سي السيد ومراته امينه عام 2008

وهنتخيل كده مع بعض سي السيد دلوقتي!!!!

اسيبكم مع الحوار الجامد سي السيد ومراته امينه عام 2008 Hehehe

99,9% من شعب مصر شاف ثلاثية نجيب محفوظ الشهيرة ويحفظ عن ظهر قلب شخصية سى السيد الذى بيضرب زوجته بالشوز ويروح ينضرب هو بره بنفس الشوز ولكن هل تخيل حد فيكم الوضع اذا كان سى السيد راجل حنون,, رقيق،، شهم مع زوجته واولاده..

انا تخيلت:

سى السيد:

مساء الخير يا امينة من فضلك تحضريلى الاكل عشان جاى تعبان من الشغل .

امينة:

اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ
ثالثا:ياروح الروح كنت تخلى اللى انت جاى من عندها وش الفجر تعملك السم ولا انت فاكرنى خدامة يورفازر..اوفففففف

سى السيد:

خلاص يا ست امينة انا اسف اخر مرة اطلب اكل.
تب ممكن تندهيلى العيال اسلم عليهم عشان وحشونى.

امينة:

عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) :

لا يا قويه يا مفتريه اهئ اهئ والله لابعتك عند ماما .هه بس

امينة:

يامامى انا خايفة اوى,اغمن عليا ,اغمن عليا خش نام ياللا وبلاش كلام فاضى ,
انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم

فى اليوم التالى:

سى السيد ينتظر فى الشباك امينة لما ترجع من مسرحيه(كشكش بيه)
ويسمع صوتها اتيا من بعيد فيهرول حاملا لمبة الجاز لكى يضئ لها الطريق.

امينة:

ايه اللى مسهرك يا سوسو انا مش قلتلك تنام انت عشان انا هتاخر.

سى السيد:

معلش يا ست امينة انا قلت برضه يمكن تحتاجى حاجة كده ولا كده

امينة:

تيب .. تيب مش عايزة ابوظ الليلة بئى متوجعش دماغى ياسوسو
وانا الصبح حكيلك المسرحيه كلها..اوكـــ

سى السيد:

ربنا يخليكى ويحميكى ومايحرمنيش من دخلتك عليا
الساعة واحدة بعد نص الليل يامراتى يا حبيبتى يا جميله.

امينة تضحك ثم تدخل لتنام وتصفق الباب فى وجهه

فى اليوم اللى بعد التالى:

امينة فى فترة المساء والسهرة مخاطبة سى السيد:

اعمل حسابك ياسى سى,ان فى عريس جاى لعائشه بكره

سى السيد:

مين ياترى..لو كان يعنى من حقى اسال

امينة:

الواد الظابط ده اللى كانت بتعاكسه من الشباك مش فاكره يا سى

سى السيد:

الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة:

خلاص نتكل على الله ونخلى الفرح فى نفس يوم فرح خديجة

سى السيد:

ايه ده!هى خديجة بنتى هتتجوز مبروك الف مبروك

امينه:عقبال ولادك يا ساسو

يوم الفرح:

امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا:

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهمة الى سى السيد قائلة:

اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
علشان تبئى تقول بيتى دى تانى..رجاله اخر زمن..

وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته..

اه لا مؤاخذه ...بيتها سي السيد ومراته امينه عام 2008 Haha

ده مبقاش سي السيد
ده بقه سي سوسو
الموضوع حلو وتسلم ايدك
بس مش ناقصة ده انته كده عتخلي البنات يفكروا انهم سي امينة اللي حاكمة
وشاكمة البيت سي السيد ومراته امينه عام 2008 941992

من كام يوم mmr .h منزلي موضوع يقولي البيت مقصوفة الرقبة هي وامها جايين يختبوه من مامته وقال ايه بابا بيغسل المواعين
هو فيه ايه ياساتر ياساتر سي السيد ومراته امينه عام 2008 517819

ستات اخر زمن سي السيد ومراته امينه عام 2008 957643

يا ديسبوا ده الواقع

انت الوحيد اللى معندوش خليفة

بخمسة صاغ

روح هات جرنال ما تزوقينى يا ماما

و بص فى صفحة مليون و 300 الف
و انت هتعرف

بس بجد يا قاموس

موضوع جامد

ههههههههههههههههههههه
ولسه
ده انتم ايامكم بلاك
شكرا قاموس على الموضوع الجامد ده
يا رب كل اللى ف بالى يبقوا امينه

المفروض نطالب بحق الرجل..يعني عاوزين مساواه :(

اه والله ده الواقع المهبب اللي احن عايشينه سي السيد ومراته امينه عام 2008 669985

انا امبارح بقلب في القنوات الاقي فيلم فاتن حمامة وكمال الشناوي الاستاذة فاطمة وللاسف
علي الجزء اللي بتقله لابد من المساواة بين الراجل والست احنا دلوقتي الزمن مختلف احنا مش في التلاتينيات ايام البيشه واليشمك سي السيد ومراته امينه عام 2008 297111

عارفين قالها ايه : الحمد لله اننا لسه مااتجوزناش
ودلوقتي القناة الفضائية عاملة برنامج اسمه حزب الرجالة سي السيد ومراته امينه عام 2008 124732

والمذيع بيقول:
ان البرنامج مخصص لحقوق الرجل المهضومة شفتم خيبة اكتر من كده
لنا الله نحن معشر الرجال وربنا علي الظالم والمفتري
وانا ياست جيجي مابقراش ماتزوقيني ياماما لاني بشتري الملحق بتاع الخميس قوام ياماما
وانتي ياست قطقط تقصدي مين باللي في بالك سي السيد ومراته امينه عام 2008 721234

والف شكر علي الموضوع كمان مرة ياقاموس
ياساتر سي السيد ومراته امينه عام 2008 2742

» خميس ومراته لميس في الاوتوبيس!
» وفاة السيد متولى مدير نادى المصرى
» نظارات 2008
» من فتاوى 2008!!!!!!!!
» اختراعات 2008