مين هوا المصري

في البدايه اتمنى يكون الموضوع مش مكرر

المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة
والكهربا وتصليح العربيات والطبيخ
والسياسة والكورة وهو أبيض ياورد


بيحط الريموت كونترول في كيس بلاستيك كعادة فرعونية


يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين
ومازال مُصِر على جمع المزيد

ييجي بعد معاده بساعتين ويفتكر إن ده عادي


لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل
اللي جنبه أرخص من غير فصال


بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها


ممكن يعدي التلاتين ولسه عايش مع أمه وأبوه وماعندهومش مشكلة

بيشتري قبل الفطار في رمضان مواد إستهلاكية أصلا موجود عنده في
البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد


بيشيل طابع البريد من على الظرف لو الختم ماكانش عليه
بيفتكر إن أي حد بيشتغل في الخليج بيغرف فلوس من غير حساب


بيكون مشغول بقيمة التيبس أو البقشيش طول العشا ياترى ربع جنيه ولا
نص جنيه


برده بيتخانق ساعة دفع الحساب بحرارة شديدة على إنه هو اللي لازم
يدفع


بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر
منهم ، وساعتها بيفرش له الملاية
على فكره دي مش تريقه لأن ده فعلا بيحصل في معظم البيوت المصريه ان لم يكن كلها
قاموس الحب

انا المصرى كريم العنصرين
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
جميلة جدااااااااااااااااااااااا ياقاموس
كلنا هذا المصرى

هههههههههههههههههههههههه

يبقى انت اكيد فى مصر

جميل الموضوع يا قاموس
وجميل ردك ياازميراندا
وعلى راى سابرينا كلنا ذلك المصرى
اكيد فى كل بيت مصرى فيه على الاقل صفه من الصفات دى
لاننا كلنا مصريين

حلو اوى ردك يا ازميروو
وقاموس موضوع حلو اوى
بس كلام سر بينى وبينك ايمى كانت كتبته قبلك بس انا مليش دعوه يا عم الحج ادمونتى حبيبى هو اللى يتصرف

طيب اقول انا بقى
الموضوع دة مكرر للمرة التانية
بس هاعمل ايه مضطرررررررر

ولا يهمك يا ادمن انا كان قلبي حاسس وعشان كده كاتب اتمنى يكون مش متكرر وشكرا على الردود الجميله دي

هههههههههههههههههههههههههههههههههههههههههههههههههههههههههههههههههههههه

كلمة حق المصرى الاصيل حيفضل اصيل