قمه الرخامه

موضوع: قمه الرخامه الأحد 30 مارس 2008, 9:58 pm

كلنا

بنتعرض لأسئلة

رخمة رخمة

ندخل فى الموضوع على طووووووووووووووووول
(لا على عرض)

خلـونـــا نشــوف أمثلة

....................

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

...................

انتم معزومين عند ناس ورحتو لبيتهم وأول ما فتحولكوا الباب يقول ابنهم
الصغير: انتوا جيتــوااااااااا ااااااا ؟

(( لا لسه ))

....................

والعكس : انت لابس هدومك و متأنتك و على سنجة عشرة وريحة البارفان واصله
لاخر
الشارع .. وخلاص بتفتح باب الشقة,, يجي حد من أهلك وينادي بصوت عالي :
انت
خااااارج ولاّ اييييييييييه

(( !!! لاء دانا لسه راجع ))

....................
أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على
الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

....................

مثلا ماسك سماعة التلفون وقاعد تضغط الارقام يجي حد من أهلك ويقولك: انت

هتتكلم في التليفون ؟

(( لا.. بتفرّج عليه ))

....................

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد
وقالك:
هاه.. قاعد تذاكر ؟

(( تقوم رامي الكتاب و تقوله لااااااااء بتفرج على الصور ))

....................

ربنا هاديك كده ... ماسك سبحة و عمال تسبّح ، يجي حد من البيت يعدي
عليك
ويقول: هوّه انت بتسبح ؟
(( لاء.. بعد الفلوس اللى صرفتها ))

....................

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة
ديه
ولا ايه ؟

(( لاء.. طالبها برخم على نفسي ))

....................

و مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك
هههه
و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

....................

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و
تفسحوا أولادكم ونتصل بالمعارف نعيّد عليهم و نقولهم كل سنة و انتو
طيبين

(( سبتيله ايه يقوله يارخمة ؟ ))

...................

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟
(( يعني أساسي الواد لسه ما طلعلوش عرق الندالة علشان يقول لأ ))

موضوع: رد: قمه الرخامه الأحد 30 مارس 2008, 10:13 pm

هههههههههههههههههههههههه
عندك حق يا يوبى
سعات بيبقى فى اسئله من دى كتير

موضوع: رد: قمه الرخامه السبت 05 أبريل 2008, 9:04 pm

ههههههههه

يا الياس ده مش ساعات ده على طووووووووووووووول

فعلا رخامة والله
بس عجباني فعلا بتاعة الاهداءات جامدة يايوبي
ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة
ديه
ولا ايه ؟

(( لاء.. طالبها برخم على نفسي ))

موضوع: رد: قمه الرخامه السبت 12 أبريل 2008, 11:36 pm

هههههههه
رخامة و بتحصل فعلاً على طول

ههههههههههههههههههههههههههههههههههههههه

والله يا يوبى فعلا

حاجه تغيظ

» ادخل تعالا........ اعلمك الرخامه لكن على ضمانتك