انا عاصي وافتخر

بسم الله الرحمن الرحيم

اللهم صل وسلم وبارك علي سيدا محمد

احبائي .. إخواني .. وأخواتي

هاكلمكم عن فرحتي بذنب بس إوعوا تزعلو مني

أنا انهاردة ياجماعة مبسوط جداااااااا

لأنى بصراحة إنهاردة عصيت ربنا

ومهمنيش

جاهرته بالمعصية ومفرقتش معايا

طب وإيه يعنى
المهم اتبسطت وقضيت وقت جميل وخلاص

ايه دا ... إيه دا ....؟؟

مالكم كدا بتحتقرونى بينكم وبين نفسكم؟!!

مالكم بتبصولي بعين وحشه ؟؟

مالكم مستهزئين بيا كده ؟؟
انتو كمان زيى

أه زيى

أو كنتم زيى

وماتستغربوش أو ى كدا وتقولوا

لالالالالالالالا

دااحنا بنحب ربنا واستحالة نعصيه لا وكمان نفتخر

لاء انتوا عصيتوه وحاربتوه وبتحاربوه

طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء

أنا مبسوط جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض

*********

أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى

**********

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

***********

أنا مبسوط جداااا

كنت فى شات كذا روم ؟؟واتعرفت على بنت ارتحت اوى فى الكلام معاها
وكلمتها مايك بس صوتها جميل أوى
وقعدنا نتكلم للصبح

********

أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بقي
مينفعش ينزله جديد وميكونش عندى

**********

أنا مبسوط
حضرت حتة فرح بس كان إيه ...... ماأقولكوش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى

وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......

**********

مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا

********

فرحاااااااان لأننا كنا ف رحلة امبارح
وحصل بأه شوية حاجات
تتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب

************

انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل
بالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة

*********

أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا

**************

عرفتوا بقي انا عصيته ازاي وافتخر لا وفعلا باحاربه

*******************

ياريت لو عصيتو الله ماتجهروش بذبكم و ماتفرحوش أوي

*-*-*-*-*-*-*-*-*-*-*-*-*-*-*-*-*-*-*-*-*-*-*

((((عن أبي هريرة رضي الله عنه قال:
سمعت رسول الله صلى الله عليه وسلم يقول:
" كُلُّ أمتي مُعَافىً إلا المجاهرين. وإنّ مِنَ المجَاهَرةِ أنْ يعملَ الرجلُ بالليل عملاً ثم يُصبِحُ وقد سترَه اللّه فيقول: يافلان عملتُ البارِحَة كذا وكذا،
وقد بات يَستُرهُ رَبُّهُ وُيصْبح يَكشِفُ سْترَ الله عَنْهُ "))))
صدق رسولنا الكريم
ياريت ياجماعه نفوق شويه
مش حد ضامن اجله امتي
وربنا يهديني ويهدينا ويهدي امه محمد عليه افضل الصلاوات والسلام جميعا

موضوع راااااائع ياهمس الحب بل اكثر من رائع ولكن لماذا كان هذان الامران خطا ومجاهرة بالمعاصي

أنا مبسوط جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى
ليه دول مجاهرة بالذنب

اولا اسعدني مرورك ياقمر
ثانيا بصراحه انا كمان مازلت باشوف افلام
لكنها معيصه ومجاهره بيها
لان كل مايلهي عن ذكر الله فهي معصيه
والمرء يحشريوم القيامه مع من يحب
واكيد الممثل في شك انه يدخل الجنه طبعا والله اعلم
اما بالنسبه للموقف التاني
فدا لان الاختلاط محرم في غير حلقات العلم
والمقصود هنا بالاختلاط حوار ومكان وزمان تواجد الشاب والفتاه
انما الاختلاط في حلقات العلم يقصد بها الحوار و النقاش الذي يفيد ويجدي خيرا في سبيل العلم و الدعوه االاسلاميه

والتعارف علي اغراب من المحلالين ليكي اعتقد انه حرام
فالتعارف يجب ان يكون في طي وجود مٍحرم
والله اعلم

ده التعارف اللى بيكونوا فيه مع بعض انما ده منتدى يعنى نت او عن طريق الرسايل الخاصه برضه نفس النتيجه انه مافيش مقابله انما دى مخاطبه افكار جديده ومعرفه ايه المانع اما الفيلم يبقي قيسي عليه ماتشات الكورة والازياء وبرامج الموضه يعنى من الاخر التليفزيون كله يلهي عن ذكر الله يبقي كل ده حرام امال فين الحلال ؟؟!!!

طبعا التلفاز يلهي عن ذكر الله
انما مثلا برامج دينيه للافاده
قناه قرائنيه وهكذا

اما بخصوص المنتدي والتعارف عليه
فلو ع قد تبادل افكار بدون معلومات تفصح عن الفتاه او تشد كل منهما للاخر فدا حرام
وعن لسان احد الشيوخ الافاضل
اما لو كان لتبادل افكار واراء وحوارات تفيد الجنس البشر والعلم والتقدم والرقي
فدا تعتبر كحلقه علم ومنها هي غير محرمه
وبرده الله اعلم

لا حول ولا قوة الا بالله كلامك متناقض جدا بس عاوز منك تفسير ادق يعنى انتى تشترى تليفزيون وتتابعي عليه طول 24 ساعه قناه دينيه بس تقدرى تعملى كده ؟؟؟؟ اما بخصوص المنتدى انتى دلوقتى كنتى بتتكلمى في نقطه ان المحادثه بين البنت والشاب حرام رغم انه على النت مش حقيقه وتحلليها في حلقات العلم على هذا المقياس برضه اى بنت بتكلم شاب على النت بيتكلموا في الدين كل مايتقابلوا على النت يتكلموا في الدين ولا ايام الرسول الكريم زمان كانوا يتعملوا مجالس علم مختلطه ؟؟!!!!!!!!!!!!!!! انا من رايي انك بتتكلمى بهدف ونيتك حتتحاسبي عليها انما ليه دايما بنقول كل حاجه حرام الا لو في الدين حلال مالحرام اولى انه مايتبعش من الاساس

معاكي
بس والله كلامي مش نابع مني
انما ردودي دلوقتي اللي بارد عليكي بيها
دا كانت اسئله محدده مني لشيخ معروف جدا
وكانت الاجابه تحلل حسب تغيير واحتياجات الزمن
وقال بالحرف
طالما مش هتقدر تمنعي التلفاز والنت من بيتك
يبقي حاولي تستفيدي بيهم في العلك بعيدا عن المحرمات علي قد ماتقدري
مع اني مازلت باتفرج علي اليفزيون عادي
وكمان بادخل نت
بس بجد انا عجبني الموقفين دول اذكرهم بالتحديد
لان في ناس فاهمه زيك
ان دول مش حرام
وانه حلال
لا فعلا عاوزه تتفرجي ع التليفزيون من الاصل حرام الاولي انك تصلي تقرئي قران
وهعكذا النت
انما لو خلاص مش قادره تعيشي حياة الزهد كما اطلق عليها
يبقي استفادي منهم في طاعه الخالق علي قد ماتقدري

ههههههههههههههههههههههههههههههههههههههههههههههههههههههههههههههههههههههههههههههههههه
لا حول ولا قوة الا بالله

هههههههههههههههههههههههه
عندك حق
بس فعلا انا ذكرت الموقفين دول تحديدا لاني سالت فيهم دينيا