6 ابريل حقيقه ام حلم جميل

السادس من ابريل كلنا اكيد سمعنا عنه وكلنا كان لينا قرار محدد حنعمل ايه فى اليوم ده هل فعلا حنكون رجاله ولا مش رجاله؟
اتنشر بين الناس ان 6 ابريل يوم اضراب عام ان محدش يروح الشغل ومحدش يشترى اى سلعه ووووو كلام كتر عشان نعبر عن رفضنا على غلاء الاسعار وعلى قله المرتبات
طيب ما تيجى نفكر شويه من كذا ناحيه ونتناقش اولا انت لما متشتريش اى حاجه ومتروحش شغلك ايه النتيجه اللى ممكن تحصل؟
هل البلد ممكن تاخد رد فعل بالايجاب؟
ما هى العواقب التى من الممكن ان تحدث اذا لم تذهب لعملك الحكومى؟
هل تعتقد ان الشعب المصرى سيقف يد واحده ام انها مجرد شعارات؟
هل موقفك هذا يرضى الله؟ واذا لم تذهب هل بذلك تأثم؟
ارجو النقاش بحريه وعدم التعصب لراى

اعتقد يا عم النايت
يالى جاااى بعد غيااب تعمللنا انقلاااب
اعتقد انه مش هيكون مؤثر للدرجة
الا فى قطاعات معينة
يعنى مثلا و محدش يزعل من كلامى
لو اخوانا الموظفين مش راحوا الشغل
طيب ما هو عااادى بتحصل داايما
روح اى مصلحة بعد 12 الظهر لو قليت 3 او 4 بالكتير يبقى لك الكلام
طلبه الجامعة
الدولة مش هتتاثر بحاجة
بالعكس هترتاح من همهم يوم
انما بقى نبص لحاجت هى اللى ممكن فعلا تاثر
مثلا
مصلحة السكك الحيديدة دى فعلا لو عملت اضرااب تبقى كارثة
عمالة المصانع كذلك
الشرطة و المستشفيات
و لو انها مستحييييييييييييييلة
موظفين الوزارات و البريد
كل دى حاجات تحسس الدولة
انما غير كدة مااعتقدش انها هتكون مؤثرة
حاجة تانية
اخوانا موظفى القطاع الخاص
بصراااحة مفيش داعى لاضرابهم
لانهم لو اضربوا هيضروا نفسهم بالشكل المباشر من دون مصلحة لهم
و اهى هانت كلها يومين و نشوووووووووووووووف

ادمن انت جاوبت على سؤال واحد بس ده اولا
ثانيا
انا شايف ان الاضراب ده اه معبر عن راى الناس بس ده مضر جدا للناس كلههههها وخاصه قطاع الشرطه والمستشفيات والسكه الحديد

انا شايف بجد احسن قطاع ممكن يعمل الاضراب دون ان يؤثر على مصالح البلد المباشره هو قطاع التعليم طلبه و اساتذه ودكاتره
اما القطاع الخاص يضر اكتر ماينفع
اما الحكومه فاعتقد انها حتكون مستعده لاى شخص يغيب فى اليوم ده
وهل الشعب المصرى ممكن يقف ايد واحده ولا لا؟

شكرا يا نايت انك فتحت الموضوع ده للمناقشه..انا شايف ان اليوم ده هيعدي زي اي يوم خلاص وزي ما قال الشيخ الشعراوي قبل ما يموت اننا شعب سلبي...وكل واحد هيقول وانا مالي احسن يجيلي جزا ولا حاجه وفي الاخر الي مش لاقين رغيف العيش هما الي هياخدوا على دماغهم.... ماهو الشعب عندنا قسمين
ناس بتدور على رغيف العيش....وناس في المول وع الكورنيش

الإضراب ...........اولا رد ادمن وقاموس معجبونيش شعبنا مش سلبى شعبنا مقهور
تعالوا نوزنها كده انتا ياقاموس ناوى تعمل ايه ؟؟؟؟؟؟؟؟؟؟؟؟؟؟؟
مش معقول هتبقى اسود من ماهيا موجودة البلد بتتأخر سيبك من العيش والزيت بص للناس نفسها السرقة بقت الاصل مع انها كانت بتتعمل فى السر زمان دلوقتى بقت عيان جهارا ومفيش خوف
احنا مش بنشوف مين اللى يقوم بالإضراب احنا بنقول الاضراب هياثر فى ايه انا فعلا شوفت انه اثر طبعا قريتوا عن القرار الجمهورى 103 لسنة 2008 اللى صدر اول امبارح وكمان شوفوا تهديدات الحكومة للى هيضرب عن
شغله كل الكلام ده فى جرايد النهاردة انا شايف ان الاضراب هيوصل حتى صوت يقول الناس مش عاجبها الوضع حاولوا تغيروا
هحاول ارد على اسئلتك يانايت
1 - طبعا لازم تاخد رد فعل ايجابى ده لو حكومة زكية
2 - العواقب هتبقى ايه يعنى اكتر من اللى الناس فى معتقدش فى اسوء من الوضع الحالى
3 - انا شايف انه ممكن يقف وحتى لو موقفش المرة دى هيفكـــــــــــــر
4 - انا هرد على قد معرفتى بالفقه معتقدش ان عدم الذهاب للشغل اثم لانك بتقف قدام الحاكم عشان توريلوه الظلم الواقع عليك
اهم حاجة واللى بتمناها ان الاضراب ده يبقى سلمى بعيد عن التكسير والرزع لوكسرنا يبقى بنكسر حاجاتنا ومبنفيدش نفسنا باى حاجة

