اللى مالوش خير فى حاتم مالوش خير فى مصر

فيه حد شاف فيلم هى فوضى ؟ فيلم بجد وبمنتهى الصراحه بيوصف حاله من حالات الظلم والقهر اللى بيحصل فى مصر

بيحكى عن راجل الشرطه وظلمه وتسلطه على الناس الغلابه اللى مالهاش ضهر ولا عارفه تاخد حقها وطبعا بمساعدة العالم اللى اكبر منه فى الرتب

على ما افتكر خالد صالح كان اسمه حاتم فى الفيلم و يمكن كان صول فى البوليس وكان بيظلم فى الناس الغلابه وبيعزب العالم بتوع المظاهرات

عايز احكى عن بعض المشاهد اللى فى الفيلم

فيه مشهد فيه حاتم وهو فى اول الفيلم والظابط بيوصيه بالشباب اللى جابهم الظابط وهمه فى المظاهرات وبيقوله طبعا كالمعتاد ظبطهم وانه مش عايز حد يعرف عنهم حاجه طبعا معروف يظبطهم ازاى

مشهد وفيه حاتم وهو قاعد بياكل فى مطعم والناس الغلابه اللى ليها شوية طلبات طبعا مش عارفين يخلصوها وهمه واقفين طابور بياخد منهم فلوس علشان يخلصلهم طلباتهم

وطبعا المقوله الشهيره بتاعة الاعلان اللى مالوش خير فى حاتم مالوش خير فى مصر

هاقول ايه ولا ايه؟ الفيلم فعلا وصف بصراحة حالة الفوضى اللى بيعملوها رجالة الشرطه ورجال الامن فى البلد مع الناس الغلابه

وكمان افتكرت فيه مشهد فيه حاتم بيكلم وكيل النيابه وهو مش عارف انه وكيل نيابه وبيقوله بطاقتك يالاه واتخانق معاه وطلع الطبنجه بتاعته واول ماعرف انه وكيل نيابه لم نفسه وسكت طبعا علشان سلطه

احنا بقى مين هايحمينا من كل ده؟

بس برده فيه شوية مشاهد اصبح لابد منها فى الافلام المصريه وهى مشاهد العرى بس المره ديه المشاهد زياده شويه وانا راى انها من الحاجات اللى تتاخد على الفيلم

احنا بقى مين هايحمينا من كل ده؟
ربنا
إن الله يمهل ولا يهمل ومش من صفاته الظلم
بس برضه إن الله لا يغير ما بقوم حتى يغيروا ما بانفسهم
اى حد ما بيصدق سلطه فى ايده ويفترى على البشر

شكرا ليك يا موهي جاري وضع لينكات الفيلم للتحميل في منتدى الافلام..ولازم نكون لينا خير في حاتم
قاموس الحب

ما هو ده الحال دلوقتى يا موهى
على راى هنا
ربنا ياخد لكل مظلوم حقه

» بلح الشام مالوش حللللللللللللللللللللللللللل
» سؤال مالوش إجابه
» حصريا البوم حاتم فهمى صدقينى
» أغنية حاتم فهمي نا الشريط الجديد اغنية مفيش حاجه
» عايش على اللى كان