟

ده المفروض طبعا
ولا انت مش واخد بالك .........