واذا مروحتش شغلك مصالح اخوانك هى اللى حتتعطل وتجاره بلدك حتقف تماما لكن لو قطاع زاى التعليم كل اضرب يوم الحكومه حتسمع بس من غير اى ضرر لمصالح البلد
انتم عارفين يعنى ايه الاضراب اللى حيتم ده؟
يعنى بتشل حركه البلد كلها
يعنى لو عندك قرض واخر يوم مثلا بكره فى سداد القرض حتدفع فوايد على التأخير لانك حتروح مش تلاقى موظف هناك
او مثلا قريبك مريض وبيموت وتروح المستشفى ومتلقيش دكتور هناك
او مثلا اخوك راجع من السفر وميلقيش موضف جمارك مثلا ويفضل مستنى لتاانى يوم ولا حاجه
او محتاج تسافر بالطياره ومتلاقيش موظفين للحجز فى اليوم ده
او او او مليون او
كلها بتضر مصالح الناس اللى زاينا
الحكومه حاسه وشايفه وسامعه بس مش الاضراب هو اللى يأثر فيها
انت ععايز تفهمنى ان الحكومه مبتقراش جرايد المعارضه؟
حسبنا الله ونعم الوكيل

دة قصدى بالظبط يا ناايت
انا مش اقصد ان الناس دة تضرب
لا
الغرض من الاضراب ايه زى ما جاء فى رسالة ليا
ان يطبقوا فكرة من التاريخ لعمر اتركوهم لهم
يتكدس فى مخازنهم يخسرونه على طووول
انما نبص لحالنا
لو اضربنا احنا المتضررين
هما بالفعل عارفيين كل اللى احنا فييه
مش مستنيين الاضراب يعرفهم او يحسسهم

موضوع: 6ابريل السبت 05 أبريل 2008, 6:23 pm

السلام عليكم ورحمة الله وبركاته
يوم الاضراب المصري ع الحكومه الفاسده الشارع المصري يطبق اليوم قول غاندي: سوف نتوقف "عن لعبة دور المحكوم". مافيش شغل مافيش كليات مافيش مصانع مافيش اي نشاط هيتعمل يوم 6 ابريل كيف يمكن لإنسان أن يتشائم وهو تحت ظل بلد رئيسها مبارك ورئيس حكومتها نظيف ورئيس مجلس شعبها سرور ورئيس مجلس شورتها شريف ووزير داخليتها حبيب ووزير ماليتها غالى وأخيراً مستقبلها كله جمال...... *مواطن منافق BE WITH US ITS OUR CHANCS only chance
ليه رئيس الحكومة اسمه (نظيف) و«التلوث» في كل مكان.. وليه رئيس مجلس الشعب اسمه (سرور) وحالنا «غم».. وليه وزير المالية (غالي) والشعب (رخيص).. وليه وزير التعليم العالي (هلال) والتعليم في (الأرض).. إذا عرفت الحل ما تتصلشي علشان ماحدش هنا وكمان معرفكش ماشى سلام

احنا فعلا مش سلبين احنا مقهورين على رأى تايجر
بس سلبية قهر النتيجة واحدة
على رأى سى هانى شاكر
الحلم الجميل والبيت الصغير .. كلة ضاع كلة اتكسر .. كلة اتدمر
وعلى رأى بابا الريس فى رسالتة الشهيرة الى شعبى

يا شعبى يا حبيبى ..يا روحى يا بيبى
يا حاطك ف جيبى
يا ابن الحلال
يا واكل سمومك
يا بايع هدومك
يا حامل همومك و شايل جبال
يا شعبى اللى نايم وسارح و هايم و ف الفقر عايم و حالو دا حال
احبك محشش مفرفش مطنش و دايخ مدروخ و اخر انسطال
لكن
لو تفكر تخطط تقرر تشغللى مخك وتفتح جدال وتبدا تشاكل و تعمل مشاكل و تنكش مسائل و تسال سؤال هبهدل جنابك واذل اللى جابك وهيكون عذابك دا فوق الاحتمال
هتقبل هحبك
هترفض هلبك
هتطلع هتنزل
هجيب لك جماال

شفتوا اخرتها اية
ولا الهواااااااا
نملة بتضرب فى حكومة افيال
ولو واحدة اضربت الباقى هيخاف
لو بطلنا نحلم نموت
بس يارب يفضل حلم ميتقلبش فظيع كوبسة

هو انا اريى ان الغرض من الاضراب ان احنا نقدر نقول لا
بس حتى دى اشك ان حد يقولها لان دلوقتى اكتر من الاول
كل واحد بيخاف على شغله لانه بعد كده مش هيلاقى العيش الحاف
وخصوصا القطاع الخاص اللى مش يجى مع السيلامه فى ملايين
مش لاقيه شغل يعنى اللى هيمشى مع السلامه
حتى اللى شغال فى الحكومه هيخاف يتجازى
شوفوا انتوا بقى
وحكايه هى حقيقه او خيال كله هيبان بكره
ياخبر بفلوس بعد كام ساعه هيبقى ببلاش

» حصريا وبمناسبه اضراب 6 ابريل وربنا يستر
» باتيستا يعلن اسلامه حقيقه ام؟؟؟؟؟؟؟؟؟؟
» الكائنات الفضائيه حقيقه ام خيال
» حلم جميل
» اخلق مساحة بفن جميل