اشهر عبارات الامهات المصريات

الموضوع ده مش منقول بس مقتبس يعنى انا غيرت فى شويه حاجات بس حسيت انه لذيذ

1- مالكش دعوة بالسياسة .. وماتمشيش فى مظاهرات :

2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك

3- اللى بيشيل قربة مخرومة بتخر على نفوخوه

4- بص كويس وإنت بتعدى الشارع عشان مفيش عربيه تشوطك وانت ماشى.

5- بلاش وقفة فى الشبابيك والبلكونات . مش هتفيدك فى حاجه

6- كفاية رغى فى التليفون . انت ايه مفيش وراكم غير الرغى الفاضى

7- يا ابنى اللى ذاكر ذاكر خلاص .. قوم نام (نامت عليك حيطه)

8- إوعى حد غريب يديلك حاجة تاكلها او تشربها وتاخدها منه . او تروح مع حد ما تعرفوش فى حته

9 لو فلحت ابقى قابلنى .

10- يا ابنى أنت مسطول ولا إيه .

11- إنت فاكرنا نايمين على ودانا .

12- وطى المدعوق ده شوية .

13- قوم إقرالك كلمتين ينفعوك .

14- إيه اللامبالاة والاستهتار اللى إنت عايش فيهم دول .

15- إنت فاكرنا لاقيين الفلوس دى فى الشارع .

16- والله ما إنت فالح .. وآدى دقنى اهيه

17- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا و على ابوك الغلبان الشقيان ده

و اخيرا

الجمله التى تقال بعد كل هذه الجمل

جتها نيله اللى عايزه خلف عوض على عوض الصابرين يا رب

هههههههههههههههههههههههههههههههههه
والله بجد الكلام بالضبط
موضوع لذيذ قوى يا جوجو

كلنا اتقال لنا الكلام ده

ولاد وبنات

بدون كسوف

ماهى ماما برضه يا جيجى

بجد موضوع جميل اوي ياجيجي وبالذات
جتها نيله اللى عايزه خلف عوض على عوض الصابرين يا رب
ههههههههههههههههههه جميل ياجيجي ياجامد

» اشهر 60 جملة الاب والام بيقولوها لاولادهم!!!!!!!!!!!!!!!!!!!
» عبارات قاتلة!!!!!!!!!!
» القضاء اللبنانى يحكم على جورج وسوف بالسجن لمدة 6 اشهر!!!!!!!
» اجمل عبارات الحب
» عبارات مكتوبة على العربيات النقل