القاموس السياسى

موضوع: القاموس السياسى الأحد 27 يناير 2008, 1:35 pm

القاموس السياسى العربى

النظام الملكي : عند وفاة الملك ينتقل الحكم لابنه ليصبح هو الملك الجديد

النظام الجمهوري : عند وفاة الرئيس ينتقل الحكم لابنه ليصبح هو الرئيس الجديد

السياسي المحنك : رجل يتسم بسعة الصدر عند المناقشة وسعة الكرش فيما عدا ذلك

الحرية للجميع : للشعب أن يقول ما يشاء و للحكومة أن تفعل ما تشاء

الدستور : كلمة تقال للحماية من الآسياد لما الواحد يدخل بيت مسكون دستور يا اسيادي .... العفو والسماح

الديموقراطية : نوع من الفنون الزخرفية يستخدم لتزويق صورة الحكومة

العولمة : عملية تحول اجتماعي وثقافي وفني تتزعمه فيفي عبده

الشفافية : سمة ضرورية للملابس المستخدمة في العولمة

النظام العالمي الجديد : ويندوز اكس بي

الجات : مصيبة وجات على دماغنا

التنوير : عملية تتم في الشوارع عندما يسكنها وزير

صندوق النقد : ما يفرقش كتير عن صندوق الزبالة

الخصخصة : تحدث في الحدائق يوم شم النسيم مع أكل الفسيخ

المبايعة : ورقة بتكتبها لما تبيع عربية قديمة

القانون : آلة تصدر أصوات جميلة لما تلعب فيها بصوابعك

حرية النشر : تمارسها النساء على السطوح في المناطق الشعبية

رأي المرأة : ستات مصر قالوا كلمتهم ؛ السمنتين نخلتهم

الدبلوماسية : أحسن هدية تصالح بيها مراتك بس بشرط الماس يكون حر

العمل السياسي : يمارسه كل من يعمل سايس في جراج

اليساري : شخص طيب يقود سيارته على الجانب الأيسر من الطريق ويشتم كل السواقين اللي جايين في وشه لأنهم عملاء الإمبريالية ويسيرون ضد الحتمية التاريخية

الصراع الطبقي : خناقة كل بيت على مين اللي حيغسل الأطباق النهاردة

الحرب الأهلية : حرب البنت مع أهلها عشان تتجوز الواد اللي هي عايزاه

حرب الشوارع : قيادة سيارة في شوارع القاهرة

حرب التحرير : معركة شهيرة يخوضها كل من يريد استخراج جواز سفر من مجمع التحرير

العمل الثوري : مذكر العمل البقري

عملية السلام : زي عملية اللوز بالضبط ، تنتهي برمي اللوز في الزبالة

الشريط الحدودي : الشريط الجاي لعمرو دياب

الوحدة العربية : أن تعاني كل دولة عربية من الوحده

اليهود : شعب يعيش على الأساطير، يألفها في الأول ويصدقها بعد كده . يعني بالعربي أسهل شعب ممكن ينضحك عليه الله يرحم اللي انضحك عليهم مرتين

هيا دي القواميس...بس انا خايف يقبضوا على كل القواميس

جميل اوى القاموس ده يا عروسه البحر القاموس السياسى 991864

وربنا يسترها معانا القاموس السياسى 776150

ربنا يجعل كلامنا خفيف عليهم القاموس السياسى 124732

هههههههههههههه
لا بجد جامد وربنا يستر على قاموس المنتدى

ههههههههههههههههههههه
جميل قوى والله يا عروسه البحر
بس هتوحشينا بجد

» الفساد السياسى